電腦故障

由於部電腦唔係好function 到，所以有一排時間無update 個 blog lu..

今日啱啱再recover 過部notebook，重新裝埋個antivirus，做好live update 同埋virus scan，希望唔好再有什麼系統訊息叫我去某某網址 download 什麼 registry clean，什麼update... 啲system message 成日咁prompt 出嚟，真係令人覺得好煩厭o架。

真係希望唔駛再format過部機就好喇... 大大話話，我都run 過隻recovery CD四次喇。 行完recovery，又要重新Install 過啲 programs... Install programs 真係唔係咁好玩呀，因為真係有好多野要install囉，如windows updates，antivirus program (裝完仲要行live update 同埋complete scan)，無綫上網個program，winzip，仲有其他常用applications，install 又等一輪，跟住又要restart過部電腦。重覆又重覆咁做哩個動作，真係唔好受。 哈!! 我仲未裝返個Office 2000 添呀，仲有以前所以documents ，相，同埋mp3 都未抄番...

Notebook呀， Notebook 呀，你生生性性，唔好再彈system message，唔好再hang 機，可以嗎?

Road Map

每個人都應該會有自己的 Roadmap，係唔同階段，總會有唔同嘅想法。

讀大學時，聽完Big 4嘅Career talk，個個同學仔都會有一個standard 嘅goal，就係要積極為將來舖路，為左要有一張見得人嘅CV，要參加課外活動，努力讀書，prepare campus interview...

入到Big4 後，個個都會首先要考好ACCA/HKICPA，因為考完試再加三年工作經驗，就可以個CPA。做到CPA後，再過兩年，就應該可以升到Manager，跟住就係Senior Manager....

不過做得兩，三年，chartered 埋，大家唔再以升做manager為目標，而係切法跳入commerical。畢業至今，大大話話，都做左五年喇，總算搵到一份穩定嘅工作，想有自己嘅家庭都好正常啫。

記得讀year 1 曾經同一班女仔discuss 過幾時係理想嘅結婚時候。當時大家唸得好ideal (完全沒有考慮過生活指數及經濟能力)，個個都話自己常要小朋友 (多數都話要生兩個仔女)，但生之前又想要有二人世界，不過又話唔要做高齡產婦 (當時我地define 30歲生bb為高齡)，計吓計吓，我地得出一個ideal 結婚年齡係26歲。不過計完出嚟，大家又覺得26歲就結婚未免太早，結果都係覺得30歲前結婚最好。

講還講，我明白好多野都唔到自己去講，有計劃還有計劃，但係實踐與否，都仲有其他因素要考慮嘅。現實還現實嘛，我好明白的。 積奇蓮，你就好啦，去到咁遠影相同埋註冊，一定好浪漫啦!! 我真係好戳你高興架，只可惜我唔能夠親身見証哩一刻啫，惟有遲啲睇返你啲vedio 啦..

澳洲之旅

今個旅行全程好relax，好enjoy 同埋好開心。 沿途都係一大遍綠油油嘅草地，公路兩旁有好多好colourful嘅樹木。仲有一望無際藍藍嘅天空，夜晚嘅星空真是迷人。(不過就辛苦晒朋友R，因為佢要日日全程渣車，載我周圍遊)

不過relax 還 relax，都有adventure嘅一面架.. 由於澳洲正是入秋，日短夜長，個天好早就黑齊。郊區(如Daylesford)嘅公路冇乜街燈，路牌又要相隔好鬼遠先有一個，黑黝黝，睇唔到前面嘅路，又冇路牌，令人特別心急，加上人新路不熟，覺得架車開左好耐好耐都仲未到目的地。我地試過係同一段路行左好幾次都搵唔到路返屋企 (villa)... 試過渣成個半鐘頭車先搵到一間fastfood shop (沿途都只係黑漆漆嘅樹林)，又試過搵差啲唔到酒店入住，係mornington兜左好多路，好彩最終都搵到一間motel留宿一晚，有驚冇險!!

