宿命

「我巳經好攰喇，我再唔知點令你開心」 第一個他跟我講時，我個心好痛... 惟有埋首工作，學法文，keep住去做yoga，玩nds，務求要令到自己好忙，讓時間將一切調淡。

直到遇上第二個他，他常為我安排郊遊活動，令我嘅生活多左唔少色彩，開始嘅時候我都好擔心他對我好只會係短暫性，唔會係長久，當時嘅他仲好有信心咁話我嘅擔心係多餘。 竟想不到，他亦同我道出同一番說話。第二次聽到這番話，反應依然如舊。唔同嘅係，除外傷心之外，覺得自己唔係一個可以去愛啲人，仲多左一種怨天尤人嘅想法... 「點解個天要咁對我? 點解我總會令我身邊嘅人由好欣慰嘅心態轉變成為好辛苦嘅感覺呢? 唔通真係我嘅宿命?」 其實都係我的性格太過內向被動，不擅溝通表達，只顧期待，習慣左做接收嘅一方，令付出嘅一方過度透支而產生反感。