新歌仔

未學之前，老師話呢首歌要拉swing，因為佢好jazz feel時，我聽到個"jazz"字，就有少許抗拒.. 因為個人不大鍾意.. 因為通常啲歌手話夾歌，話係用jazz 去gem 歌，我都覺得好難聽。(不過好有可能係我份人先入為主)

但當我聽老師拉哩首歌仔時，又覺得佢好得意，幾好聽喎!!! 所以我都好努力去練首歌仔，雖然未能拉到老師咁有feel，但我唸都PASS到掛..

P.S: 之前錄嘅version，節奏太慢喇... 所以再錄過一個快少少嘅version.. =p

3rd painting - DONE!!!

加加埋埋，用左12.5個鐘，終於大功告成，畫完第一幅自選圖畫喇!!!! 真係要加埋呢啲樹，先覺得OK啲咋... 之畫一度畫到好沮喪架.. 之前以為會再補吓啲樹幹，所以畫得好幼，好求其... 點知當我畫完晒啲樹葉呀，花花草草之後，老師話可以簽名.. 佢話唔駛補筆喎.. 因為好難加喎... 佢係老師，佢話唔好改就唔改啦, 乖乖地簽名算數。 可以趕得切今年內完成哩幅畫，而且"驟眼"望埋去都尚算可以，所以我都好滿足喇^^

Let God be with You

今個平安夜，我同好多教友去左山頂公園報佳音。 今次係我第一次報佳音，仲要係同超過一百人一齊做，真係好熱鬧呀!!

不過呢，今晚山頂真係超大風呀... 大家都好凍，個個一路唱，一路震!! 但係雖然大風，依然有唔少觀眾停低聽我地唱歌。 其實係過往一個月內，大會巳經安排左三次練詩時間。 指揮真係好認真，又好用心去同我地練習。 嘻嘻! 不過當晚司儀中間介紹歌曲嘅次序同我地預定嘅唔一樣，大家就出左錯，有部份人唱中文version，同時有人唱英文，不過好快大家就統一番 =)

我地唱歌唱到就嚟十二點，就同會眾一同倒數聖誕節嘅來臨，蕭牧師之後帶領所有會眾一同祈禱。大家不忙向四周兄弟姊妹，會眾講merry christmas!!

當晚返到屋企都好夜，個人都好攰，但係又因為個人仲好hyper，所以成晚都瞓唔著=p

Free Make-up Service

近日收到唔少化妝品牌嘅電話，話又免費化妝服務.. 推得一個又有第二個.. 結果都係去左其中一個...

今次係個好後生嘅男仔幫我化妝... 真係唔係好慣.. 開頭成個化妝過程都無交談.. (以前啲化妝姐姐會一路幫你化，一路講解技巧的..) 而且見佢咁年輕，我好懷疑佢.. 但結果，佢又化得幾OK喎... 成個人都精神左，眼仔都大左喎..

完晒成個service, 化妝哥哥先同我講野.. 佢話見我穿皮摟，所以用幫我化得型啲襯番喎.. 老實講，我都幾滿意佢嘅化妝，不過我自己就未必做到同樣效果lu.. 同埋化到咁返工，好似有少許誇張..

搖籃曲

我覺得哩首歌仔都有啲難度.. 真係好難拉得好聽... 我覺得難因為首歌仔成日要係一把位同三把位來回，如果唔夠快，就按唔到位，就會唔啱音。另一個難嘅地方，就係有些地要同時按兩條弦!!! 仲有，就係拉笛音呀... 因為我仲未好掌握得到點去伸展尾指，所以笛音仲未做到準...

練左首歌仔一排之後，都叫做漸入皆境，開始成型喇 =)

雪人麵包

今朝起身梳洗後，準備食早餐嘅時候，打開早餐盒時，發現入面有個聖誕雪人麵包呀... 佢真係好得意呀... 見到佢個人就好開心.. 不過呢.. 個早餐盒只有一個雪人麵包同一個普通嘅奶皇包.. 我決定將個雪人麵包留俾大哥，等佢都得意吓... 到大哥起身時，我好興奮咁推介個包俾佢，大哥都覺得佢買相得意嘅，不過好明顯佢無我咁興奮啦..

p.s
大哥話個雪人麵包係朱古力忌廉味，好似嘉頓朱古力賓咁喎... 我心想如果係奶皇味會仲好味=p

沮喪

真係好沮喪，唔知點樣畫落去... 畫極都唔似，又唔知點去改... 老師話我太過一隻色去畫畫... 但我真唔知點樣用唔同顏色去畫... 我唸同我份人太死板有關係... 因為我覺得同幅reference 實在相差太遠喇。 我明白我係去畫畫，唔係去抄畫，但同reference相比下，真啲太唔鍾意我自己幅畫呀....