經過多個晚上密密揀相，打descriptions，upload 上網，都埋排次序，終於整好喇，今晚可以早啲瞓 lu~~

Day 1
http://good-times.webshots.com/slideshow/559054032PCKmRf

Day 2
http://good-times.webshots.com/slideshow/559055501aZBYRr

Day 3
http://good-times.webshots.com/slideshow/559065950jtyAUo

Day 4
http://good-times.webshots.com/slideshow/559068806ZcatyF

Day 5
http://good-times.webshots.com/slideshow/559077444zuHsuf

Day 6
http://good-times.webshots.com/slideshow/559077445TPpQDr

好爽

之前兩次轉工都係last day之後立即返新工，冇畀時間自己休息。今次轉工，時間真係配合得好perfect... 做之前份工做到心灰意冷之時，懶去搵工嘅我，又遇到朋友話畀我聽有opening，我抱住試下無妨嘅心態去interview，又ok左喎... 講真，我之前並無打算咁早轉工，其實一早plan左五月第一個星期放 annual leave抖下。

咁啱新公司係三月尾出offer畀我，我乘機request五月第二個星期先返工... 就係咁，我可以成功脫苦海之如，又可以利用這短短一週去旅行recharge 下。多得朋友R陪我去左澳洲玩足一個星期，哩短短一週真係好爽，好relax!!! (雖然我常發小姐脾氣，但我其實巳經好滿意個行程，好開心架喇!!)

返左三日工，留意到個放工時間係七點之前... 更加爽~~

生活軼事 - No.7

今晚放工後同左朋友R，朋友R嘅朋友，同埋朋友R嘅朋友嘅朋友，一共七個人食Dinner， 埋單時發現我地七個人食左$777.7 ，每人夾返$111.1 (真係好funny!!)

去一次就夠

復活節長假期，又係我生日，Doris 提議去澳門玩下，我見我好耐好耐冇去過澳門，就決定同佢一齊去玩囉。

話說當日係禮拜，我地相約早上10點係中港碼頭等。去到見到人山人海，就心知不妙。一場嚟到，都要排隊買船票，最早available嘅船都要十一點十五分，但即日回港嘅船票只剩豪華位，仲要係either 晚上七點或者十一點。Doris 問我想買七點定十一點船返香港，我話七點，但佢又唔多likey，又話會唔夠時間玩，所以我地都係買左十一點船票。

過到澳門，到處都係香港人，感覺就好似去左旺角，銅鑼灣咁，不過澳門大部份嘅行道都好殘舊。兩個女仔去到澳門，我地冇去賭場，全日都係行行企企同埋飲飲食食。 好快以經行晒什麼新馬路，大三巴，官也街等地方。行地攰，我地係"乙水"仔住宅博物館附近嘅公園仔坐低休息左好一陣子。我地食過晚飯就動身去漁人碼頭。漁人碼頭嘅building 係好靚，不過大部份都係餐廳，無其他特別之處，我同Doirs好快就行晒。當時都只係晚上九點左右，仲有成兩個鍾先可以上船回港，真係慘!!! 好彩碼頭附近有間八佰佯收十點半，有地方畀我地打發下時間咋...

J: 澳門原來咁冇野玩架? 地方又咁殘，點解仲有咁多人嚟?

D: 啲人多數都係嚟賭場，係我地唔賭啫..

J: 都唔冇野玩嘅... 唉!一年嚟一次都夠晒

D: 一年??? 兩年我都嫌多喇..

J: 正確嚟講，我係唔會再自己掏銀包買船飛架喇!!

D: (大大力點頭) 哈哈! 同意呀~

half month to go

自後Resign之後，成個人都輕鬆番晒。雖然仲有好多野要做，難頂嘅project同system migration 仍然要跟，繼續日日都要同IT dept liaise 同 finetune 啲 reports，但 at least 唔會再係日日咁有新jobs 加落嚟畀我做，同埋但一唸到做埋月尾就可以放手，心情都特別靚。

短短三個星期內，老細一共收到三封辭職信 (全個control division都係得九個人，即係有三份之一人走，都好substantial架喇!!)，平時好好火嘅佢，都開始謝謝地，再冇聽見佢大大聲鬧人，佢成日大大聲鬧某個同事，而家對佢態度簡直係180度大改變。 我都戳哩個同事高興嘅，不過我希望老細哩個轉變係長久，唔會好快就故態復萌啦。

