話咁快又一個月喇，雖然老師話我進步左好多，但我又越來越覺得自己無天份。 我都好努力練習，但係呢，個基礎始終都打唔好咁..... 兩隻手，十隻手指真係好難控制... 而家仲開始加入跳躍輕快感，大細聲呀等等，唔係咁易handle囉 (我覺得)....
跳躍得嚟又要分短跳躍，同長跳躍，真係唔顧到咁多囉... 短跳躍都仲可以，但係長跳躍就唔係好掂... 而家跳跳吓，又要顧埋大細聲添，真係「不知點算好」...
大細聲呀，跳躍嘅長短呀，全部都係靠拉弓嘅長短去控制喎，技巧當然係有待改進啦。大細聲嘅改變，我都叫做知道點做 (雖然做唔足，做唔準)。但係跳躍真係唔係幾得，勉強做到短的，但我真係唔知點樣可以keep住短跳躍之餘，而再做到有漸慢嘅效果囉...
雖則如此，我都仲好有興趣學落去，我都好想拉好佢。但唔知點解，拉完個"零"鐘兩個鐘，個人就會好攰，好眼瞓。唔知係啲藥，定係真係我太用神睇琴譜呢?!
No comments:
Post a Comment