今年唔考小提琴試，都係出年先考喇。因為覺得自己未ready去考呀，雖然老師話年底考應該可以的，但我唔想推牛上樹，夾硬谷的話，會有負面影響。
而家跟兩位老師學琴，一個星期上兩次堂，原來都幾吃力。開始唔夠時間練琴，因為顧得掂一個老師俾嘅練習，又顧唔到另一個嘅練習，變左兩邊都係"半桶水"。而且跟兩個老師學習，有時都有conflicts, 好似拉scale咁，點拉個D同E音都有唔同.. A老師要求我上行按四手指，下行先用空弦。但B老師就要我上行用空弦，下行先用四手指。 我惟有採取兩頭蛇態度，上邊個老師堂，就用邊個老師教嘅方法。
但跟唔同老師學琴，會有唔同得著。好以啱啱嗰堂︳我叫B老師拉下我個琴，B老師唔肯，佢以為我潤佢『咁叻，你嚟拉喇』。但其實我真係無哩個意思，我純粹想聽下由B老師操刀之下，我個小提琴應有嘅音色係點啫。 好在叫多幾次，B老師終於肯拉我個小提琴。但佢拉完就好奇怪，好以有難言之忍咁... 唔通我個琴有問題???? 老師唸左一陣，終於組織得出佢發現到乜野喇，原來佢覺得我個琴比一般幼細，個碼仔比較矮，弦線比較近紙板，而我支好貴嘅弓又好輕，所以如果用平時嘅力去拉，會影響琴嘅發音喎。跟住我一路拉琴，B老師從旁「執」我嘅姿勢同動作，而我拉出嚟嘅音色真係好左好多呀！可惜只限於老師出手先係咁，當我自己拉又拉唔番咁好嘅音聲。所以我仍要好好摸索一下，希望老師「執」多幾次我嘅姿勢後，我自己可以掌握好個技巧就好喇!! Janet 呀，你要加油!!!! 如果唔係，出年都知考得試未呀!!!!
No comments:
Post a Comment