靜音器

上次上完堂，知道有靜音器之後，當晚連瞓覺都掛住要買佢返屋企，所以第二日，我就急不及待，襯住lunch time 走去銅鑼灣通利琴行買靜音器。

買完個靜音器，又要趕返中環同積奇蓮食lunch。搭地鐵期間，唸起再無時間限制，幾夜練琴都唔怕嘈親其他人，真係好興奮，興奮到由個心到笑左出嚟。

由於又有飯局嘅關係，返到屋企梳洗完，都巳經11點幾，12 點.... 買左新玩意，冇理由唔試吓喎，所以我又試拉，真係細聲左好多喎，又無人發現... 拉到攰攰地，先發現原來都差唔多1點半，見第二日仲要返工，所以都立即收好啲野去瞓覺 lu 。

今晚又繼續拉新歌，不過真係好難拉.... 今次拉到啲手指頭好痛喇，啲"枕"仲有擴大嘅跡象添，惟有勤啲搽hand cream，希望佢地唔好咁硬啦... 我真係好想係下一堂之前拉好哩首歌呀!