Magical Facebook

我不得不再三鳴謝 Facebook 嘅power... 真係好powerful... 又係經facebook，遇番一個曾經好重要但失去聯絡嘅中學同學Carmen。Carmen 係我中一嘅同學，佢經常對我笑，畀我一種好親切嘅感覺，好快，我地就成為要好嘅朋友。好可惜係下學期大考，Carmen 一時失準，成績有一點點退步，雖然她可以升上中二，她媽媽對她要求好高，要她重讀中一。

我讀中二時，初初都有約她食lunch，小息時，也會走到她班房找她。唔知點解，某次大家因為少少誤會，就開始疏遠大家。過左好一段時間，我再問她何解時，大家才知道只是誤會一場。 好可惜，Carmen 因為自己係重讀生，總有一點點自卑，雖然大家再沒有誤會，但始終無以前咁close。尤其係我開始讀中四，五時，要應付會考，又染上皮膚病嘅我，再沒有刻意去找她。不過，我地間中都係通訊，奈何，Carmen常常轉地址。我地始終都失去左聯絡。

寫信沒有回音，打電話給她，但巳轉左電話號碼，後來連我屋企都搬埋，更加無望可以聯絡對方。 以前係friendster到搵唔到佢，轉用facebook後，我都試過無數次searching，但都搵唔到。但係今晚竟然見到佢add 我嘅request，真係高興萬分，不得不記下來。

有相睇

見到人地影相咁靚，自己都心思思，咁啱又有人問我得唔得閒影相，就膽粗粗去左影相.. 今日終於有copy 喇，不過就沒幫我執過啲相.. 都好啦，冇啦啦有人幫我影相喎...

http://www.kodakgallery.com/I.jsp?c=18kgu6op.comwzvil&x=0&y=-vh9knu

真係好扺睇!!

今次個演唱會係就係遠左啲(係機場博覽館搞)，交通唔係好方便。但係你地睇下，成個場唔係好大，就算我地哩啲買百五蛟飛嘅，唔係用zoom 都拍到個台 (第一幅相)。個個一入到嚟坐彽都大讚: 「嘩，都ok 喎，百五蚊咋喎，都坐咁近，係紅館二百五都唔得啦!!!」好奇怪，真係同一番說話，我聽到起碼五次。 唯一唔好就係啲音響好差，好炒耳。你知啦城城根本唔係好唱得o架啦，加埋啲咁差嘅ampifier，顥得更加唔好聽。不過，不嬲都只係抱住去睇城城跳舞，而唔係恨聽城城唱歌嘅心態，就覺得哩個演唱會好抵喇!!!

演唱會

今日放工途中，突然唸起我睇過嘅演唱會。其實我所睇過嘅演唱會都幾有限，以下就係我有印象的:

2002 年李克勤「情情塔塔」演唱會 -- 我很喜歡，克勤唱功好人人都知，但我當時冇唸過佢會操fit自己同埋都有少少勁舞睇，唔會只係聽好冧嘅慢歌，佢唱快歌加埋跳舞都ok喎，我真係好喜歡哩個演唱會

2003年張學友「音樂之旅—壓軸篇」演唱會 -- 睇哩個演唱會係一個surprise，因為友人一直都冇同我提起哩過，佢只係如常接我放工，帶我去尖東食過晚飯，走過天橋時，他帶我向紅館方向走，走到紅館入口時，他才把門票拿出時入場，當時我才知道的。學友又係好唱得之人，佢唱歌真係一流。我一直都以為學友唔識跳舞，我估唔到佢都排左好多快歌畀大家欣賞。佢一路跳一路唱，都依然係十分好聽，真係同聽CD差唔多。惟一唔同嘅係，唔完一輪快歌加熱舞之後，你會聽到學友嘅呌氣聲。(因為CD唔會聽到的)

2003年陳慧孄「珍」演唱會 -- 一心唸住佢係實力派，應該好好好聽的，反而有一點點失望。可能因為佢年紀大左啦，我覺得佢唔係好夠氣咁，啲歌唱得唔係咁好。聽現場同聽CD係有分別的... U-U