其實我唔應該無心機，我去學畫畫嘅目的係去enjoy, 去relax... 不過我仍然好期待下一堂嘅，只係我唔識點去handle， 越畫越灰啫... 希望下堂可以improve 吓我嘅情緒啦... =p

Annual Party 2010

今年Annual Dinner 主題係Movie, 大會嘅dress code 係Movie stars。 開頭覺得好難搞架... 不過好彩我個department好快就決定一齊扮"黑玫瑰"。 因為大家想慳家，唔想去花錢去置妝。扮黑玫瑰只要全身黑色就ok，大家平時返工都係咁上下.. 所以我地只係要額外買黑面具，黑手套，同埋黑玫瑰襟花，就可以有一team 黑玫瑰造型。

開頭只係知道隔離team會買costume，覺得佢地好賞面。但我無唸過會場入面，大多數人都有dress up 扮"Movie stars" 喎... 場面真係好得意，覺得自己好似去左Universal Studio Theme Park咁，所以不停搵唔同嘅character影相^^

雖然今年抽唔到大奬，但都叫做抽到table prize ($200 book coupon)，而且啲同事又好花心思去dress up，其實都好好玩，好開心架。

自選圖畫

學玩兩指定圖畫，今堂開始畫自選圖畫... 上網search完一輪，最想畫都係哩幅畫.. 雖然老師話哩幅畫唔係超高難度，而佢expect 要畫六個鐘左右， 但我好懷疑自己可以係六個鐘內畫到幾多野.....

一開始，老師叫我地起初稿... 由於未學過畫畫，起個稿都唔係咁簡單... 唔係比例唔啱，就係唔夠平衡... 好不容易起好個稿... 可以開始上色喇... 畫到啲樹嘅時候，我又一度進入迷茫，真係好lost 呀.. 完全唔知點入手，同埋點繼續... 所以我就迷迷茫茫咁亂畫...

2.5鐘好快咁過去，但我都只係畫得好少部份..... 老師話，其實最難o果part係間屋呀... (我啲樹只係小兒科，但我都畫唔掂)... 仲要當我返到屋企再cross check to reference picture嘅時候, 我發現有好多地方都畫錯左呀.... 我好心急又期待下一個lesson 呀，好想快啲請教老師點樣可以改好幅畫呀... 唉... 以我嘅進度，唔知可以係八個鐘內完成呀...

又係Gavotte

其實哩首歌仔又係一年前學過嘅... 當時學嘅版本係G Major .. 雖然唔駛轉把位，又唔駛拉笛音.. 不過因為係初學階段，當時真係拉到好似"劏雞"咁。

而今次學嘅version係D Major，有時要轉二把位，同埋有兩個位要拉笛音.. 技巧還是有待改善，但起碼聽得出係一首歌，而唔係劏雞.. =p

新髮型

之前成日心思思想剪下啲劉海(fringe).. 但我知道自己個額太窄，個fringe唔會好睇... 所以一直都係得個"恨"字，無行動。不過我最近把心一橫，決定去搞搞個劉海。


髮型師一剪短我前面一排頭髮，我就開始有點後悔喇... 因為真係唔掂呀... 髮型師話:「我知你而家好想摏自己個頭，不過我未剪完，我會再剪碎啲架.. 」 好彩剪完之都勉強可以.. 但係個人即時變得好細路女囉... 真係唔係好慣呀!!!

返到屋企之後，見到姪仔，佢竟然悍有地係定定地同我影相。 我個頭影相比真人好睇... 不過第二日瞓醒之後，就不受控制... 當姪仔見到我嘅時候，二話不說: 「姑姐，點解個頭髮剪得咁肉酸嘅?」 真係心傷呀... T0T

香港宣道會鑽禧聯合感恩崇拜

今日係宣道會六十週年聯區集體崇拜嘅大日子，大約30,000 人係香港大球場同心感恩崇拜，一同領聖餐，真係好偉大呀!!

今早8:30就同cellmates一齊食早餐，之後一齊行去大球場... 大家都好開心，心情就好似小學生好期待去旅行咁...

去到大球場都只係9:05左右，但都巳經有好多人到左喇(10:00先正式開始)。 收到崇拜周刊，知道係由北宣嘅蕭牧師政道，大家份外高興。我地好感恩被安排到東翼，正正係背向太陽。不然，我地就要被暴晒兩個幾鐘喇....

九龍水塘

今日天氣好好呀... 真係勁啱我地行山呀.. 自年頭同過Joann及Victor行山以後，一直都夾唔到時間，今日我地終於約到一齊再行山喇。 今次我地沿住九龍副水塘，九龍水塘行... 未開始行就已經見到好多馬騮喇... 不過只要你唔係拎住啲食物行，都OK無問題嘅。

沿住水塘走真係好靚，好舒服。不過中間上山嘅路都幾高，同埋好多梯級路.. 我一度行到個心勁跳 (好明顯係因為我個人少做運動啦)，好在停下飲下水就正常番咋。

哩兩個水塘其實都值得一行，只係略嫌佢指示唔係好多... 有時唔知向邊度行先啱囉.. 不過啱唔啱路，佢嘅風景都唔錯架。有山，有水，有樹喎，而且仲有大量清新嘅空氣... 行完山，個人都精神晒呀!!

