由十月份第一次開會，分組構思program，開始準備到而家，仍然仲有好多野要預備。日日都收到隔離team嘅email，要prepare什麼什麼，聽熟什麼什麼... 今日都仲有新email... 之前信心好大，但今日開始識得驚lu，覺得未ready添。今日收到個天氣預告話會落雨，有幾日仲得零度添咋。唔... 有啲擔心，唸緊駛唔駛多帶幾件衫去！不過呢... 今次大會限制我地用24寸之內嘅篋，因為我只有20寸同26寸篋，焗住用個20寸蚊型篋... 唉... 九日冬天衫加其他物資... 真係好太挑戰!!!
放左兩條厚褲之後，只剩半個篋.. 好灰... 一直唔想去執因為知點執... 不過我都係係時候執下野先得喇，因為唔執過，又唔知仲有無野要買去... 希望唔會執漏野啦！
P.S. - 趣事一則 -- 「被」請食檸檬!!
今日同朋友V同朋友R食lunch，朋友R"煽"手令到個碗蓋跌左係個碟上，繼而撞到碟上嘅檸檬碌到去我面前...
朋友V好快咁話:「嘩!你做乜請人食檸檬?」
我又搭咀:「我都未問你，你咁快就請我食檸檬?!!」
朋友R都唔知點反應，一臉又尷尬又怕羞嘅表情，快快地執番碌左係我面前嘅檸檬，真係好好笑 =P
No comments:
Post a Comment