疤痕

今年犯太歲，學人去拜太歲啦，入到太歲殿認真香火鼎盛，真係好難張開雙眼。 根據師傅嘅指示，係所有太歲神靈前放完香燭，之後就將一份份金銀衣錢拎去化寶盆，真係估唔到等緊化寶時，竟然有條熱騰騰嘅橡筋飛彈到我隻手，留低左一條小小嘅疤痕。 唔知咁樣算唔算係犯左太歲呢?

Over Buget!

上一堂老師發現我個小提琴其中一條弦又想斷想斷咁，而且我枝弓又跌彎左，老師提議我買定一套弦線，一定要換過一支弓， 同埋係時候買過啲琴書喎。 我記得我問過Tom Lee 一套線大約280 蚊到，老師話一枝弓大約200 左右，咁咪叫老師幫我買囉...

點知老師唔靚唔幫我買，佢幫我買左套貴啲嘅弦線，一枝三百幾，四百嘅弓，同埋兩本新書... 夾夾埋埋，同原先我估計的價錢，要俾多一倍!! 不過呢，我今堂一用枝新弓，拉出嚟嘅聲係真係好啲架喎，都算係貴得有價值，所以我估啲弦線都會比較靚聲嘅... 唉，搞到我心郁郁想換埋個小提琴添... 老師quote 手工琴大約三千蚊，等我再學好啲嘅話，就會去買過個琴架喇!!!

Promotion

今日終於confirm 我個promotion 喇，升左個grading，都開心嘅，因為個promotion 都算係大家對我嘅recognition。 惟一唔好彩嘅係，經濟唔好景，promotion 都冇salary increment 囉.... 雖然都有人工加，但係真係好minial 嘅annual加幅，並唔係promotion 嘅加幅。

但又唔可以講得上唔開心，因為都預左唔人工加，甚至唔敢奢望會有bonus... 但係小小嘅失望係在所難免架喎，promotion 都無得加，幾時先有得加呢? 雖然加「辛」多過加「薪」，惟有為自己諗左以下好處等自己個心好過啲....

1) 叫做工作上得到一點點認同
2) 多番幾日annual leave，可以放長啲嘅consecutive leave
3)慶幸今年都仲有B仔，可算係一點點嘅彌補吧

攞嚟搞嘅Citibank credit card..

日前收到Citybank I.T. 張credit card 嘅statement，見到到要收annual fee。 我見我都好耐無碌過哩張咭，平時又無乜幾可會去 I.T. 買野喎，咪打算cut咗張咭lor.. 點知我打電話去咭中心，個Customer Service 話唔可以經電話cut card，一定要親自去分行cut先得，真係麻煩喇!!

因為我太唔想俾annual fee，所以都係去左分行搞。一去都就同個staff 講要cut card，佢好快就幫我填好份form 同埋剪左我張咭。 不過佢係剪完張咭先問我點解要cut 張咭，咁我咪話因為要收annual fee 同埋少用張咭。

過左一日，就收到citi bank打電俾我，話多謝我一路支持佢地張I.T.credit card，話有什麼優惠promote 喎，我咪同佢講我巳經cut左張card lor.. 再過一日，佢地又打電嚟話會幫我wave annual fee，叫我再考慮keep番張card，但我話張咭巳經俾你同事剪左喇喎。佢竟然話唔緊要，佢地會issue 張新咭俾我，個CS 仲強調唔會收任何charge添，你話佢地係咪攞嚟搞吖，個annual fee 其實明明可以唔收，做乜要charge 人呢? 做乜又要剪完人地張咭先wave 個fee 同埋re-issue張咭咁多此一舉呢? 真係今人費解。

Kitty 紅荳糕

秘書姐姐真抵錫，知道我鍾意kitty，所以送左個kitty年糕券俾我。 你睇吓，淨係張換領券都巳經好精美，嘩，原來實物仲精美呀，唔駛講，個年糕梗係有Kitty個造型啦，跟住仲有個好精緻嘅盒仔包住，然後仲有個靚靚袋添呀，真係開心!!!

請緊扼扶手!!

有日我係銅鑼灣地鐵站入面搭緊扶手電梯，仲有一級就到地面時，我突然企得唔係好穩﹐仲以為係自己心不在焉，所以失去平衡。 但係差唔多時間，我又聽我後面(電梯上面)傳來一陣尖叫聲同埋好急速嘅「確確」聲，向後一望就見到有幾個人一個拖一個咁跌緊落嚟呀.. 原來係個電梯無啦啦等左呀。 電梯出事時我都無捉實個扶手架，好彩我巳落到最後一級咋.. 如果唔係，我可能都有份被人拖落去呀... 所以呢，大家搭扶手電梯時，要記住緊扼扶手喇~~

09 年之第一突破...

就係打破個人紀錄，瞓到下晝五點幾，六點先捨得落床.....

事緣係之前巳經頭暈暈，病病地，但又要學係玩倒數，仲要玩得夜，又食得多，食得又熱氣.. 但係當時真係唔覺得好飽好飽，明明只係一般程度嘅飽。但番到屋企巳經係零晨四點，沖完涼，瞓覺時先覺得好濟... 瞓嚟瞓去都瞓唔到呀，向左瞓，又頂住，向右瞓，都係頂住，平瞓仲唔舒服，伏係到，更加唔舒服，只知有度氣頂住，係點掃風，都"er"唔到度氣。我惟有瞓瞓下，就要坐起身，坐下又再瞓下... 重覆起到好攰，終於瞓得著。

瞓到大約一點鐘，媽咪問我去唔食晏，我揮揮手話噚晚食得太多，之後又再瞓過。直至下晝四點幾，媽咪再入我房，驚見我仲係瞓係張床無郁過，我先開始有肢覺，但都係再瞓多一陣，瞓到五點幾六點先捨得走身。 就係咁，白白瞓左成個假期lu...