My New Violin

好開心呀... 今日買左部新琴呀~

原先我想等五月考完琴先換新琴嘅，不過早幾堂老師幫我tune琴時，提及我個小提琴拉好快嘅節奏唔夠靈敏後，我又心郁郁想換琴... 但我又擔心唔適應新琴.. 考試唔著數喎...

我同老師提及買新琴時，老師極力和議，佢話只要部琴係好嘅，拉一陣就可以適應到。 老師覺得買部好啲嘅琴對我考試有幫助... 所以就決定買部新琴..

今次無老師幫我揀琴，要自己約老闆買琴。不過我當然叫埋Doris陪我啦.. (真係好多謝Doris抽空陪我^_~) 去之前都為自己set 左個buget ，希望買部around 一萬蚊嘅琴嘅.. 老闆揀左三部琴俾我，一部偏橙色的，一部同我本身個琴好似(不過深色小小的)，一部彷古琴(好以飽經風霜的)...

橙色的，太深色了，我睇唔慣，唔係幾鍾意佢... 不過佢勝在易handle，容易拉得好... 老闆一拉之下，更加另眼相看，因為音色夠厚，而且低音好好聽添，開始覺佢部琴唔錯... 不過老闆略嫌它嘅雙音音色唔夠清...

第二部琴，我自己試嘅時，覺得佢比橙色的難handle.. 但個樣順眼(因為似我本身部琴 =p).. 不過老闆話哩部琴會貴啲.. 老闆一路拉，一路讚部琴得.. 反應快，慳力，夠響，sustain 到, 靚聲等等... 老闆拉左好耐，佢係演奏級，當然拉得好好聽嘅..

至於第三部琴，音色比較硬，而且我唔鍾意佢係彷古look.. 所以我唔會考慮佢，好快就out 左佢..

原先都唸住買橙色嗰部算了... 不過老闆又極力推介第二部琴.. 我又再試拉第二部琴，都唔係拉唔到.. 琴音又真係好好嘅... 老闆話個琴原價12,000 ，不過會俾discount，折實10,200 .. 同我心目中嘅budget 好近喎.. 而且老闆用3,000 收番我本身部琴，所以我只需俾7,200就有新琴喇，well within my budget!!!! 所以都係決定買第二o果部琴.. Yeah~ 真係好興奮，好開心呀!!!!

由於係新琴，要多啲拉吓佢幫佢開聲，所以我要好努力練琴先得喇!!

行山

都好一段時間冇行山喇.. 難得大家就到時間，我地又原班人馬，舊地重遊.. 再次行吓哩個好多馬騮嘅金山郊野公園。

不過我地今次行第二條route，行衞奕信徑去搵城門水塘。都ok好行，唔係太多梯級，好啱我哩啲少運動嘅人行 =p

行完山，搭車嘅時候就feel到肚餓.. 竟然好想食McDonald喎.. 結果大家都陪左我去食，真係happy~



****************************************************************************************

搵左個阿叔幫我地影合照.. 阿叔有個人堅持，佢唔埋我地想點影，總之佢做決定.. 不過佢動作唔快，但個太陽又晒，我同Joann都矇晒眼都未影到一張相... 唔知點解阿叔影到我"咩"埋一邊嘅??!! 真係好funny!!

4th Painting - DONE!!!

今日又用左三個鐘去畫畫... 之前老師明明講過個海要畫第二個layer，但今日畫完船o果part，佢竟然叫我簽名喇... 佢講因為佢覺得我第一個layer 都巳經夠深色喎.. 睇睇吓都ok，唔駛畫多一個layer.. 所以就係我意料之外完成左幅畫lu..

畫完畫又去左join cellmate 嘅BBQ.. 今晚好感恩呀.. 我地燒完晒所有食物，走嘅時候先開始落雨呀.. 真係好感謝天父讓我地有好天氣BBQ gathering ^^

Funny cell time =)

今晚真係好開心呀... 除左我可以係短時間完成今次嘅查經 (不過要多謝Victor導師幫我係"彼得講道"上作小補充)，可以鬆一口氣之外，今晚仲係我地cell 為一，二月之星慶祝生日。

完左查經，我地一齊去組長屋企開生日會.. 今晚可謂"金句之夜"...

Jocely 嘅 : 「我成功轉team，從一個火坑跳到去另一個屎坑.... 」 「"火坑"會被火燒，有生命危險。屎坑只係污髒，會有執乾淨嘅一日...」

當Jacmila 問 Jocelyn:「咁你有冇junior幫你手架?」 Jocelyn confirm無，係one man bank... Jackson就答咀:「話明係屎坑，就只係得一個人可以坐啦.. 邊到容納到第二個人架?」 我地個個笑到收唔到聲...