做到冇心機時，就會好唔鍾意個老細，因為佢真係咩都唔做，只會forward email 畀你，要你去study 同brief 佢，日日得一想二，趕頭趕命幫佢做起某個projectA後 ，佢又會覺得你做得唔夠，又想你做埋 B, C, D, E.....
成日覺得OT係應份，做唔晒，你返埋星期六，日都係理所當然， 往往唔會唸吓你workload有幾heavy。 有親乜野negative findings話畀佢知，佢就會唔happy，淨係識得問你: 「咁你覺得o 唔 ok? 你有乜suggestions? 咁即係有乜impact? 要點解決先? 」 時間又畀得咁少人做，得閒無事就走過嚟吹你做好未，好唔容易先砌好個statistics 畀佢，又話你冇唸有乜impact.. 我最唔鍾意佢成日聲大大，又叫你講畀佢聽，但次次你未講完或者未開始講，佢又插咀話要話另一樣先，又bi li ba la 嘈住話冇理由會咁様。到佢嘈完之後，佢先會聽你解釋個true picture，但到時，佢又怪你唔一早同佢講清楚，等佢白白嘈左咁耐喎.....

前幾日，老細又追逼我同經理C，一向EQ超高，任奴任怨嘅經理C都忍唔住，終於發洩..
老細: 即係我地仲有好多野都未做喎.. Control 做得好差喎
經理C: 咁做唔晒都無計架!! 你哩樣又要Janet check，嗰樣又係Janet check，個個systems都係我地check，其他人就淨係check一樣。 Janet 而家又睇緊Migration reports... 又有daily controls 要做.. 咁多野做，做得邊樣啫? 邊做得晒啫??
老細: (冇聲出，因為經C好少咁同佢講野.. 大家靜左數秒) 都唔係一句無計就算，咁咪下個Cycle 再check
(一早寫左下個cycle再check，係佢見到我地咁，就怪我地好多野未做.....)


雖然係咁，但係唔知點解，當我見到佢謝謝地時，個心總有啲唔舒服。同埋同事K (巳有去意，正在努力見工) 成日都面黑咁對住老細，又好夠薑咁對佢態度差，又覺得佢份外慘，真係奇怪~~

失而復得

我只帶左哩份生日禮物一晚，就在不知不覺下嘅情況下從我手中丟下.... 好彩嘅係它好快就被人發現... 失而復得係好開心，但我估唔到佢會咁易丟下架..

Offer

等左五日，今日終於收到電話喇... 心情慨興奮又緊張。 興奮嘅當然係有offer，有機會轉換新嘅工作環境，嘗試新嘅工作nature。但令我緊張嘅係唔知點同老細講。我想last day 係四月尾，但係五月中會上新system，一定有好多野跟，人手本來巳經好唔夠，四月走埋，又好似好衰女咁，經埋C一定做到一腳踢， 而且我又怕老細面黑...

不過，我都係自私，唔唸得咁多，我好相信機會係要自己把握，錯失左就係錯失左，唔係一定可以追得返。大半年前都曾經有opening，但我當時仲想畀多啲時間而家間公司。有時做到冇心機，都會有小小後悔當時冇把握過。好彩前排當我做到好攰同埋唔係咁開心時，又有機會出現。我同自己講我今次要好好把握，就算唔得，自己都總算有試過，有努力過嘛。

雖然決定星期一正式遞信，但禮貌上都要預先通知經理C。經理C 的反應同內容:
1. 吓??? 你唔好嚇我啦....
2. 我都知你好辛苦... 係咪唔鍾意做? 定係頂唔老細成日聲大大?
3. 係咪嗰邊有加人工畀你? 如果你係因為哩個原因，老細都可以加畀你o架
4. 哦, 你想有個穩定啲嘅工作時間，唔係日日咁夜.. 但係除非你要返學啫，如果唔係你咁早收工做乜啫?? (此言真係差異呀... 當時我真係唔知畀乜反應好)
5. 唉，係喎，我地今年啱啱升你職，你咁快就走，你真係吖
6. 你當我朋友，所以預先話畀我聽，咁我唔話畀老細聽住喇，等佢放假放得開心啲啦

真係有啲驚，但係好期待返新工~~

超好人

近聖誔時曾經想買1G M2 Card，我同朋友D去電腦中心格過價，大部份舖都賣成$400 - $420，最平都要$380。由於當時部電話又新買冇耐，一來覺得佢應該未需要咁大memory size，二來，我凝住當我買左之係，佢就會平番，所以，結果都係冇買到。

日前同Senior G 食飯時，提及我想買將1G M2 Card，之後我地去左先逹睇，都仲賣緊$330 - $350。前日係公司收到Senior G個電話..