2006年關淑怡「關於我」演唱會 -- 不是我要看的，也是陪友人看的。唔.. 冇乜特別之處，不過不失啦。

2007年光良「07'就是光良唱好音樂會」-- 曾經有一陣子都好喜歡聽光良嘅歌，如第一次，握你的手，童話，約定等等。光良都好合作咁係音樂會唱晒我喜歡聽嘅歌。 佢唱現場都ok的，惟一美中不足的就係成個音樂會比較普通左少少 (企係度齋唱，欠缺左視覺效果)。

2007年衞蘭「My First」演唱會 -- Janice ok 喎，我本人都好鍾意聽佢啲歌。我覺得佢都係唱得之人嚟o架喎，只係佢唱歌時太投入，有時啲面部表情好怪啫。 佢當晚唱嘅歌有九成九我都聽過o架，所以我好喜歡，好enjoy。 我覺得佢唱現場都好好喎，起碼夠忠氣，有感情先啦。


今年只不過係過左短短兩個月都未夠，我巳經睇左兩個演唱會喇

1月28日: 容祖兒「Star Light」演唱會 -- 兩個字，「正!!」同「勁!!」。最重要係佢夠大眾化，Joey唱嘅歌，大部份都係大家耳熟能詳嘅hit 歌， 由佢初出道時至今時今日嘅金曲都有唱出 (全晚只有2首歌我未聽過 -- 因為我太out喇~~)。加上Joey換左新排舞老師，跳左好多好睇嘅舞，加埋煙火效果，真係好好睇。

2月2日 :張學友「光年巡迴演唱會」-- 雖然巳經係第二次睇學友嘅演唱會，仍然都好好睇。 今次畀o3年那次多左好多勁歌熱舞，另外仲加入少少舞台劇嘅成份，視覺效果係比較豐富。真係要讚他唱功依然係fit到痺。惟一唔夠好的 (其實唔係學友嘅問題)，就係學友出過太碟，唱過太多金曲，真係有太多太多好聽嘅歌，短短三個鐘係冇可能將所有喜歡嘅歌都為大家獻唱。 等左成晚，佢都係冇唱到「你的名字，我的姓氏」...

嚟緊過多幾日仲會去睇郭富城舞林正傳演唱會延續篇2008添，唸起都有點點興奮呀!!! 老實講，城城一定唔係賣唱功，我都係想睇佢跳勁舞，同埋其他舞台效果啫!! 不過大哥就話城城年紀都唔細，跳得唔會特別勁喎，但係佢跳開舞，而且又唔係真係好老，點都仲有啲睇頭掛?!

鼠年嚟喇

又係新嘅一年... 我相信今年一次會畀去年好過，at least 哩個老細唔會同我講: 「新嘅一年，多啲OT」先啦!!! 點都好，總希望今年步步高升，心想事成啦!!

名子的巧合

其實係香港地認識到同英文名嘅朋友真係一啲都唔出奇，同名同姓同寫法(中文名)嘅人都大有人在。但我唔明嘅係，點解我總係係同一時段或工作地方內認識或接觸到同名嘅朋友/同事。

記得中學時候，最多同學叫 Jenny, Janice, Katherine, Annie....

到大學時，又一次認識左好多個 Karen同 Wendy，多到用埋個姓都分唔夠分時，就要用埋大，細嚟稱呼..

到出嚟做埋，又同一時間認識左唔同嘅Winnie，Winnie Chan，Winnie S Chan，Winnie N Chan，Winnie Leung，Winnie Lo，Winnie Fong，Winnie Cheung，Winnie WM Cheung

到後期轉工，坐我附近的又總係叫Christina，Christina Hung，Christina Li，Christina To

近排，我又突然接觸到好多Stella，Stella Ng，Stella Ho，Stella Pun，Stella Wong，就連今日代診嘅醫生都係叫 Stella Yau.. 睇嚟今期我同Stella 好有緣，唔知仲會遇到幾多個呢?

BB 早晨!!!