跟住Allie 分享到佢同事迷信篤信風水，話佢個師父好準，因為師父話佢新年後有機會轉工，而佢又真係新年後轉工... (但俄地個個都知啲公司都係新年前派bonus，啲人等派完bonus先走，咁新年一定相對多空缺嘅.....) Terence大佬答咀: 「我個師父都好準，一早知道我會爆水管... 不過佢係水喉師父... 」 當我提及同事有手患，大佬又上身:「你都叫你同事搵番個師父... 我識有個師父好準架.... 不過今次係針灸師父呀!!!」 跟住成晚有好多師父出現... 好似裝潢師父同麵包師父等...

最後到Jackson 提及佢同Ally婚期嘅事，講到Ally 工作好忙，而Jackson 自己嘅Time management好差... Jacmila 又問:「咁Ally time management 得唔得架?」 Jackson 答得好妙:「Ally time management ok，但佢無time 去manage... 」 真係好鬼搞笑... 成晚嘅分享，真係笑多過乜... 個個都話笑到個權骨好攰 =p

Today's progress

之前因為農曆新年，Centre休市唔開，等到頸都長，終於有得畫畫喇... 今日又係唔覺唔覺又用左三個鐘呀!! 而家老師都唔係好埋我，俾好少instructions，不過都好嘅，自己落手落腳畫晒，成功感會多啲嘛.. 今日進度良好，個湖完成左第一個layer，期待下一堂上第二個layer，咁幅畫就差唔多完成，不過唔知仲要畫多幾多個鐘先得呢?!

等

今日下晝去BB Chris 生日會，原本打算3點去到同BB玩，點知差唔多成3 點先去到Time Square等的士... 係.. 我去到的士站巳有人龍，十零個人啦... 但我真係估唔到我要等足一個鐘... 上到的士巳經過左4點... 係哩1 個鐘等待嘅時候，我不停安慰自己這是神俾我一個訓練，好好訓練一吓我嘅耐性...

好彩去到BB屋企，BB好快就肯同我玩，仲不時向我微笑... 佢個笑容真係好甜呀!!仲有慶幸BB對我送俾佢嘅玩具感興趣.. 不時玩到笑.. BB Chris，你真係好鬼得意呀... 有你俾我嘅笑容，乜都補番晒呀~

初三團拜

Rainy快要移民lu.. 原來佢帶左我地公司個cell 都大大話話成十幾年喇... 好彩我都有幸係佢未走之先，join左佢地個小組。 適逢農曆新年大假，我地就搞番個團拜兼farewell party...

是日團拜地點係錦繡花園，雖然係遠左啲，不過好彩有得坐同事嘅順風車，如果唔係嘅話，一定要搭好耐車先入到去lu。 我地入到去，就立即參觀吓大屋啦，大家都係三樓露台，一面遠眺深圳嘅遠景，一面傾吓偈。 等齊人，我地又獻詩。 不過因為我地之前無夾過歌，當中有人無睇清楚email，對獻詩一事毫不知情添，所以當然唱得不太好啦.. 我地一心唸住送俾Rainy 的.. 點知Rainy聽完之後，反送(唱)其中一首俾我地添.. Rainy唱得好好聽架，我地真係失禮晒.. =p

唱完歌就開始BBQ 同打邊爐 (mainly煮蔬菜同烏冬)，大家一路BBQ，一路傾想當年，談近況。雖然有一部份嘅人，我都係第一次見面，但係大家都好融洽。係我地BBQ期間，離我地不遠嘅深圳地區仲放煙花助慶添呀.. 所以大家都好滿足，好開心。

小綿羊

因為公司cell group 入面一位資深嘅姊妹將要移民，其他姊妹決定送一個album俾佢，suggest大家provide 一張再寫上自己嘅祝福，再貼上大家嘅合照A4 size嘅紙俾佢留念。 因為我attend左哩cell group唔係好耐.. 我未有同哩位姊妹影過合照，所以決定畫吓畫送俾佢。 上網見到哩幅畫好覯，所以就跟住嚟畫.. 雖然屋企無水彩或油彩等顏料，好彩仲有木顏色筆.. 原來木顏色都唔易畫喎.. 我都用成兩個幾鐘先可以完成哩幅畫 =p

醉

今晚同Amanda, Wing 慶祝 Wincy 生日，去左Element 嘅LGB食飯... um.. 食物同service 都唔ok, 所以絕對唔recommend 大家去食... 更離譜嘅係...我地無唸過間野收咁早，八點半last order, 九點就閉門大吉.. 所以我地食完飯就要去第二度飲野傾偈。