G: 喂.. 你想買嗰將M2 Card，我係中環間豐澤見到佢賣$290咋
J: 係咩，咁低?! 你點解會係中環??
G: 我今日放假返阿媽到食飯嘛...
J: 哦.. $290 真係好低咁喎... 你係中環邊間見到? 係咪間間都同價? 豐澤收幾點?
G: 應該間間同價嘅，你係咪要知佢收幾點? 我幫你問下喇.. 喂，佢地收7:30PM
J: 嘩，咁早嘅?!! 我都未放工..
G: 唔駛心急啦，你咪第二日食lunch 時先嚟買囉
J: 都得嘅... 不過，如果有人幫我買埋再送到我公司留下就好喇...
G: 呀.. 哩度收到唔好，我聽唔清楚，拜拜!!
J: 好啦，我遲啲去買啦，拜拜!!

過左一陣，Senior G再打嚟話幫我買，仲會送到我公司留下。我攞左將Card 返到office後，立即話畀同事K聽，我的朋友幫我買左memory stick，仲送埋嚟公司樓下畀我添。同事K第一反應..

K: 嘩，咁好人嘅....
J: 係呀，佢真係好好
K: 男定女呀?
J: 男囉
K: 哎吔... 係咪咩你呀???
J: 梗係唔係啦，我地friend 啫，佢個女朋友我都識架。

我真係畀同事K激死，唸埋一邊。事後，我同積奇蓮食晏時，我又將件事話畀佢聽，積奇蓮都大讚我的Senior G 係一個超好人，難怪你同事有咁嘅想法!! 話時話，我的Senior G 真係好好，我都好興幸認識到咁好嘅朋友。

iPod shuffle

噚晚放工後同左舊同事Senior G食飯，唔知因乜事講起ipod，Senior G 就話畀我知前經理P買左個iPod shuffle。 Senior G 話iPod shuffle 有一個shuffle function，將啲歌random咁播 (我覺得唔係乜野特別function，我部古董mp3 player 都有同樣嘅function)。

G: 部iPod shuffle 有個shuffle function，random咁播歌架
P: 我嗰部好正常架，唔會咁架
G: 唔係喎，真係有咁嘅function喎
P: 冇呀，我入左兩首歌啦，佢係順序咁播架..

Senior G 話前經理P仲好認真咁強調佢部機冇問題架，係順序咁播嗰兩首歌。聽到哩到，我真係覺得經理P 好funny，好好笑。哈，其實得兩首歌，shuffle 與否，個playing order 梗係一樣啦!!!

光良音樂會

都有好一段日子沒有去聽演唱會喇... (其實之前我都只係睇過五，六次咁大把) 因為朋友R有免費門券的關係，我地去左睇光良音樂會。

第一次聽「第一次」巳經好喜歡哩首歌，不過當時只知道一個叫王光良的人唱。我連他係咩樣都唔知，還以為佢係台灣人。第二首喜歡嘅歌就係「握你的手」。直至「天堂」，「童話」大熱時，我先第一次睇到佢嘅MV，先知佢個真面目，亦同期得知佢係馬來西亞人而唔係台灣人。我都係到今晚先知佢有英文名叫Michael。

今晚個音樂會有四個guests，分別係衛詩，江美琪，吳克群，同阿牛。除左衛詩之外，全部我都未見過同埋未聽過.... 不過，光良同江美琪合唱的「對你有感覺」都幾好聽。第一次聽江美琪唱歌，我覺得她係唱得之人，因為佢把聲好聽，同埋有唱功。

反觀衛詩，我就覺得佢麻麻地，因為佢一出場時，巳經畀左我一個唔太好嘅印象

光良: 我頭先唱嗰首歌，你有冇聽過?

Jill: (傻笑及無其他反應)

光良: 頭先我唱首歌，你有冇聽過?

Jill: 我聽唔到你講野... 你把聲太溫柔喇 (又傻笑)

光良: (將個咪放近個咀，大大聲咁對住 Jill ) 我頭先首歌叫XXX，你有冇聽過?

Jill: (繼續傻笑) 都係聽唔到..

光良都冇佢咁好氣，惟有介紹將會同Jill 合唱嘅歌名

衛詩佢表演得咁high (好迷幻咁)，所以我對佢大打折扣。二來可能係因為佢一唱就唱快歌，有時一"輪"咀咁，都唔知佢唱緊乜。不過話時話，當佢唱番舒情歌「寧願你永不知道」時就唱得唔錯嘅。

今晚個音樂整體都唔錯，一來，位置算是前排，二來我喜歡嘅歌，光良都有唱到，真好!!!

