份外happy

好開心，今日雀仔專程由觀塘嚟到中環同我食lunch… 之前真係冇唸過o架!!!
咁耐冇見，雀仔都冇乜點變，依然有陽光笑容。

睇雀仔咁輕鬆，lunch 都肯過海，都feel到佢有幾free啦。雀仔話因為佢老闆唔係香港，最難得係個麻煩PA都唔係office，所以咪作反，其實佢上星期巳經差唔多日日都有過海食lunch喎… 食完lunch雀仔仲show 畀我睇佢今日仲要係著波鞋加西褲返工添，嘩!!! 今日仲要係weekdays噃，又唔係星期五，真係free到極呀。

之前BNP都可以星期五casual wear，但而家JP唔興玩casual wear，日日都要smart casual，冇得著波鞋牛仔褲返工。

激死左

有日負責送信嘅mailing 同事E竟然好正經咁問我...

E: 有樣野我想問你好耐o架喇，唔知問唔問好?!
J: 問啦 (十分好奇，究竟同事E有乜野咁難開口問呢...)
E: 其實你駛唔駛"纜" 住條鐵鍊出行架? 你知啦，出面好大風喎
J: 唔駛呀!!! (真係畀佢激死，問咁無聊嘅問題都問得咁正經，真係冇佢收!!!)
E: 唔係leh.. 我覺得你要呀

唉，繼以前水記同事 Benson問過我啲手手腳腳有冇斷過之後，另一經典問話。我知我係比較瘦，但冇佢地講得咁誇張啫...

八號風球

日日都密密做，個人其實好攰，終於等到星期五lu，同積奇蓮食過午飯，返公司沿途時先講起話做乜咁大風，吹到頭髮都亂晒。點知返到公司搭 lift 時，有同事講話三點半會掛八號風球，可以隨時走人。(唔怪之頭先出面咁大風啦，原來打緊風球....)

返埋位之後，就立即同同八下係咪真係打風，同埋如果打得成又可以點之際，大老細個秘書巳經走到我地隔離，同我地個大肚婆同事講話好快就會掛八號風球，叫大肚婆同事快啲走先.... 大肚婆同事走左無耐，秘書又宣佈巳經掛左八號風球，大家可以走先。秘書未話走得，巳經有好多同事話自己住得偏遠 (離島，赤柱等)，巳經走左，所以秘書一話走得無耐，我都 log-off 電腦走lu...

無端端多左半日假，本應高興，但明明約好R一起吃飯，怕且都係要cancel lu... 臨走我還email 積奇蓮，嘆惜今晚同R無緣見面。原本還以為要自己一個返屋企先，落到公司留下接到R來電，約我係金鐘等... 我去到金鐘時，金鐘站巳開始出現人潮，我坐係月台中間嘅長櫈等R，唸住打電話話畀R知我嘅位置，點知電話打極都唔通，唔係冇反應，就係話"Number busy，retry?"，但係當你retry時，佢又係冇反應。眼見人龍越來越勁，有點擔心R搵唔到我... 唯有send sms 啦，搏佢收到我個message，知道係邊度搵我啦... 好彩我都打到畀佢，講到畀佢知我個位置。

就係坐係到等R個不多於半個鐘，我遇到以下嘅事...
1. 不停見到一群群人係月台奔跑 (3 號月台嘅人走去年4號月台嘅同時，4號月台嘅人又湧住去3號月台)，月台越積越多人，最犀利時，成個月台都係人潮

2. 有位嬸嬸話佢電話接收唔好，要我借電話畀佢打，我幫佢打電話，但係電訉公司話線路繁忙，請遲啲再打嚟... 嬸嬸問話搵唔到朋友，唔知點算好，我話我幫佢試多幾次，佢話好，但我幫佢打電話時，佢又走左去第二度，都唔知佢想點?????

3. 跟住有位哥哥坐我隔離打機，打打下佢好疑或咁問我發生乜時....
哥仔: 唉! 係咪將會有風球??
J : 巳經掛左八號風球喇
哥仔: 係咩?! 唔怪之咁多人啦!!! 咁要快啲走先得喇... (跟住就閃走左，不過好快又見佢返嚟坐)
哥仔: 都係唔走住喇... 好多人呀，下一層逼滿人，行都行唔到，都係坐下先

4. 頭先位嬸嬸拎住部手機話打唔出，但係收到訊息... 我唔識點用呀，你可唔可幫我呀?? 冇所謂啦，咪幫佢send sms ，幫佢話畀佢朋友知佢係邊度等緊佢囉...

5. send 完無耐，有位失明人仕走到我面前，原來佢要上去地面。我又幫佢搵扶手電梯，然後再帶佢去... 不過我都係唔粗心大意，我一尾帶佢行，但我忘記畀instruction，行左一陣，我先記得要同佢講向前行定係向左行.... 之前毫無引述下，咁樣佢畀我拖住嚟行，唔知佢有冇啲驚呢??

6. 送完佢上電梯，正想返去等R嘅時候，我就係月台見到R喇... R問我做乜咁開心，梗係開心啦，時間真係啱啱好，幫完人之後就等到R，唔駛再擔心太多人搵我唔到...

沉迷

而家早左收工，晚晚大約八點就返到屋企，食過飯都不禁拎部NDS出嚟玩下Animal crossing.. 又係玩到上左癮，唔玩過部機玩都會心掛掛... 但係一開部機，就會唔捨得放手，一煲就會煲起碼兩個鐘...