你睇下，我地每朝早同佢講:「BB 早晨!!」，佢就會笑到咁架喇，真係好得意。雖然佢其實唔明白我地講乜野，但係每朝早同講佢都會好開心，但係你晏晝或夜晚同佢講，佢又唔會笑架喎，都唔知點解會咁得意。

我又做番Hello Kitty big fans

最終都係買左佢... 要成148蚊架，仲要係張咭入面冇value架，要自己另外增值架，都真係幾貴。不過無計，我鍾意嘛，惟有用「千金難買心頭好」嚟做借口，等自己買得安心啲。

馬灣一日遊

多得阿wing做我地嘅tour guide，帶我地嚟個馬灣一日遊。其實今次係我第二次入馬灣。睇翻上次去winnie 新居啲相，原來都相隔足足一年嘅時間。

阿wing 都係住係柏麗灣，但我地今次無上佢屋企踩場。反而阿wing 帶我地行昀成個馬灣。唔單止去左個馬灣主題公園，仲行埋好多舊屋同舊舖遺址。阿wing 真係好pro，成個導遊咁。原先plan好去食海鮮，但佢太出名，一早book都要八點半先有位。但係Amanda 嘅男友雙腳做過operation 冇耐，唔想再行太耐，外於時間關係，我地最後都係揀左食馬來西亞夾雜泰國菜，都幾抵食，又好味!!!

JF Annual Dinner 2007 - Photos

今日公司終於send 左條link 出嚟喇，一download 完，又要再upload 去自己嘅photo gallery。而家大家都enjoy 下我地個annual dinner ，feel 下我地嘅氣氛啦....

http://www.kodakgallery.com/I.jsp?c=18kgu6op.aopbg63p&x=0&y=-khca7h

台灣之旅 Album Part 2

終於等埋其團友upload 嘅相喇，大家可以慢慢欣賞吧...

http://www.kodakgallery.com/I.jsp?c=18kgu6op.bt0z68q5&x=0&y=-bsfax1

台灣阿里山驚嚇之旅

驚嚇之旅? 有幾驚嚇呢? 總之可謂一日一驚嚇啦...

DAY 1 (12月22日)

到烏來我地住嘅溫泉酒店，櫃台姐姐帶左我地上三樓一間房，一開門，我地就見到有一條好長而又繞埋一堆嘅蛇係間房中間地上。真係無唸過會係自己間房入面見到蛇囉!!! 櫃台姐姐立即把門關上，仲打算安排我地入住正正隔離嘅房間。櫃台姐姐再三強調佢都係第一次見到房入面有蛇，大家唔需耍驚。但我地梗係唔要啦，兩間房咁近喎，點知會唔都有蛇架?!!! 好在哩間酒店係又兩幢三層高嘅building組成，所以後來佢畀我地住另一幢building。為安心起見，我地要求佢地派一個男生為我地間房詳細檢查一下，將所有抽屜都打開check 下。 Check 過唔見到有蛇，我地先安心要哩間房。 Check in 完，又巳經差唔多係食晚飯嘅時候。因為我地間溫泉酒店算係係山上高，但係條老街 (唯一可以逛，類似市集咁，又有小商舖同埋好多檔串燒擺設嘅地方) 則位於山腳。好彩酒店有專車接送大家住返老街。當我地食完埋所謂當地特產後 ( 山豬，山雞，山姑，山菜等...) ，我地就食埋幾串串燒就打算返酒店，返酒店就要打電話返櫃台，等佢安排專車嚟接我地。我地四個搵唔到電話，就去左警察局，其中一個團友(D)唔係太懂普通話，胆粗粗咁同警察(P)講出我地嘅要求...

D: 我們是旅遊都這裡，現在要回酒店，我們想打電話回酒店叫他們車我們 (然後將酒店咭片遞畀警察睇)
P: 哦，你是要他們載你們，不是要他們「車」你們呀!! 給他們車倒就不得了唷!!!!
D: 是... 我們要他們載.... (本來唸住問警察借電話打，點知警察叔叔好熱心咁幫我地打電話返酒店
P: 是不是卡莎米亞? 這裡是警察局，你們有四個客人在我們這裡，你快把車送到這裡接走他們吧。
(其實大家都好想知道頭先櫃台姐姐接到警察局電話時嘅第一反應!!)

返酒店沖洗後，我地終於可以一嘗泡湯嘅滋味。浸過溫泉之後，又幾舒服，真係特別好瞓。

*************************************************************************************

DAY 2 (12月23日)

一早食過早餐，我地又去埋烏來瀑布風景區，坐過空中纜車，到一個叫雲仙樂園嘅地方。沿途都係園林風光，晨早行山，呼吸下清新而又高含量嘅負離子空氣，真係份外醒神。睇完瀑布風景區，我地再返老街，再睇清楚日光日白嘅環境，同埋再品嘗多次好冶味嘅串燒。然後再返酒店check out，完成我地烏來嘅行程，向嘉義出發。