P.S
我今見識到乜野係熱情歌迷，佢就坐我前幾排，真係好湧躍，好投入。台上歌作出任何提問或request，佢必作答或照做，就算台上歌手無乜request，佢都會久唔久就企係身大嗌，向台上揮手。佢嘅投入程度就係好高，好funny。

乘機偷懶

明明係近傍晚先入院，但我郤乘機請左full day leave， 其實都唔係好過份啫!! 冇理由咁搏命，朝早返工做到傍晚先收工然後由公司去醫院啫... 哈，雖然聽朝一早就要做operation，但我到而家一啲緊張都冇。 可能今次唔係我第一次做operation 掛。以前小學一年級都巳經做過小手術，住過醫院，跟住出院後返左幾日學又再入院。今次個operation畀以前簡單，仲好快可以出院添。唔緊張都好正常的... 不過雖然我唔擔心，但都希望個傷口可以早點完全癒合就好喇..

BATMAN

每日嘅工作有增無減，日日返到公司就起勢咁做，但就就做極都做唔完。Multi-tasking 真係好multi 囉，同時間run好幾個query去sort data，sort entries，sort 得咁上下就開始做comparison。 做做下comparison 又話要update Project A個progress list 。個list未update 完，又話要去開會傾Project E。 出到嚟又要個Project E 個follow up 同埋要完成Project A 個 porgress list。一心唸住做完個progress list，可以專心個Project E 個follow up 同埋抽時間做埋個comparison.. 往往都只係自己一廂情願嘅想法，因為每日總有起碼數十封由老細同經埋C forward 出嚟emails，又要做左哩啲ad hoc 野先得...

我真係可以講句，我every second 都係做緊野，唔似得其他同事咁得閒，得閒到可以成日上網同埋周圍同人傾偈。話時話，我平時真係好少機會同事傾閒偈，同我講得最多閒偈，反而係做project 時成日要call 嘅 IT 同事Y。

記得當我仲係新人嘅時候，開始跟某project，遇到system 上嘅problem要搵同事Y幫手。當時，同事Y唔係好合作，總係求奇畀個解釋耍走我。好多時收完線，再check 下，就會發現個解釋唔valid。 做耐左，合作多左，同事Y對我嘅態度都轉變晒，幾乎係有求必應。

早幾日發現有個account files 唔夾 ledger balance，調查後得知係program bug，要搵人去update 返個account files。但今次連經理C都唔sure 個manual batch 唔入，所以又叫我同IT arrange 個testing enviornment 去試下，所以我又打電話搵同事Y叫佢arrange 下....

J: 你記唔記得充type a 數個batch code 係咪 xxxxx?
Y: ER.... 應該係，不過唔sure
J: 我地要教branch 充數呀，有冇testing environment 畀我試下?
Y: 我幫你arrange 啦，你用enviornment 3 啦
J: 不過我平時唔入batch，冇access right喎，你可以唔可以grant 個temporary access right 畀我?
Y: 得，無問題，你要access 乜野?
J: 我要 "BATMAN"
Y: 唔好啦，而家唔興Batman 喇
J: 吓? 而家入batch 唔係用BATMAN咩?
Y: 唔係.. 而家唔興 Batman喇，興蜘蛛俠嘛.. 講吓笑啫

同事Y開始多野講左，有時仲會同我訴苦添 (因為有時我老細啲request 又確實係幾麻煩的... ) 相熟左，真係唔同啲，起碼唔會再耍我，有時搵佢，會盡力幫我，而家仲會同你講笑添。

大花筒

早排巳發現二哥舊年送畀我嘅頸鏈甩左粒水晶，不過之前我懶得去理佢，見今日冇特別野做，就拎左條頸鏈去整。可惜去到時，個維修師傅去左食飯，sales 姐姐叫我放低條鏈，一個鍾後再返去拎。就係哩短短一個鍾，我又做左個大花筒，買嘅野唔多，但係用左好多錢... (好彩，除外買野畀自己之外，都買到生日禮物畀朋友D，希望她會鐘意啦!!) 下次冇乜事，真係唔好自己一個行街。 我唔要再做大花筒~

一天光晒

早在一月中巳經安排左遲些做小手術，但見農曆新年在即，媽咪忙於辦年貨，怕媽咪話唔好意頭，最怕係怕佢為我擔心，所以一直都冇將哩件事話畀佢聽。但係唔話畀佢聽，又好似有野瞞住媽咪，我又唔係幾安落。唉.. 噚日終於將件事講左出嚟。開頭媽咪一聽到要做手術，當然好驚訝同埋擔心，當我話畀佢聽個手術唔駛全身麻醉同埋可以即日出院後，媽咪就好放心。嘩，早知佢咁放心，我就一早話畀佢聽，唔係自己個心唔舒服左咁耐啦~

好多痕??

