挑戰難度

上次幅畫送俾朋友當做house warming gift...  點知原來阿爸同阿媽一直期待我拎幅畫返屋企架喎，阿爸仲唸住掛幅畫係廳添！阿媽知道我會送幅畫俾人後就好失望咁。所以我又要去畫番幅畫俾佢地掛係廳。

難得阿爸阿爸咁欣賞我嘅畫，今次實行畫幅勁嘅俾佢地，畫幅大大嘅先得！今次幅畫其實睇中左好耐喇，由第二、三堂學painting見到人地畫緊時，已經好鍾意幅畫。不過每次去上堂都見到人地仲畫緊，我都畫起幾幅畫作品，但佢畫極都未畫完，就知道幅畫唔簡單！！！

雖然知道幅畫要畫好耐，今次都好想試一試，挑戰吓自己嘅耐性嘛。咁大幅草皮，要一條一條慢慢畫，真係有排刻劃呀！老師都話要預起碼畫三、四十個鐘，但我保守估計要幾個月後先可以完成。嘻嘻，希望我真係有耐性慢慢畫，又畫到我想要嘅效果啦！