今次行完山，仲去埋我未去過嘅廸欣湖添呀。傳聞中嘅廸欣湖係係無乜特別，只係得個湖，其實都真有其事。但係如果你有時間，沿住個湖散吓步，都幾舒服吖。

傳統型 (= 唔啱音)

雀曾經提過明明係屋企練得好地地，但一上cello堂時，就拉得唔ok... 其實我都好有同感... 好多時我係屋企練得都尚可以，但一係老師面前拉，就會變得好恐怖...

每次上堂老師都會幫我tune琴，同埋傾吓閒偈。今日同老師講開我會係Christmas eve 去報佳音，老師就問我嘅敎會係咪傳統型。 我同老師講曾經有朋友都問及我:「你間敎會係咪好傳統架? 呢... 即係啲聖詩歌詞唔啱音，同份譜唔夾果啲呀?」

今日當我拉scale (minor C) 嘅時候，真係唔知拉左啲乜出嚟，係屋企明明練到OK順暢，但今日表現真係差強人意呀... 老師話:「太神奇啦... 從來冇聽過一個scale 有minor 又有major喎... 」 當我靜過後冷再拉，雖然minor scale 番晒嚟，但係音準唔ok，所以老師就講笑:「我地係現代型，唔係傳統型，要啱音架!!!」

拉好scale 後，又到拉歌仔同study.. 首study明明練得幾熟架... 但係呢.. 一係老師面前拉，又拉到走晒樣.. 可能近排工作真係有太多啦，放工後實在好難再集中精神，所以成日睇錯琴譜.. 明明拉緊第二行譜，又跳左去拉第三行譜.. 好彩老師心情靚，我拉唔好都冇話我，仲好有心機咁教我添，所以我決定再努力啲練習，要拉好今個星期學嘅野!!!

2nd Painting lesson

終於等到今日喇，又係我同積奇蓮學畫畫嘅日子呀... Time really flies... 唔覺唔覺又畫2.5個鐘喎... 當我畫到啲樹嘅時候，我一度迷茫，但overall 係好開心架.. 雖然老師同積奇蓮都話我幅畫無問題，但係我真係唔係幾滿意我啲樹囉... 真係畫得好醜樣呀.. 幸好幅畫係影完相，係相到睇都尚算可以啦..

Violin Study

哩首Study 真係唔簡單呀... 我重覆又重覆咁練習左好多次... 拉到中段仲係會get lost... 未做到好流暢，但係好都好俾心機去練習喇... 今個星期仲有一首新歌仔要練，而哩首Study亦都有兩種弓法要練... 希望可以handle得再好啲就好喇~

地震

今日食完lunch, 返office做野後，不久大家都feel到震動，好似大貨車經過咁，但比佢更強勁。之後同事們都議論紛紛。當中有同事話feel唔到，但大部份同事都feel到個一剎那嘅震動。

之後，有同事唔知係邊到收到update，話原來係深圳后海灣發生黎克特制2.8級地震。記得以前地埋堂學過香港唔係地震地帶，照理係香港唔會有地震的.. 估唔到今日竟然feel到地震呀!

心情勁靚

其實我今個星期初因為工作上受委屆，一度心情底落，而且係office喊左出嚟...

但今日又因一個回憶令我整日都沾沾自喜而心情大靚喎..

九年前，我係一個oversea training入面認識一位韓國同事，大家都係group photo上面簽名留念。當年韓國同事簽名之餘，仲寫左句韓文俾我.. 同事話佢寫 "I love you"，當年我以為佢只係開玩笑，我一心以為佢係寫nice to meet you 之類.. 因為我唔識韓文，所以無從考究同事實質寫左乜野俾我...

今個星期，我地公司有位韓國同事嚟香港office 學習吓我地monitoring 嘅process.. 我把握機會叫同事幫我做翻譯... 原來佢講真喎... 佢真係寫左 I love you 架... 雖然我明白當年同事都只係隨便寫吓，未必真有其事，但我就因為哩件事沾沾自喜左成日.. 我都知道自己好傻瓜 =p

小夜曲

哩首小夜曲都練左一個星期，老師聽得出我有落過苦功喎.. 唔知係讚我定係安慰我嘅說話呢?!
首歌仔除左要換把位之外，仲有新野玩--笛音，就係尾手指唔駛壓到指板上，只要輕輕地撫摩到絃線拉奏的... 難就難在摩唔啱位又出怪音，摩啱位後又要好快按壓之前一個正常音.. 第一次玩笛音，都尚可以啦 (我自己認為.. =P)

清明上河圖

今早就同爸媽一齊入機場博覽館睇「清明上河圖」... 原來爸媽從來都未搭過機場快綫，亦都未入過機場博覽館。今次因為機鐵有優惠，兩老先肯去搭機鐵咋!! 真係多得世博會同康文署搞呢個展覽呀.. 爸媽可以搭下機鐵，又入吓機場博覽館... 雖然真係有好多好多人，又好逼人，但係爸媽都睇得好開心。我地仲發現行後啲睇，其實比行埋去睇係好啲，因為可以睇得全面啲... 我地都睇足一個鐘，睇完上河圖，我地就出番去銅鑼灣食晏，睇見爸媽咁開心，我都好開心呀~

Painting

之前見魚係facebook到upload佢同班friends學畫畫嘅相，見佢地畫得咁開心，我就講俾積奇蓮聽，估唔到原來積奇蓮都有少少興趣喎..問晒魚畫班嘅資料就去報名lu..