我地先坐的士到火車站，乘搭火車到台北站，然後再轉乘高鐵(High Speed Train) 由台北去嘉義。 去到酒店settle down 後，都巳經是下晝四點多，我地係附近一間餐廳食過我地遲來嘅午餐後，又去搵另一個火車站，睇下上亞里山嘅小火車班次。好可惜，去到售票處時，巳經過左辦工時間。而且仲見到窗口貼上"售罄"字條 。惟有明天請早，八點再黎買過啦。點知有位阿嬸話佢係的士司機，問我地係咪要火車票。 佢話有兩張火車票，但我地有四個人，梗係唔要佢個兩張啦，咁佢又offer我地租佢車上山，然後佢幫我地arrange 落山坐火車。但係因為每日得一班火車，返黎嘅時間唔match 我地到飛場嘅時間。之後阿嬸又話佢聽一早幫我地湊夠四張火車票，但係我地回程一定要坐佢架的士，佢仲offer 阿里山睇日出嘅local tour畀我地，我地當然ok la.. 不過佢竟然要我地畀晒所以火車票錢同埋一半的士車費作訂金，但係我地又驚啲車票係假，又驚佢收左我地訂後唔會去接我地.... 結果，我地只係攞左佢嘅咭片返酒店再商量商量。 (其實我地唸住聽朝一早打電話問售票處有無車票，無先call 番阿嬸。)

係火車站"繞嚷"一倫之後，我地又向夜市場出發，其實個夜市場同旺角花園街無乜分別，只係條街比花園街長好多，同埋畀花園街多食野嘅地方。逛過夜市場，食過唔少當地街頭小食，我地又要返酒店。但返酒店途中，我地經過一個地方，面積有足球場咁大，正正有好大嘅火化儀式，真係好大型，唔係大戶人家，就一定好有地位同份量。團友D不禁講左句: 「唔係吔... XYZ.. 咁斜? 今日又一驚嚇喎!!!」不過沿途又見到有啲當地人影相，所以我地又懷疑係拍戲，黑社會大阿哥嗰隻呢。

***********************************************************************************************

DAY 3 (12月24日)

一起身梳洗完，我地又打電話去火車站問，話啲車飛賣晒喎，咪惟有打電話畀阿嬸，約時間叫佢到酒店lobby搵我地。開頭團友D comprise 唔到，因為佢唔願意畀的士按金，所以我地決定唔要阿嬸啲車票，自己坐的士上山，但原來團友D又好想坐小火車上阿里山，最終我地又死死地氣call 番阿嬸，同佢買車票同埋交的士按金畀佢。 佢仲好好咁問我地要唔要join 佢個local tour。我地始終對佢個local tour 有小小保留，所以同佢講，如果我要join，就再打電話畀佢。

攞到車票後，我地再周圍走走，又係一間coffee shop 坐坐，夠鐘再去火車站。去到火車站，我地就好遊客咁係又影，唔係又影一大餐，小火車一到站又趕住同火車頭影相。影飽相就乖乖上車。上車後，又好小學生去旅行咁，一味望住窗外風景，不過架小火車好"櫈"架，同埋成日微微左右搖晃，令人好有睡意，所以後來我都係半睡半醒狀態。架火車一直前行，但係行行下又向後行。我以為前面有另一架火車迎面而來，所以要後行讓路。後行一大段路，火車又向前駛。行左好耐，佢又向後行，我心不停抱怨:「咁樣向前走三步，又向後走一步，幾時先到阿里山架!!」，如事者，火車向前走走，又向後走走，向後走完竟然係到逹阿里山站。後來先得知原來係因為阿里山個山形問題(可能太斜卦)，火車軌唔可以環繞著個山，要用 "支字" 路軌喎。所以架火車會向前向後走。

