原來我個心境都真係仲好細路仔.. 有人讚吓就會好開心...
最近有同事學完攝影課程，口痕痕問我會否做佢嘅練習model，我一口就應承左。攝影當日，大家都抱住玩玩吓嘅心態啦。攝影師話我同平時返工好唔同呀，佢同我平時返工好嚴肅，好少笑，估唔到平時嘅我係咁活潑喎。 佢竟然用"活潑"嚟形容我.. 真係聞所未聞... 所以我都開心左一陣子呀 =p
今晚同浸禮班同學仔同導師嘅gathering，大家各自預備食物一同分享。大家傾吓浸禮當日嘅心情和感想等，彩蓮傳導又分享她的得救見証。今次大家唔再係上堂，所以都變得好輕鬆。 講開上堂，順帶一提我係最尾一堂浸禮班時，我做左女班長喎... (其實都係因為無人肯做，所以我舉手認投啫。) 今次gathering反應都好好，好開心大家彼此分享愉快。 聚會尾聲，彩蓮傳導竟然大讚我.. 佢話: 「我未見過咁盡責嘅班長，男班長，你真係要好好向女班長學習喇!!」 雖然我同男班長各感尷尬，我無唸過有人注意到我做嘅野喎... 其實都係好小事，arrange contact list, send emails, send reminders等等.. 但係講到底我個心都梗係開心啦..
No comments:
Post a Comment