今日終於到我地去學畫畫喇... 真係好鬼興奮同期待架...

不過呢.. 當我畫緊個天空嘅時侯，真係有啲迷茫.. 因為好似好一遍粉藍，無層次感... 後來畫畫吓先好番啲... 但當我畫啲樹葉嗰part，畫到棵樹有小走樣，又向前傾... 老師走到我身邊問: 「你做乜咁沮喪呀?」我答: 「棵樹走左樣，好怪..」 老師又話:「哦, 咁唔係怪.. 你係哩度補幾筆balance番咪得囉..」 跟住老師幫我加幾筆之後，又真係ok番喎... 真係好祌奇呀!!!

我哩啲冇乜創意嘅，就畫埋啲好ordinary 嘅樹.. 但積奇蓮就有心思地畫聖誕樹.. 唔好睇我地幅畫好簡單咁，我地都用左兩個鐘去畫架!!!

獻詩

一向五音不全的我，從來都無唸過可以入詩班唱詩。 真係無唸過自己今日竟然為到我團契組員嘅婚禮，參與做詩班，係莊嚴嘅敎堂入面為他們二人獻詩頌讚神，真係好感恩。 由兩個月前被邀做詩班，到今日真真正正的坐在詩班席上獻詩，帶領會眾唱詩，成件事對於我都係好奇妙，但事情又嚟得好順利，原來只要你用心去讚美神，就一定會好聽架。我真係好高興有份參與其中。

肉赤

今日去學小提琴時，出門好匆忙，忘了帶琴書，返入屋再攞書，好快咁張部琴埃埋牆，就走入房攞書... 無幾耐，就聽到"啪"一聲，部琴90度翻跌落地呀.... 雖然有結實嘅case保護住，但都好肉赤跌過部琴落地... 幸好個小提琴安然無恙.. 咁都好啲.. 如果唔係，真係有排心痛呀~

Concerto No.2 in G Major

哩首歌仔都係長同埋有少少難度，都花都唔少時間去練首歌仔.. 雖然仲有大把進步空間，如大細聲，跳躍，停頓嘅地方要再明顯啲，不過勉強都算做拉到成首歌仔啦^-^

聖餐

我平時去慣嘅周日崇拜，通常都係每月第三週設有聖餐。教會會邀請所有以受浸嘅基督徒一同領聖餐，以聖餐去紀念主耶穌為我們被釘十字架。

我上個月剛受浸，終於有資格藉著聖餐去紀念天父嘅恩典.. 本來好開心，好期待去領聖餐，後來先記起會係十月第三個星期日出發去日本旅行，上唔到平時嘅周日崇拜，所以我改左返星期六上午嘅崇拜.. 哩個session係教會十一月新設立架，我唔知佢地嘅聖餐安排係邊個星期.. 我一心希望佢地有安排聖餐，不過睇完個崇拜程序表，知道未如自己所願，所以有一點點失望.. 要等到十一月先可以領聖餐喇... 心裏也有一點點介懷自己因為去旅行而無份領聖餐....

今日係十月第四個星期日，我如常返我去慣嘅周日崇拜，但竟然有聖餐呀!!! 我真係喜出望外。 原來天父一早預備左我可以係十月領第一次聖餐架.. 真係超感恩呀~

Sendai Trip 2010

話咁快，又去完一連六日嘅仙台之旅喇.... 真係好感恩天父賜給我地美好嘅天氣，美麗嘅秋景，最要感恩嘅係颱風嘅遠離，好讓我地可以安全地如期返港。

今個Trip 唔係shopping 團，主力行山和欣賞紅葉.. 開頭嘅景點只見丁點紅葉，有少少失望的。好彩去到藏王高山時，都有遍地紅葉，個人即時安樂晒。 之後去搭船去松島，有意外地同一大群海鷗極近距離接觸，真係好鬼開心呀!!!

今個旅途非常惀快及滿足，若要雞蛋裏挑骨頭的話，就要略嫌車程遠，班次好疏啫，其它和樣都很好的=)

Sendai Trip 2010 - Part 1

http://www.facebook.com/album.php?aid=241162&id=643747049&l=d1bee44e30

Sendai Trip 2010 - Part 2
http://www.facebook.com/album.php?aid=241173&id=643747049&l=b6f4013646

讚賞

原來我個心境都真係仲好細路仔.. 有人讚吓就會好開心...

