夾琴

今日係我第一次夾琴呀... 真係好鬼緊張架... 好彩一如老師所講，個鋼琴老師係好好脾氣嘅靚女。

時間有限，所以一去到就即刻開始夾歌仔。夾第一首考試歌時，鋼琴老師竟然話我嘅音準同節拍都OK喎，並唔係我講得咁有問題。 我就回應:「你聽耐啲就知架喇....」 因為我深信我只係一次半次OK.. 跟住到夾第二首考試歌時，部份節拍OK，但部份唔OK啦.. 不過夾第二次嘅時候，琴老師就話OK喎.. 不過佢提我要得再"綿"啲先好喎.. 因為首歌係要慢慢地，綿綿地，唔好拉得咁清楚先合題。

到夾第三首歌仔嘅時候，琴老師終於感受到我嘅節拍有幾唔得喇.. 凡係三拍以上的，我到拉唔足.. 但我好努力拖長架喇，一心以為足晒拍子，但結果都係rush左成一拍.. 夾左三次都未得.. 但時間又夠喇喎.. 唯有返屋企數好啲拍子，重點練習哩首歌仔.. 嘻嘻，我打算上小提琴堂嘅時候，向老師求救呀.. 要捉住老師同我練好哩首歌先得=p