今個平安夜，我同好多教友去左山頂公園報佳音。 今次係我第一次報佳音，仲要係同超過一百人一齊做，真係好熱鬧呀!!
不過呢，今晚山頂真係超大風呀... 大家都好凍，個個一路唱，一路震!! 但係雖然大風，依然有唔少觀眾停低聽我地唱歌。 其實係過往一個月內，大會巳經安排左三次練詩時間。 指揮真係好認真，又好用心去同我地練習。 嘻嘻! 不過當晚司儀中間介紹歌曲嘅次序同我地預定嘅唔一樣，大家就出左錯，有部份人唱中文version，同時有人唱英文，不過好快大家就統一番 =)
我地唱歌唱到就嚟十二點，就同會眾一同倒數聖誕節嘅來臨，蕭牧師之後帶領所有會眾一同祈禱。大家不忙向四周兄弟姊妹，會眾講merry christmas!!
當晚返到屋企都好夜，個人都好攰，但係又因為個人仲好hyper，所以成晚都瞓唔著=p
No comments:
Post a Comment