平時只會飲半杯至一杯sparkling wine，飲完最多塊面紅啲。今日破天荒飲左兩杯champagne.. 回家途中，真係feel 到乜野叫做醉醉地.. 係個人飄飄地，要用啲力先可以行直線 =P

進度良好

噚晚Fellowship嘅時候開始頭痛，完左個program，等唔到小組sharing嗰part 我就走左lu... 搭車返屋企途中，不知不覺瞓著左.. 晚上唸住早啲休息，一早上左床，但又遲遲都瞓唔著喎... 好彩今日一早完崇拜，之後再去學畫畫都無頭痛。

今日畫畫嘅時間過得真係好鬼快，唔覺唔覺就畫左三個鐘喇... 不過話時話，我都幾滿意今日嘅進度架喇.. 老師講下堂可以開始畫海喇.. 好期待呀.. 不過都要等差唔多成個月先再上堂lu...

新歌仔

今次老師首歌仔係老師未教我嘅，我靠上綱聽人地點拉咋.. 所以都仲要等老師幫我大執啲節拍同音準.. =P

超開心嘅house warming

真係好多謝Terence大佬同佢朋友Mandy，為我地預備左一餐好豐富，而又好好味嘅愛心晚餐!!

我地一行十幾人上去大佬新居house warming.. 大佬好有品味，間屋簡潔得嚟又好有style，工作室又有大海景.. 大家一路參觀一路尖叫.. 真係嘈到不得了!!! 大佬對煮食數來有研究，所以佢個廚房都好鬼pro.. 唔係開放式，但有玻璃幕門，方便我地"撟"理雙手係出面偷師=P











是日晚餐真係好豐富... 有焗露荀, 細蕃茄, 燈籠蕉, 大"靚菇", ceaser salad, 焗薯蓉, 帶子西蘭花湯, 煎羊架, 牛排, pizza, 士多啤梨新地, Tiramisu.. 真係樣樣都好好味架!!!















大佬，好多謝你咁出力煮好野俾我地食呀.. 我地個個都食得好滋味，好滿足呀!!!!












仲有你嗰幅白色磚牆呀，我地個個都忍唔住要企係前面影靚相呀!! 仲有好靚好colorful嘅杯墊，我地用晒嚟扮頭飾 =p

My painting again~

由於今日同一時間有好多學生係畫室畫畫，所以老師都唔係好多時間理我.. 今堂大部份時間都係自己畫.. 不過好彩今次都係畫樹林，基本上同上次幅畫嘅畫法係一樣嘅... 所以我都唔理咁多，自己密密畫.. 唔經唔覺就畫左兩個鐘lu... 不過到目前為止，都叫做 so far so good 啦.. 我都好滿意今日嘅進度^^

又買野喇 =p

因為決定左去考琴，所以要去買考琴嘅書.. 去開琴室買書，又心思思想買個shoulder rest.. 老師同Doris都係用哩款shoulder rest... 我用緊同牌子的要$2xx，我知道老師用慣靚野，一定會貴啲，但無唸過會貴咁多囉.. 哩個shoulder rest要成$550... 不過見自己用緊嗰個都爛喇，所以俾自己一個藉口買個新嘅.. 講真就唔係一定要買到咁貴嘅先得嘅.. 不過老師都話佢貴得有價值喎，咪買番個試吓啦..

今年第一個目標

就係四月去考琴.. 其實我信心真係唔大(甚至乎係無...)，不過老師多番鼓勵我，又話佢會配合我喎.. 所以都應承佢去考啦.. 今晚老師開始同我講考試俾分嘅allocation.. 如音準，節奏，拉弓平均等... 聽完我發覺我樣樣都唔欠奉.. 所以又開始擔心喇... 其實明明八月都有得考，但老師偏要人家四月考.. 不過既然佢都放心俾我去考，我就一於去試吓啦.. 我睇嚟緊幾個月，真係要加倍用功練琴先得喇... 希望handle到啦~


P.S.
哩幾日都好凍呀.. 聽日仲要8點返到公司上個美國同事搞嘅無聊training.. 唔上得唔得呀?

俾少六蚊，攞多一件貨

我無打錯，我今日真係俾少六蚊，反而拎走一件原價六百蚊嘅披肩...

之前叫做睇啱左一對boot，但見佢特價完都好貴，所以無買到... 但今日放工後，見悶悶地，又反正回家順路經過... 咪再去鞋舖睇多一次，結果都係買左佢地返屋企囉...