上星期診所護士姐姐打電話提醒我要返去覆診， 我就口快快話過兩日返去。

事隔兩日，lunch time 去左覆診...

D: 點呀，你都食左兩星期藥，有冇見唔舒服?
J: 冇呀
D: 係咪好乾呀? 你個咀嘴唇好亁喎..
J: 係呀，食左藥，個人好亁呀
D: 咁你記住要飲番多啲水喇..
D: 好，今日要抽血喎，你記唔記得?
J: Er....... 係喎，我唔記得今日要抽血添。 (啱啱先醒起上次佢真係話過覆診時要抽血)
D: 你個樣好似未準備好喎... 駛唔駛下次先再抽過?
J: 咁又唔駛，我OK o架
D: 真係冇問題?! 咁就而家抽喇喎...
D: 咁你放鬆啲，只係有少少痛

J: (束起衫袖，準備畀醫生抽血)
D: 嘩，好多痕呀
J: 好多痕??
D: 唔係，手多痕呀!!
J: (一遍迷惘....) 吓??? 我隻手好多痕????
D: (笑左一笑) 我話，你廋得很呀!!!
J: 哦.. 係呀，我好廋呀...

我唸醫生都差點畀我激壞喇... 都唔知點解會咁，聽咁多次都聽唔到醫生講乜。惟有賴因為醫生戴左口罩，一定係咁....

女人最憎的說話

早幾日收到朋友轉寄嘅電郵，係講女人最憎的說話。內容如下:

**************************************************************************************************
1‧你咪咁小器啦！
女人點解憎： 小器是女人擁有但又不想認擁有的特質，你明寸佢？等開拖吧！ 男人 說這句話時通常笑笑口，點解？因為知女人唔岩聽？明知不應說但堅持說出來，就是撩交嗌？男人說這話前通常已說完「嬲完未呀？」、「唔好嬲啦？」之類的話，但 游說不果；唔識?人就賴人小器，屙屎唔出賴地硬！即係話我唔應該嬲者？女人發嬲一定有佢道理，男人駁嘴即係話我螿不講理，作死！ 建議： 要女人唔 嬲，真的惟有等她自己嬲完，但不等於什麼都不做，男人最好做點事來縮短過程，愈拖只會愈難TUM 基本上連個嬲字都不能提，女人好憎呢個字，唔嬲都變嬲！告 訴你，叫女 人唔好嬲，佢嬲得仲勁！女人在小器、嬲爆爆，男人TUM佢盞晒;氣！要軟化女人從身體入手，抱抱或緊握她手吧！

2‧對唔住囉！(同類說話：我唔岩; 囉 、我衰囉、我錯囉)
女人點解憎：「囉」什麼？晦氣到死！ 最 討厭是加個「咁」字在前頭，「咁對唔住囉？」，一個「」咁字包含了「我唔覺得自己錯但買你怕囉」這十二個字的意思，明激我啦！ 男人說時通常皺眉頭、眼神厭倦，擺明在說「你又來了」，乜我好難頂咩？建議用口去表示歉意是低層次的做法，倒不如用行動表示。 唔該比D性格，唔覺得自己錯的話，老虎蟹都唔認錯！唔該比D風範，道欺最緊要誠意。

3‧鍾意嗎？ 我送比你Y！
女人 點解憎: 因為得個講字，男人總以為講左就等於買左，毋需真的買！見我雙眼發晒光仲問，你盲架？要我用把口去講我鍾意，即係要我認貪心！ 建議講得出 就要做得到！一定要趁熱買，一拖，女人又話你無誠意！立即在她面前付款是最方便的做法，但女人最憎呢種方便，唔浪漫。 男人總係唔識送禮物，以為買左然後交過去就大功告成！其實送禮物最重要是點樣交到對方手上，即係心思、驚喜。

