自選圖畫

學玩兩指定圖畫，今堂開始畫自選圖畫... 上網search完一輪，最想畫都係哩幅畫.. 雖然老師話哩幅畫唔係超高難度，而佢expect 要畫六個鐘左右， 但我好懷疑自己可以係六個鐘內畫到幾多野.....

一開始，老師叫我地起初稿... 由於未學過畫畫，起個稿都唔係咁簡單... 唔係比例唔啱，就係唔夠平衡... 好不容易起好個稿... 可以開始上色喇... 畫到啲樹嘅時候，我又一度進入迷茫，真係好lost 呀.. 完全唔知點入手，同埋點繼續... 所以我就迷迷茫茫咁亂畫...

2.5鐘好快咁過去，但我都只係畫得好少部份..... 老師話，其實最難o果part係間屋呀... (我啲樹只係小兒科，但我都畫唔掂)... 仲要當我返到屋企再cross check to reference picture嘅時候, 我發現有好多地方都畫錯左呀.... 我好心急又期待下一個lesson 呀，好想快啲請教老師點樣可以改好幅畫呀... 唉... 以我嘅進度，唔知可以係八個鐘內完成呀...