到逹阿里山開始入黑，返酒店後check 過local tour 後，我地決定call 阿嬸，傾好晒時間後，佢又同我地講，原來唔係包的士，係van 仔，最多會有十個人喎，團友D又唔太歡喜。我地去山上市集食過晚飯，又發現其他local tour，唔知點解，團友D對佢地好有信心，一定要join 佢地，仲立即畀按金佢地。 我地一返酒店再call 阿嬸，呃佢我地有人唔舒服，所以要cancel 聽上山睇日出嘅行程。 點知我地call 唔到阿嬸，佢條線飛左去voice mail。惟有留言畀佢，好快就有人打番畀我地，問我地點解要cancel，我地繼續話有人拉肚子唔舒服，要留係酒店休息，佢就話一個唔舒服，其他三個都可以跟佢車上山玩。我地唔肯，佢又話送藥畀我地，食過藥就會好番，可以一齊上山喎。我地真係好多謝佢份心意，無奈我地join左另一tour嘛... 正當我地開開心心咁傾偈時，有人拍我地房門話送藥畀我地。雖然送藥黎嘅係一個女人，但我地都未見過佢，又巳經夜喇，梗係唔開門畀佢啦，但我地叫極佢都唔走，一味叫我地開門畀佢入嚟。我地惟有打電話去總機，叫櫃檯派人趕走她。 哩個都算係第三個驚嚇喇!!!

************************************************************************************************

DAY4 (12月25日)

因為要睇日出，所以好早就要起身。 落到lobby，local tour 嘅車都到左，我地去台灣最高嘅山 (玉山) 睇日出。一直都好興奮，架車一路上山，越上越高，個人就越來越凍。沿途都有兩，三個地方停低畀大家影相，由天黑影到天亮。明明話睇日出架喎，點解個天都開始光，但我地仲未到山頂?? 所謂睇日出，只不過係睇個太陽由山頂走出嚟，都幾搵笨喎。

睇完日出，我地再遊覽其他境點，我地加錢requet 去埋另一個地方叫"奮起湖"睇蒸汽火車，途經市集畀其他人落車時，與我地素未謀面，那個送藥嘅女人竟然identify到我地四個，佢走到我地架車駡我地。又話我地昨晚唔開門畀佢係好沒禮貌的，坐別人車上山睇日出而唔坐佢車係無信用的行為。佢嘈左好耐，團友w好聲好氣同佢理論好耐都無效，忍不住變得好惡咁問她 : 「你是不是在駡我???」 我地個local tour 司機也忍唔住把那個送藥的趕開，幫我地關上車門。叫我地唔駛怕，原來她出名霸道，佢見到邊個客人先，就會當係佢嘅。

去完奮起湖，再返酒店都只不過係下午兩，三點。因為Amanda唔係好舒服，佢決定返上房瞓覺，團友D想小睡後自己行下，所以團友W 就同我結伴遊覽個阿里山，沿途都係啲園林風境。大家你幫我，我幫你影相。走到一個蘭林園，竟然有民族服裝免費提供畀大家影相。我地見唔駛錢，咪走埋去囉，影完相先發現，原來所有服裝係由法輪功提供架。佢地幫我地除衫時，不停要我地參加佢地，要我地退黨，又要我地簽名支持佢地，當時先知驚，梗係乜都唔做，走人為上策啦。唸翻都真係幾恐怖喎... 唉，仲唔係一日一驚嚇?!

晚上返酒店打電畀阿嬸confirm聽接我地嘅時間，點知佢又飛線去voicemail。 我地留左言，但等唔到佢回覆，大家又開始擔心因為送藥事件，佢唔嚟接我地! 不過好彩後來，佢終於call back，同我地約實時間。之後我地再點算我地公家嘅盤川，發現所剩無幾，緊緊足夠畀車費。不過團友D仲好想自己去埋某個藝術館，所以我地仲要分多一點錢畀佢旁身。

***********************************************************************************************

DAY5 (12月26日)

由於團友D堅持要去藝術館，我地要求阿嬸順道在藝術館入口放低團友D，然後再送我地去嘉義高鐵站。點知，阿嬸話要加一千。大家即時滴晒汘，擺明坐地起價喎，我地真係無晒盤川喇喎，你仲要加咁多?? 原來阿嬸係話"繞一圈子" (不過帶有好重鄉音) ，唔係要加一千。 大家緊張嘅心情終於平伏下來。就係咁，我地先坐高鐵從嘉義返台北桃園火車站，然後再搭巴土去桃園機場搭飛機返香港。 其實我地來回台灣都係乖搭華航架，安全降落時，團友w好開心咁畀左個五我!!! 完滿咁完成我地五日四夜嘅台灣之旅。

************************************************************************************************
以下係相係拍自我部相機: 大部份相係拍自團友w 部相機，我仲等梗佢地upload...

http://community.webshots.com/album/561905464dMQbkR?vhost=community

後記:
原來我讀中學時有個外號叫「冰山美人」，人人都話我cool，Amanda，你好呀，你知道咁耐都唔同我講!!!