4‧使唔使幫你？(同類說話：使唔使車你、使唔使幫你拎？)
女人點解憎: 廢話！ 問來幹麼？答得你我都做完！建議女人最憎男人「齋TALKING 」，唔聲唔聲做左先才是英雄做多無壞，即使自己搞得掂，女人都鍾意男人獻殷勤的

5‧搵日同你去……
女人點解憎: 搵日，通常不會兌現又信口開河了！你估我係你D客，「搵日出黎飲茶」咩！建議女人記性很好，此等不兌現的小事是她日後炒大鑊的導火線, 女人無要求的話，男 人切忌自動OFFER，無謂製造機會比人CHALLENGE

6‧得架啦！得架啦！(同類說話：掂架啦！掂架啦)
女人點解憎: 認屎認屁叻，結果錯漏百出無樣得！ 你覺得佢係怕你 煩，想塞住你把口，所以吹到天咁大，但其實得鬼！建議無希望就無期望，無期望就無失望，實話實說吧！女人要講野，一定要比佢講；而比佢講，佢先唔縑C

7‧明啦明啦(同類說話：係啦係啦、得啦得啦)
女人點解憎: 明個屁，想我收聲至真！ 真係明？咁我岩岩講到邊度先？建議她在跟你說一些她認為很重要的事，即使你覺得無聊，也請耐心聆聽，硬食吧！ 在她喋喋不 休時緊握她的手，信我，好快收口。適當時候發問，讓她知道你在聽；無傷大雅的小事不妨附和，大事情則要糾正。

8‧是但啦
女人點解憎: 無要求，無原則，無性格！ 你又嫌我煩了！你寧願SUFFER任人擺布，我諗我真係好討你厭，嗚……建議大可拋個波比佢，溫柔地說：「你話呢？」她反而覺得你尊重她不在乎說什麼，而是在乎怎樣說；男人說話時語氣夠堅定就是說服力，女人自然收聲。

***************************************************************************************************
雖然我覺得大部份都好勉強，仲有點離譜，不過我好認同第五點嘅講法。因為我自認我係一個小器同埋記性好嘅人。對於芝麻綠豆嘅事都會記得好清楚。我最不喜歡別人對於自己辦不到的事作出承諾。我真係寧願沒有任何承諾，亦不希望得到不會兌現的承諾。因為答應會做的，但最終又不會做，真叫我失望。

某人說了「不如我地幾時去xxx囉!」，我就默默地期待那日嘅來臨。日子一日一日嘅過去，始終都無實現，後來才得知當時某只係講下，又或者當時好想去，但現在已經忘記左，唔想去了又或者巳經同某某去左lu。一個人去等待的感覺好孤單，而且發現原來只係自己對於別人嘅說話太過在意，記性太好，過份認真，哩種一廂情願嘅感覺，我真係好厭倦，好討厭。久而久之，對於別人嘅承諾，我都唔會再寄予厚望，因為我慢慢領會到無期望就唔會有失望嘅道理。

Relax

早幾日知道有個testing 會係星期六進行，經理C問我今個星期六會否返工， 我答她我打算休息，唔係好想返.... 可能經理C知我個個星期都有返，星期四早返工又做到十一點，所以佢都冇逼我返，話個testing佢自己做返，不過就叫我幫佢build 好晒啲linkage 同埋sorting critera。

真有少少過意唔去，好似好大牌咁，自己唔返，要上司返。點都好啦，今個星期六終於可以休息一下喇。朋友R帶左我左粉嶺鹿頸呼吸一下大自然嘅空氣。新界地區，人流少，樹林多，空氣的確比市區好。面對樹林，山山水水，仲有白鷺，心情份外輕鬆。加上食下午茶嘅時候，朋友R問要否將西多士切成心形，我還以為他說說罷了。估唔到佢又真係切到出嚟，仲切得幾靚添。So sweet~~

玫瑰

花販真有佢地一套，用魚網包住花瓣部份，表面係保護小花，但其實係令花朵看起嚟，還是未開，吸引大家去買。 當我為每朵花拆下魚網時，發現有啲花原來巳經開緊。而且有啲花嘅花瓣仲起皺添。 真係擔心佢地會好快悼謝。 好彩而家，啲花都開得幾燦爛。

媽咪好開心咁叫我為玫瑰花拍照，又叫我每晚放工回家，都要睇下佢地。媽咪話啲花開得咁靚，睇到都會令人心情好啲喎!!