起晒"枕"

經過三日努力練習之後，我三隻手指頭都起晒"枕"。鳴..鳴.... 鳴.... 真係無唸過，除左要將所有手指甲剪到好貼，手指頭會起"枕"，同埋有輕微麻痺。我問老師係咪我用錯力導致起"枕"，但老師話哩啲係勤力嘅表現，老師自己都有好多"枕"。

今晚上第五堂喇，老師開始有要求，唔再係任我拉過就算數，而係要拉到似樣先收貨。 今日終於學A Major 嘅 full scale。學左一啲練拉弓嘅基本功，同埋學左拉「一閃一閃小星星」。

唉，要拉得好真係好難，又要跟節拍，又要雙手協調，又要睇譜睇得快... 睇嚟我都係要再加把勁先得。