最近有同事學完攝影課程，口痕痕問我會否做佢嘅練習model，我一口就應承左。攝影當日，大家都抱住玩玩吓嘅心態啦。攝影師話我同平時返工好唔同呀，佢同我平時返工好嚴肅，好少笑，估唔到平時嘅我係咁活潑喎。 佢竟然用"活潑"嚟形容我.. 真係聞所未聞... 所以我都開心左一陣子呀 =p

今晚同浸禮班同學仔同導師嘅gathering，大家各自預備食物一同分享。大家傾吓浸禮當日嘅心情和感想等，彩蓮傳導又分享她的得救見証。今次大家唔再係上堂，所以都變得好輕鬆。 講開上堂，順帶一提我係最尾一堂浸禮班時，我做左女班長喎... (其實都係因為無人肯做，所以我舉手認投啫。) 今次gathering反應都好好，好開心大家彼此分享愉快。 聚會尾聲，彩蓮傳導竟然大讚我.. 佢話: 「我未見過咁盡責嘅班長，男班長，你真係要好好向女班長學習喇!!」 雖然我同男班長各感尷尬，我無唸過有人注意到我做嘅野喎... 其實都係好小事，arrange contact list, send emails, send reminders等等.. 但係講到底我個心都梗係開心啦..

Janet & her violin (again~)

真係多謝同事邀請我做作佢練習影相嘅model.. 今次影相過程出現唔少蝦碌嘅小插曲，好彩最後都成功影到相 =)

攝影師好努力咁執相，不過佢執完啲相(去眼袋, 黑眼圈,減紋等)之後，我唔係好睇得慣，因為我覺得唔係好自然...所以都係post晒未執嘅相.. 嘥左攝影師一番心機.. 真係抱歉 U-U

http://www.facebook.com/album.php?aid=236839&id=643747049&l=88d719bdcf

重生

初信栽培班時，導師講過浸禮是公開承認耶穌為我嘅救主和生命之主。 而且落水時象徵和基督一同埋葬，而上水一刻亦象徵和基督一同復活，所以浸禮另一個義意係重生。

今晚係我受浸，加入敎會嘅大日子呀... 好開心我爸媽，老細，好朋友們都出席為我做見証!!! 自己本身都好期待今日嘅來臨... 不過估唔到，準備受浸嘅時候，成個人變得好緊張!!!

直至牧師為我施浸，我個人入左水之後，就變得好輕鬆LU.. 及後我嘅朋友們，主內兄弟姊妹們一一為我送上祝福，又逐一影相，我真係好開心，開心到個咀係合不上，無論影相與否，我都係四萬咁口... 那從神而來嘅喜悅真係好豐富.. 我嘅興奮好耐都未完，結果成晚都瞓唔著 =D

因為我真係好感恩未信主嘅爸媽，Doris & Bruce, Annie 都願意出席, 我真係超感動，超開心呀... 而且我自己都估唔到團契有咁多兄弟姊妹出席.. 我無唸過會有咁多人同自己影相，我忽然間覺得自己好似名星一般.. 原來真係會無時間招呼朋友架... 但我好感謝Victor 咁抵得唸，成晚托拄部相機，幫我影咁多靚相呀..

http://www.facebook.com/album.php?aid=236169&id=643747049&l=12ca878f6e

輕快新歌仔

呢首新歌仔，老師試拉俾我聽時，我一聽就好鍾意喇... 我覺得好得意，好輕快，好中東feel.. 不過佢入面有好多地方要拉雙音 (同時拉兩條弦)，對於我嚟講係好有難度...

我真係覺得首歌好得意，拉兩拉就好心急咁錄低左佢.. 我知道仲有好多改進嘅空間嘅，等下堂老師指導之後，有時間再拍過一段好啲嘅片啦.. =)

懇親之旅

終於都等到懇親之旅哩日喇~ 好感恩有個好天氣.. 之前幾日因為颱風關係，天氣好差，但係今日天氣尚算唔錯喎... 多雲得嚟都算有陽光喎，只係落左幾滴雨粉咋。 不過雖然好似"馬後炮"，我事前都預料今日會有好天氣，因為始終都係一個懇親嘅活動，我相信神會看顧大家嘅..

眼見爸，媽都好enjoy是次活動，我自己都好開心。雖然爸，媽還是未有信主嘅意慾，但起碼佢地唔抗拒聽福音，所以都算係一個好開始。

http://www.facebook.com/album.php?aid=234408&id=643747049&l=1974fde8cd

violin study 又嚟喇~

哩首German dance又係玩換把位，今次係由一把位同三把位轉嚟轉去，嘻嘻，練左都有唔少時間，但係都係好"滕雞"，中後段尤其名顯，轉完三把位之後，支弓"撻"落啲弦兩次，搞到個粒音又震又Sharp左，不過最後嗰part都算拉得幾順嘅..

哩首study聽落好似有乜野，但我覺得佢一啲都唔容易。雖然個頭開得算ok，不過到後段又開始失控，多左唔少雜音... 真係可惜...

