第六堂

前日巳經有傳香港會有颱風，噚日終於打到嚟，我幾擔心佢又係係星期三嚟打八號風球，又無得學小提琴呀。 正當個個希望個風可以捱到星期三，我就一正希望佢快啲打完。好彩佢真係好快打完，如果唔係，我又無得上堂喇。

唔知點解今晚上堂嘅時間過得好快咁，我都未夠喉，就巳經夠鐘落堂。今日又學左乜呢? 學埋G major 嘅 full scale，又學左用另一種弓法去拉「小星星」，試過拉新歌「Autumn」。 之前係屋企自己試拉「Old Oxford」，但最尾幾句總係拉得唔好，今日問老師，老師教左一個好簡單嘅方法，就可以拉好啲lu... 但我始終轉綫時都拉唔好，同埋音準都仲係有偏差，最慘嘅係我節拍未到位呀，睇嚟仲有下多啲苦功先得。