勁!!

繼 annual dinner 同騎馬，我今朝仍然起得切身，同埋有氣力去學golf，我仲畀上星期早半個鐘到場，自己practice 下添

學完golf 收到Ａmanda 電話報導佢其他女仔個"Pat pat" 有幾痛同埋佢地係屋企"灘屍" 情況，我話畀Amanda 知我仲啱啱打完golf， Amanda 話佢真係好佩服我... 話時話，我都覺得自己好勁!!!! 一個平時唔做運動嘅人，一下子做咁多，竟然冇問題??? 真係唔讚自己勁都覺得對自己住呀!!!!~~~

騎馬

噚晚annual dinner 時都明知今日會去騎馬，但係又偏偏玩得我放，仲同同事跳disco舞，平時少做運動嘅我，今個12月真係做晒我一年要做嘅運動量!!! 個個同事知道我今日去騎馬都睇死我唔會有力去玩

可能係日子有功，過住個幾星期排舞，令我玩完個annual dinner 都仲有力氣跟Amanda and friends 返深圳騎馬。其實個騎馬場唔係想像中咁grand，都好普通同埋幾殘舊。 Amanda 同我係第一次騎馬，而另外兩個朋友都有經驗，所以佢地嘅馬會奔跑， 我同Amanda 嘅馬就只會走快步或者慢行。 慢行就ok 嘅，不過隻馬一快步走就會好 "櫈" ，真係"櫈" 到 pat pat 好痛架!!

第一次騎，整體都ok 好玩嘅， 不過唔好嘅係，佢地唔係好用心敎你點騎，未教你點控制隻馬，就趕你上馬。 然後由一個騎住一隻馬嘅師傅帶頭，然後我同Amanda嗰兩隻馬就跟住師傅隻馬，佢隻馬行，我地扯一扯馬韁，隻馬就跟住行，師傅隻馬跑，我地隻馬就會跟住跑。 我地就控制左右... 不過都中間都幾危險，原來會走出騎馬場，沿住馬路邊走架 (仲要係好窄嘅路)... 個馬路有好多車行，我真係怕隻馬無端端走出馬路... 其他都ok geh... 不過騎完個幾鐘馬，發現雙腳唔係好屬於自已... 因為唔係好識點樣雙腳夾實隻馬，搞到對腳成日同馬鞍磨擦，兩個膝頭附近都瘀左。 U_U

Yeah.. Successful!!!!

終於到 annual dinner喇... 今日全日都唔productive.. actually 無乜做過野... 因為十點要開department meeting.. 開到十一點鬆，出返嚟，做兩做，又夠鐘食晏。食完晏巳經兩點。三點又要離開office到會展做 rehersal... 實質只有三個 one hour 去做野... 可想言之有幾effective 同efficient 啦... 下星期一返去就要努力清番啲野.. 仲要秘書放假添，仲要backup佢嘅工作，今次真係死梗喇!!!

不過講翻今晚 annual dinner先，真係好好玩... 最重要係大部份同事都好participate，好投入，個個都好認真咁唸服飾去迎合今年大會個theme (奧運 + pink)，個個都有打扮下，所以真係好有氣氛。

由於要準備表演 (我地係第一隊出場)，一早就去左後台等，其他人就一面玩遊戲，一面食dinner，我地要表演就冇得食.... 佢地玩遊戲有少少overrun，最後終於到我地表演喇，一出場就見到好多同事離開晒個位，企係個台前面睇我地，又有部份同事為我地打氣，呢一刻，真係好有滿足感。

出場之前，大家都有點緊張，不過一出場，見到啲同事咁畀面，真係一啲都唔驚，話咁快就完成喇!!! 完場時真係好感動架，其中一個teammate 同我擁抱起來添。表演完畢返入後台化妝間，大家簡直興奮都不得少。之後出翻去坐時，都巳經唔想食野lu，因為掛住睇其他組表演。 中埸休息時，又有遊戲玩，我同事winnie fong好想出去玩，所以叫埋我出去玩.... 今次玩乜呢? 每組三人，其中一個要扮木仍依 (mummy) ，畀其他二人用厠紙包住，係喺有限時間睇吓邊組包得最好最似。 我同winnie 同埋另一同事 (Effel) 真係好合拍，包得好靚!! 我地好用落力玩架，我同winnie fong 都轉到暈暈地，結果司儀同評判都大讚我地!! 今次我地贏左呀，可惜大會無講有乜奬品。