好鬼驚呀~

今晚同Doris 係IFC食完飯，傾完偈，Doris見我好攰咁，就suggest 埋單走人。埋完單，Doris話想去埋洗手間先返屋企... 入去時都係好地地... 去完行去洗手嘅途中，有一位阿太同我迎面而來，就係我地相遇嘅廁格，因為個廁格門係打開左，我眼尾見到有位白色衫人企係廁格入面，同時我開始聽到水聲... 我望真啲... 原來係個男人係女廁如廁而又唔刪門!!!!!!!!! 而迎面而嚟嘅阿太同一時間望到個男人之後， 變得好迷茫，阿太再望望我，之後佢又當無時發生。

我即刻去洗手嗰邊，同Doris洗完手，我講俾Doris聽我好似見到有男人... Doris 即時反應: "唔係嘛，咁驚???" 點知，就係哩一瞬間，個男人出嚟洗手呀!!!!!! Doris 同我二話不說，立即離開個女廁.. Doris 話佢出洗手嚟嘅時候，都好見到有廁格開左門 (正常嘅廁格，啲門都會掩埋嘅..)，佢眼尾都係見到有白色衫嘅人係入面，Doris以為係清潔阿姐洗緊廁所，所以無埋到佢...

個男人出嚟洗手時，同Doris有一吓子嘅對望，Doris話可以肯定佢係個男人，因為佢有鬚根架!! 不過見到個男人滿臉通紅，應該係飲醉酒喎... 嘩，真係點都估唔到係IFC 嘅女廁入面見到男人架，真係俾佢嚇親...

我忍....

好朋友Victor同太太結婚十週年，我有幸獲邀飲宴，當然要賞面出席啦.. 不過今次都係小妹第一次出席同類場合... 禮物方面都幾頭痛... 雖然Victor講明唔駛買禮物，又唔駛封禮。但係我又點可以白食呢?　十週年喎，真係好難得，又好有紀念價值喎，所以我決定點都要送份禮物嘅.. 好彩俾我終於唸到送乜喇... 一於去訂造人像公仔賀一賀佢地啦...

我去到舖頭時，有三個人落緊order，我惟有係舖頭出面睇佢啲display啦.. 發現佢九成都係結婚公仔，我好努力咁望都唔見有小朋友嘅figure喎.. 見等左好耐，班人都未走，我咪去第二度行下先啦。行行企企一輪之後，再返去舖頭時，又被一位阿嬸捷足先登喎... 我見佢同老闆都confirm緊details 啦，咪唸住攞本catolog睇下先啦，點知老闆竟然好唔客氣咁同我講:「要排隊先!」

我回答: 「哦你用緊架，唔好意思呀...」 跟住咪坐埋一邊等... 好可惜，阿嬸嬸係一位每事問，但又唔精明嘅嬸嬸，問完又唔聽人講，所以佢問完又問，問完又問，問完再問... 唉，見之前行過其他地方，都唔見有佢哩類型嘅figure賣，我惟有忍佢地...

先前我想話掂下本catolog都唔得，等我仲以為阿嬸嬸未用完本catalog 啦。點知，我等左成半個，阿嬸嬸由頭到尾都冇用過本catalog...　係眼尾都無望過本野呀，你話激氣唔激氣吖!!!! 鬼叫我要幫襯佢咩，惟有繼續坐埋一二面呆等.....

好不容易，終於等到佢confirm晒所有details，到最後落單喇... 老闆話佢地兩，三日後就會send個做好左嘅模send 去客人嘅email 到，客人睇完覺得邊到唔似樣，可以留言代改。 但係只會based on 落單時所交低嘅相片去改，唔可以中途換相片。同埋個樣confirm左，先會做頭髮。其實老闆都講得好清楚，但係阿嬸嬸都仲係有好多問題... 再過大約十分鐘，終於到我喇!!!!!! 老闆終於肯俾本catalog 我睇 lu..

不過呢... 我一心唸住訂造一家三口嘅公仔架... 雖然本catalog 好厚，但係九成九都係結婚公仔嚟架咋.. 同老闆講完我心目中嘅idea，老闆就話其實佢地得一款model有小朋友figure。但係呢，個小朋友造型好唔掂喎。 再加上阿老闆極力反對做BB figure喎，佢話一定唔似喎，所以我最後都係揀左做兩個大人嘅figure囉。

估唔到佢地真係兩日後就有個初稿email俾我喇，而且我認為個五官像真度都頗高，所以我都唔駛佢地改就accept 左個初稿，等佢地加埋髮型俾我final confirm。

***********************************************************************************

等左兩個幾禮拜，終於有得攞貨喇... 嘩，原來實物俾我想像中大呀，個盒仲好大盒。真係無唸過一個相架可以咁大盒，而且可以咁重添呀!!!!! 今日仲要著左對較高嘅高踭鞋... 由鬧市中帶佢返屋企，要經過重重障礙，又要超越好多行得好慢嘅人.. 左穿右插，終於拎到搭車嘅地點，安全地送番屋企。 不過呢，坐抵食飯嘅時候，雙手巳經震晒... >~<

由去訂哩份禮物，到確認個型，取貨，都差不多一個月時間... 今日終於忍唔住送出左份禮物lu... 個人輕鬆晒 =p

IQ題

今日fellowship嘅組員問左幾條IQ題，我覺得好得意，想係度分享下... 所有答案都係係茶餐廳/ 酒樓有得食嘅...

題目1. 紅豆同綠豆打仗，紅豆嘅軍隊叫乜?
.....
....
...
..
.
答案係: 紅豆冰 (紅豆兵)


題目2. 紅豆將軍發司號令，所有紅豆兵都出發進攻，咁佢講左乜?
.....
....
...
..
.
答案係: 紅豆糕 (紅豆 "GO")


題目3. 咁哩位將軍又係邊個?
.....
....
...
..
.

