弦樂練習

近排學緊考試歌.. 明明用一把位可以拉到晒嘅歌仔，老師又偏愛用較難嘅指法同埋要成日轉把位，一把位，三把位走嚟走去，搞到好難handle.. 練習嘅時候，真係打晒交咁.. 啲音唔準唔在講，仲有好多不必要嘅雜音添.. 因為首歌仔係拉丁舞style，老師都好生鬼咁話:「跳舞唔好成日踩住人地裙腳咁咧hea 先得喎.. (即係叫我要拉乾淨啲!!!!!) 」因為我真係拉嚟拉去都未掌握到.. 老師又好似巳經講晒佢可以教的，我好似去到樽頸位咁，想做嘅技巧又表達唔到，無進步又拉得唔好聽，所以心底裡曾一度低落...

直至今日嘅弦樂練習，心境終於好番好多lu.. 嚟緊五月嘅獻奏，指揮揀左一首好輕快嘅古典音樂。指揮話首歌係作嚟氹皇帝開心嘅，所以係好輕快咁拉... 經過今日好投入咁同其他樂手練習時候，又不自覺被首歌仔感染，我重拾拉小提琴嘅樂趣... 個composer真係好得呀，唔止氹得皇帝開心，仲氹埋我開心添呀，勁!!! 真係好期待下一次弦樂練習呀~