Sales姐姐話買兩對鞋就有六折，仲幫我計好，多買一對都只要俾多六十幾蚊... 唉.. 見佢推介嘅平底鞋ok舒服，又有我心儀嘅紫色... 所以咪要埋囉... 誰不知，當我話買兩對鞋時，Sales姐姐又嚟同我講，買三對鞋五折咋!! 但我覺得我買兩對鞋巳經好多喇... 買三對真係好離譜.. 所以我堅決只買兩對... 推左兩，三次，Sales姐姐先肯放過我...

不過當我去到counter，阿收銀姐姐仍然好努力咁sale我，不過都係好堅決話夠.. 不過佢真係好戳我唔抵，又拑晒計數機，叫我唔買鞋都買件披肩，因為discount之後，我張單嘅total 比就咁買兩對鞋仲要少... 我開頭都係話唔駛架，但收銀姐姐真係好有誠意，佢好强調: 「俾少啲錢，攞多件貨喎!!!! 」 見佢咁有誠意，而我確實會著數啲，所以用左"負六蚊"去買多一件貨品返屋企 =p

雖然羊毛出自羊身上，但我真係俾少啲錢去多買一件貨喎.. no harm 啫^^

自選圖畫(二)

今日開始畫新畫喇... 其實我今次帶好幾幅畫去，睇吓老師覺得我可以畫邊幅嘅... 因為上堂老師見我畫啲窗畫到好沮喪，知道我未掌握好去畫細緻嘅部件，所以叫我下一幅畫要揀啲粗筆足嘅... 我本身都幾鍾意哩幅畫，但見佢又有船，又有橋，又有屋，應該唔適合我畫.. 所以一心唸住畫其他夕陽呀，海浪風景啦.. 點知老師反而我其他嘅圖畫會比較難，哩幅會畫得開心啲喎.. 既然老師都推介到，我就一於畫佢啦 =)

嘻嘻，我畫完個sketch之後，老師幫我大執一番.. 今次我只係完成左個天空部份，但都用左兩個鐘lu.. 老師話下堂開始畫啲水喎.. 真係好期待呀.. 因為可以學新野!!

新歌仔

未學之前，老師話呢首歌要拉swing，因為佢好jazz feel時，我聽到個"jazz"字，就有少許抗拒.. 因為個人不大鍾意.. 因為通常啲歌手話夾歌，話係用jazz 去gem 歌，我都覺得好難聽。(不過好有可能係我份人先入為主)

但當我聽老師拉哩首歌仔時，又覺得佢好得意，幾好聽喎!!! 所以我都好努力去練首歌仔，雖然未能拉到老師咁有feel，但我唸都PASS到掛..

P.S: 之前錄嘅version，節奏太慢喇... 所以再錄過一個快少少嘅version.. =p

3rd painting - DONE!!!

加加埋埋，用左12.5個鐘，終於大功告成，畫完第一幅自選圖畫喇!!!! 真係要加埋呢啲樹，先覺得OK啲咋... 之畫一度畫到好沮喪架.. 之前以為會再補吓啲樹幹，所以畫得好幼，好求其... 點知當我畫完晒啲樹葉呀，花花草草之後，老師話可以簽名.. 佢話唔駛補筆喎.. 因為好難加喎... 佢係老師，佢話唔好改就唔改啦, 乖乖地簽名算數。 可以趕得切今年內完成哩幅畫，而且"驟眼"望埋去都尚算可以，所以我都好滿足喇^^

Let God be with You

今個平安夜，我同好多教友去左山頂公園報佳音。 今次係我第一次報佳音，仲要係同超過一百人一齊做，真係好熱鬧呀!!

不過呢，今晚山頂真係超大風呀... 大家都好凍，個個一路唱，一路震!! 但係雖然大風，依然有唔少觀眾停低聽我地唱歌。 其實係過往一個月內，大會巳經安排左三次練詩時間。 指揮真係好認真，又好用心去同我地練習。 嘻嘻! 不過當晚司儀中間介紹歌曲嘅次序同我地預定嘅唔一樣，大家就出左錯，有部份人唱中文version，同時有人唱英文，不過好快大家就統一番 =)

我地唱歌唱到就嚟十二點，就同會眾一同倒數聖誕節嘅來臨，蕭牧師之後帶領所有會眾一同祈禱。大家不忙向四周兄弟姊妹，會眾講merry christmas!!

當晚返到屋企都好夜，個人都好攰，但係又因為個人仲好hyper，所以成晚都瞓唔著=p