答案係: 雪糕紅豆冰 (說"GO"紅豆兵)


題目4: 後來紅豆被攻打，點解啲紅豆唔郁?
.....
....
...
..
.

答案係: 紅豆味雪糕 (紅豆未說"GO")



同場加插左一個similar logic嘅IQ題，不過今次係估一首歌名...
題目 : 有乜野係唔可以擺係雪櫃入面?
.....
....
...
..
.

答案: 不能說的秘密 (不能"雪"的秘密)

************************************************************************************

雖然有啲無聊，但係我覺得好得意喎 =p

Another new toy

唔好誤會我學埋鋼琴，nononono.... 只不過係我太愛拉小提，但無奈小妹對音樂嘅認知有限，節拍同音準都唔掂。老師成日叫我拉之前，要先唸吓個音，唸完先拉出嚟喎.... 但問題係，我跟本對啲音無idea 喎... G, D, A, E 就話無問題，就咁係嗰四條上拉空弦就OK。但係如果你話叫我唸吓個F音，我我真係唸唔出囉... 老師話要記得個音喎，所以咪唸住買番個電子琴，得閒又記吓啲音囉，希望咁樣會對我嘅音準有啲幫助嘛。 上網見到哩款電子琴，嘅慳位，又ok價錢喎，所以就買左佢lu。

買到喇...

返左哩個團契大半年，但遲遲到未買到哩件團褸... 多得有交帶嘅組長Stephanie幫手，今日終於買到哩件有團訓嘅團褸喇~

最近嘅歌仔..

哩排都好忙，無乜時間去update個blog，又無乜時間錄歌仔.. 今次哩三首歌仔都比較短，所以可以一口氣錄晒，不過quality都係一般啦=p

我比較喜歡第1 同3首。第一首歌仔節奏輕快啲，我覺得中段部份幾得意... 至於第二首歌仔，中後部份要徘徊係第一把位同第三把位，比較難handle，始終都係未處理得好好。 而第三首歌仔係首慢歌，我覺得三首中比較好嘅一首，你見我拉到郁嚟郁去，就知我有俾感情落去拉啦~

後知後覺

仲以為自己可以抵得住Hello Kitty 嘅誘惑，唔再去換McDonald o果啲公仔啦... 到最後都係要買番隻kitty先安落，個事緣係...

近排又病，又工作超忙，做到悶悶地，每晚放工時落到地鐵站，總會經過McDonald 嘅hello kitty poster.. 每一次都都俾隻隻「御林軍kitty」attract住我嘅視線，次次睇完都覺得佢好鬼得意。 所以最後都係忍唔住，決定要買番隻「御林軍kitty」俾自己。

好可惜，當我有哩個決定嘅時候，其實隻kitty都巳經賣左好耐，因為自己屋企附近嘅McDonald 巳經無得換，自己又懶得去睇邊度仲有得賣，所以就去左yahoo auction 到bid。見到有1個post，個賣家request $45，其實見到時都唸住買架啦，因為我志在必得嘛。 不過好彩好又手痕再search過，點知今次俾我search到另一個賣家出價$35，所以我就幫襯呢個賣家lu..

經過今次，個事實証明，poster廣告係真係有一定嘅效用o架!! 如果唔係晚晚見到張poster，我唸我都唔會決定買隻kitty架喎...


**********************************************************************************
P.S. 當我話左件事俾Senior G 聽之後，佢深信我係買得貴左，佢話佢見到邊度平啲再話俾我知。我強調過叫佢唔駛咁做，就算俾佢見到，我都叫佢唔好話俾我知，因為既然我巳經買左喇，我唔想知道邊度仲有得買喇。

但我估唔到嘅係.. 佢真係走去搵，又俾佢搵到有McDonald仲有得換「御林軍kitty」。佢仲特登打電話話俾我知佢用$12買左.. 仲話佢幫我溝淡左... 不過佢指嘅係.. 佢溝淡左我個心，令我心淡啲咋!!!!! 真係俾佢激壞呀 >~<

白飯魚

日前秘書姐姐拎住對有水墨畫的白飯魚返公司，佢話係佢朋友去完大陸旅行送俾佢嘅。 我一睇到就覺得對白飯魚幾特別。

兩日後，秘書姐姐問我啲鞋嘅size喎... 原來佢朋友覺得啲白飯魚好靚，所以每個size 都買左一啲，而且仲係每對都有唔到theme，有又唔同鞋款。(有就咁穿上去的，亦有綁繩的)

秘書姐姐開頭拎左對"懶佬鞋"款，個theme係中國水墨畫feel 嘅俾我試，可惜我大腳八，唔啱著。秘書姐姐就話佢仲有另一對大啲嘅size，不過就係要綁繩，而個theme 係埃及。

當時我好疑惑，仲以為埃及feel會好怪。點知到對鞋攞到手時，我覺得佢好靚呀，我反而鍾意哩對埃及feel嘅多過山水畫添呀... 好happy，無啦啦多左對靚鞋著! ^^

黑仔..

