信任

我同積奇蓮咁老死，佢結婚咁大件事喎，我無理由唔會係度記底啫，但事實上，我又無做到喎... 點解呢?

其實當初我一心都以為自己會有好多野寫，我唸左好耐都唔知點解，唯一我唸到嘅可能係因為我被安排坐迎賓位卦，因為酒店嘅迎賓位同宴會主場係有好一段距離，一早就叫人地坐係嗰到，又冇得入去趁熱鬧，入面做緊乜，我跟本唔知到，又冇份同至friend 嘅新娘影相喎，其實都幾冇癮架。 要等到入晒席，食晒野喇，最尾先有機會同佢影番張相咋!!!

不過我知道積奇蓮有哩個安排，完全係因為佢信得過我，要我幫佢兩家人收「人情」。當晚我真係覺得原來得到別人嘅信賴都唔係好好，就好似對上兩次做姊妹咁，又係因為新娘子話我信得過，結果兩次都係我去keep住啲利是，人情同埋金器首飾，跟住對新鋃子去東去西，去換衫。

對於得到別人嘅信任，我其實都感到安慰，但係呢，人家有幾瘦，大家唔係唔知gum 嘛，要我拎住嘅錢同埋有份量嘅金器，都幾係重同埋攰架!!!