玩完之後，係跳舞時間，當晚氣氛真係好好，平時只係坐埋一面嘅我，都同winnie fong 同大粒老細出左去跳舞，大部份同事都有跳，我其實都好攰喇，但都跳左大半part。跳完舞winnie 話想搵其中一個fund manager 影相，點知fund manager一手就抱起左winnie，跟住仲將佢凌空360 度轉左一下 (好似玩人肉摩打咁)。我都有畀佢轉左兩次，不過，又好刺激，好好玩嘅.... 最衰佢將我地轉得太突然，未黎得切影落嚟畀大家睇。

跳完舞，又到頒獎時候，我地個performance 得到第三名，有效$1500!!! 姊姊們，我地要食晒佢!!!! 上完台領獎，佢地繼續頒其他名次同埋選最佳服裝，我地就趁機返後台玩衫。點知原來我地換衫時，大會巳經開始抽大奬 (最後十名)!!! 我換完衫，同姊妹傾左一陣先出去，點知一出去就聽到台上叫自己個number... 我立即奔跑去自己個位，搵翻張飛就走上台。上台時，我仲未知自己攞乜架，我淨係知道自己中奬。直到司儀問我知唔知有乜ps3 game可以玩，我先開始估到。 (好彩頭先出得切嚟，如果唔係，佢地就會再抽過另一個number，咁我份奬品就化為烏有lu)

今晚真係算盡興巳歸，返到屋企都仲未高興完，真係開心到瞓唔著...

http://www.kodakgallery.com/I.jsp?c=18kgu6op.aopbg63p&x=0&y=-khca7h

Rehersal.... so serious!!!

我地真係好認真去練今個performance… 真係有啲返去校園嘅感覺… 晚晚放工都要排舞，由於我地嗰group 除左係中環departments之外，仲有幾個係旺角嘅同事，所以唔係次次排舞都齊人。 雖然晚晚都有練，但係個舞步晚晚都有變，所以都幾難去跳得好。 (其實我地所謂舞步，都只不過係一啲前前後後，左左右右嘅steps，但有成十個女仔去跳得齊就總有少少難度嘅。)

噚晚，我地特登book 左間karaoke 房去練舞同理錄歌。(都話我地好認真架啦.. 我地改埋歌詞架!!!!!) 我地仲帶埋自製嘅啦啦球去排舞。Waiter 哥仔每次入嚟見到我地都忍唔住笑…. 真是活該!!!!

我地揀左cookies 初出道首歌，成晚就不停咁repeat 住佢，經過尋晚一役 (由七點半repeat 至 零晨十二點.. 唔係講少年! 大大話話都有四，五個鐘)，相信佢地會成為本周熱唱歌!!!! 由於時間太趕，我地造嘅啦啦球質數唔係咁好，練完舞之後，成間k房一地都係佢地嘅屍骸… 每次waiter 哥仔見狀都陰陰笑。 排舞至十一時多，我地又開始修正歌詞，然後進行錄音… 錄音其間，waiter 哥仔都好識做，只係係出面”裝裝下”，冇入嚟大刹風景。

唉…. 真係希望快啲到annual dinner 當晚，快快趣趣跳完，唔駛再晚晚排舞就好喇。

好忙

近排突然變得好鬼忙，無論係工作，工餘，定係假日時候。 返工忙過不停，唔多唔少同另一個大肚同事放左產假有關，business growth 得勁，工作量多左，但人手反而少左，所以就真係忙到飛起，不過可以keep住放七點幾都巳經比以前份工好好多。

公司下星期annual dinner... 唉... annual dinner 咪 annual dinner 囉，做乜又要所有new joiners 分group 做performance 呢??? 以前係PWC同AA merge 時都能夠避過一劫，今次冇咁好彩，一定要做表演。 兩星期前先收到電話通知話要做performance，我問點解咁遲先通知，coordinator 話: 「係呀，我地time is running short la.... 所以要盡快開會。」 開過幾次會，終於有大概idea 做乜野。就係咁，過去一星期我差不多晚晚收工後都要做rehersal。 一向少做運動嘅我，就梗係份外辛苦啦。晚晚咁跳舞，個大脾內側真係又痛又酸。 夜一夜返到屋企先食飯，食完飯又忍唔住揍下個扭精精，再上一上網，都巳經成點幾...