今日好黑仔呀，一個人去雲吞麵舖食晏 ... 食完晒準備俾錢時，先發現個銀包冇錢冇身份証，連常用嘅信用咭(連AMT function)都冇帶呀!!!!!!!! (因為我漏晒佢地係屋企個舊銀包入面...) 個銀包淨係得其他credit cards 同埋一將bank a/c card(不過平時我唔係用哩將card 去ATM機提款，所以我唔知道密碼... ) 點算好呢?　我只好打電話搵人救命... 我第一個唸想counsellor.. 不過我亦都記得佢約左一位resign左嘅同事食飯.. 一定有好多野傾，所以唔想打擾佢他... 惟有再唸吓有邊個朋會係附近出現啦... 好快我又唸起舊同事朋友A，因為佢平時多數都會係附近食飯。 但係打俾佢竟然係: 「你所打嘅電話號碼暫時未能接通，請遲啲再打過嚟啦....」 打左三次都係咁樣... 真係唔知點算好...

唸左一陣，我決定打俾秘書姐姐，好可惜秘書姐姐又聽唔到電話響... 霎時間覺得自己冇乜朋友.. 係最無助嘅時候，又搵唔到人幫... 同一時間，雲吞麵老闆都行到我個位問: 「妹妹呀，你都食完好耐喎，你走未架? 」我惟有同老闆講我唔記得帶錢... 老闆立即話: 「哦~ 唔緊要，好少事啫，唔駛驚!!　我掛張單係出面counter，你去"禁"完錢再返嚟俾啦。」

老闆真係好，冇叫我交低啲乜野，就咁就放我出去.. 冇錯，我應該立即離開，讓番個位俾下一個顧客嘅，之不過我心裡唔知點算好啫.. 究竟我係咪返office 班錢再出過嚟還錢?????

我出左舖頭，正在猶豫之際，我先想起其實我可以拎住張Bank a/c card去銀行teller到排隊提款架... 雖然話係preferred banking.. 其實同normal a/c 無分別，條隊一樣係好長龍，排左好耐先排到我。 攞完錢，又要趕返去麵舖。點知去到麵舖，老闆巳經唔記認得我，仲問我要幾多個位... 俾完錢，個人先可以定番啲... 原先唸住快啲食完，有時間去做私人野... 點知搞完一大輪，返到公司都差唔多兩點，夠鐘開工lu..

唉，哩個故事都真係一個大教訓... 第日放假都係唔好換銀包，一係就要緊記放番好啲card 同錢!!!!

挑戰極限

今日去學人跳funky dance.. 對於我哩個一向手腳唔協調嘅人，去學咁富有節奏感嘅舞，真係挑戰緊自己嘅個人極限.... 嘻嘻，今次都係我第一次學跳舞，所以我覺得好鬼難。 我一開始梗係就巳經跟唔上人啦，咪就係人地個個都向左邊跳緊，但我先向右邊跳囉。

Funky dance 係mixture of jazz，aerobics 再加hip hop 嘅舞步，可以有好多變化... 其實又有啲似纖型22 果啲舞，運動量都好大... 我巳經係上beginner 嘅班，但係我都真係跟唔上，我真係唔識"un"身"un"勢，又唔識扭pat pat，最唔知點樣又擴又縮個chest.. 仲有泰國feel嘅"fing"身"fing"勢.. 雖然唔識跳，但都覺得好好玩，成堂舞都叫做enjoy嘅... 不過到最後休息嘅舒筋動作，個啲坐低後，個背脊要登到直一直，然後提起雙腳上半空嘅post.. 就係我最唔得嘅動作，因為我唔夠力hold住... 做做吓，真係做唔到，個人去左發夢... 老師係塊鏡到提示我要提起雙腳，但我真係提唔起，自我放棄左.. =p

我哩啲一係好日都唔做運動，一嚟就玩啲咁激嘅運動，恐怕聽日一定會好難捱，一定周身骨痛.. 我瞓上格床架，我好驚聽日痛到落唔到床呀...

新歌仔再度登場

最近學緊二把位.. 以下新歌仔有部份需要又一把位轉去二把位，然後再去一把位.. 哩啲一，二把位交叉嘅技巧真係好難掌握。 顧得手勢，又唔顧得落點，顧住落點，拇指又用力過度，影響到其他嘅音準，所以轉親把位唔係flat 左就係sharp左，好少拉得準... 就算係一把位去二把位落得準，返去一把位時又會flat左.. =p 不過見自己都係初學轉把位，就當自己過關先lu...

My new toy

好開心呀... 多謝Doris introduce 哩個小玩意俾我，仲陪埋我去買添。 哩個小玩意係用nanoblock 砌出嚟，即mini 版嘅Legos。成個小提琴都係約11cm高咋，都好別緻喎...

你咪睇佢咁細個呀，都要成$88架!! 小妹都係用左半個鐘就砌好喇，計番條數，其實哩個小玩意都唔平，不過勝在砌出嚟個像真度都算高嘛 ^.^