纖體代言人

我係好瘦，相信我每個朋友都好認同... 今日終於有人搵我做纖體代言人。

不過並唔係係街上前搵人做model嗰隻，係比佢地仲要差，更搵笨的電話幸運兒囉...

又係問你: 「係咪xxxx xxxx 電話號碼嘅機主，恭喜你成為我地公司嘅特選幸運兒，我地誠邀請你成為我地公司嘅纖體代言人..... blar blar blar... 請問你體重多唔多過100 至120 磅哩個range?」

我二話不說: 「唔係，我唔夠100磅。」 (心唸你仲唔係好無癮咁收線?!!)

姐仔仲問: 「咁樣呀，咁你仲有無可以減嘅空間?」

我巳經好決絕咁: 「冇!!!!」

佢竟然喋喋不休: 「唔係喎，我地仲有好多儀器，你可以揀局部減肥，減手臂，減腰都無問題o架，係咪對我地個計劃有啲興趣呢?」

我只有再答:「真係冇喎!!!」

姐仔哦完一聲就cut我線.... 真係唔明，佢expect一個唔夠100磅嘅人可以有乜野比佢減先得架... 真係唔好玩啦!

發夢

好耐都冇發夢喇.. 以前發夢多數都唔係好野.. 成日發夢自己返緊工，做緊野，個夢真係好detail，我會見到自己開左 Lotus notes，入password, check emails，仲有開其他Programs，run report，自己打字做 documentations。 嚴格嚟講 ，我根本就冇好好咁瞓...

哩排我又開始發番夢，不過內容同工作無關，啲夢好其怪，好唔實在。

1. 有一次，我係夢入面"走佬" (唔記得係咪因為我知道他人重要秘密) ，走走下被人發現，我就用刀刺向他後逃走... 之後我好後悔，覺得唔應該用刀傷人..
2. 又有一次，發夢和他好開心咁行街
3. 噚晚個夢仲奇... 我竟夢見不煙不酒嘅二哥學人食煙!! 我問二哥做乜食煙? 係咪因為生左阿B壓力太大 ? 二哥一路食煙一路話係。夢入面我覺得個好心酸，點解二哥會食煙o架??? (唔知係咪知道二哥初為人父，心靈感應到佢嘅壓力呢?!!!) 正當我想勸告二哥時，個夢又shift 去更離奇嘅情境...
4. 我一家人正在坐緊類似「摩天輪加星際蜘蛛」結合品， (海洋公園明明係香港仔，但係我見到啲風景竟然係逸濤灣加嬉水池再加小山坡，好奇怪 ... ) 我所有家人都坐得好安全，好舒服，但我徧徧覺得好唔安全，因為冇安全帶，四周又無野圍住，只係靠自己扯住柱.. 個theme 明明係坐摩天輪，但玩落又好以過山車咁，高高低低，又快又高 (高過晒所有residental building，簡直係係半空)，成個人好拋，好有離心力，我覺得好驚，好唔安全，好以快要被拋出去... 我問媽咪，媽咪又話坐得好定，好輕鬆，但我只係越來越拋，離心力越來越勁，比過山車勁十倍!!!! 我點捉住都好似會從高處跌落去咁，我好辛苦!!!! 好彩跟住鬧鐘響，唔使再拋喇...

夢呀夢，其實你有無什麼啟示o架 ???

宿命

「我巳經好攰喇，我再唔知點令你開心」 第一個他跟我講時，我個心好痛... 惟有埋首工作，學法文，keep住去做yoga，玩nds，務求要令到自己好忙，讓時間將一切調淡。

直到遇上第二個他，他常為我安排郊遊活動，令我嘅生活多左唔少色彩，開始嘅時候我都好擔心他對我好只會係短暫性，唔會係長久，當時嘅他仲好有信心咁話我嘅擔心係多餘。 竟想不到，他亦同我道出同一番說話。第二次聽到這番話，反應依然如舊。唔同嘅係，除外傷心之外，覺得自己唔係一個可以去愛啲人，仲多左一種怨天尤人嘅想法... 「點解個天要咁對我? 點解我總會令我身邊嘅人由好欣慰嘅心態轉變成為好辛苦嘅感覺呢? 唔通真係我嘅宿命?」 其實都係我的性格太過內向被動，不擅溝通表達，只顧期待，習慣左做接收嘅一方，令付出嘅一方過度透支而產生反感。

媽媽真的好

還是媽媽妳最好，多謝妳的支持.. 始終都係妳嘅懷抱最親切，最溫暖的...

請多多指教

剛收到朋友從日本帶給我嘅手信，我以為佢地係兩樣野，但友人話佢地係屬於同一份手信... 但我真係無頭緒，點樣可以將佢地二合為一。 各位朋友們，如果你地知道點搞，請留message 教下我啦，今次真係多多指教喇!!!!!