加上，我又剛剛學人去學高球，條腰都好酸軟。 跟教練學完高球，我又好乖咁自己book場practice，不過自己唔係好識用力，搞到隻手起"怎"同埋有水泡，好痛呀!! 教練warn過我，話我會手輕，揸唔到筷子。好彩我仲揸到筷子，不過寫字就feel到手有少少震。人唔少人覺得高球好悶，但個人又幾ok 喎，覺得都幾好玩丫，又有挑戰性，唯一唔好嘅係個學費昂貴左啲啫!!!!

扭精精

哈，我個姪仔原來除左係大口仔，仲係一個不折不扣嘅扭精!! 成日都扭要人抱。有人抱住就好地地咁瞓，一味瞓。一將佢放係床仔就立即喊，真係喊足成晚.... 扭精精，你唔可以咁架喎，姑姐要瞓覺，第二日仲要返工架!!!!

纖體代言人

我係好瘦，相信我每個朋友都好認同... 今日終於有人搵我做纖體代言人。

不過並唔係係街上前搵人做model嗰隻，係比佢地仲要差，更搵笨的電話幸運兒囉...

又係問你: 「係咪xxxx xxxx 電話號碼嘅機主，恭喜你成為我地公司嘅特選幸運兒，我地誠邀請你成為我地公司嘅纖體代言人..... blar blar blar... 請問你體重多唔多過100 至120 磅哩個range?」

我二話不說: 「唔係，我唔夠100磅。」 (心唸你仲唔係好無癮咁收線?!!)

姐仔仲問: 「咁樣呀，咁你仲有無可以減嘅空間?」

我巳經好決絕咁: 「冇!!!!」

佢竟然喋喋不休: 「唔係喎，我地仲有好多儀器，你可以揀局部減肥，減手臂，減腰都無問題o架，係咪對我地個計劃有啲興趣呢?」

我只有再答:「真係冇喎!!!」

姐仔哦完一聲就cut我線.... 真係唔明，佢expect一個唔夠100磅嘅人可以有乜野比佢減先得架... 真係唔好玩啦!

發夢

好耐都冇發夢喇.. 以前發夢多數都唔係好野.. 成日發夢自己返緊工，做緊野，個夢真係好detail，我會見到自己開左 Lotus notes，入password, check emails，仲有開其他Programs，run report，自己打字做 documentations。 嚴格嚟講 ，我根本就冇好好咁瞓...

哩排我又開始發番夢，不過內容同工作無關，啲夢好其怪，好唔實在。

1. 有一次，我係夢入面"走佬" (唔記得係咪因為我知道他人重要秘密) ，走走下被人發現，我就用刀刺向他後逃走... 之後我好後悔，覺得唔應該用刀傷人..
2. 又有一次，發夢和他好開心咁行街
3. 噚晚個夢仲奇... 我竟夢見不煙不酒嘅二哥學人食煙!! 我問二哥做乜食煙? 係咪因為生左阿B壓力太大 ? 二哥一路食煙一路話係。夢入面我覺得個好心酸，點解二哥會食煙o架??? (唔知係咪知道二哥初為人父，心靈感應到佢嘅壓力呢?!!!) 正當我想勸告二哥時，個夢又shift 去更離奇嘅情境...
4. 我一家人正在坐緊類似「摩天輪加星際蜘蛛」結合品， (海洋公園明明係香港仔，但係我見到啲風景竟然係逸濤灣加嬉水池再加小山坡，好奇怪 ... ) 我所有家人都坐得好安全，好舒服，但我徧徧覺得好唔安全，因為冇安全帶，四周又無野圍住，只係靠自己扯住柱.. 個theme 明明係坐摩天輪，但玩落又好以過山車咁，高高低低，又快又高 (高過晒所有residental building，簡直係係半空)，成個人好拋，好有離心力，我覺得好驚，好唔安全，好以快要被拋出去... 我問媽咪，媽咪又話坐得好定，好輕鬆，但我只係越來越拋，離心力越來越勁，比過山車勁十倍!!!! 我點捉住都好似會從高處跌落去咁，我好辛苦!!!! 好彩跟住鬧鐘響，唔使再拋喇...

夢呀夢，其實你有無什麼啟示o架 ???