過去

平時友人時時刻刻都會提起男友，又差唔多日日都係同男友食lunch，每日office hours 都會同男友傾電話，同佢講十樣野，有九成佢都會link 到佢個男友... 我好羨慕佢地成日都咁sweet。

不過友人本身又比較 high profile，成日同人講佢男友買新樓係係老細隔離，出入成日見到老細，又話公司缸魚唔夠佢男友屋企嗰缸咁大咁靚，男友屋企部咖啡機又同公司部一樣大，另有紅酒櫃係係邊度訂造，男友買左新車，又不忙提大家係一部兩門跑車，男友又買樓又買車，大概係好事近吧，好事近係值得高興，應該戳佢開心，但友人實在太喜歡炫耀自己，有時太hard sell 自己而令人太難頂喇。

上星期五得知友人與男友分手的壞消息，覺得好差異。因為心裏一直羨慕友人，認為佢快將結婚，聽到哩個消息時，真係呆左幾秒。友人將事發經過話畀我聽，佢男友同佢嘅conversation有九成都係我以前聽過，成個故事情境我都好熟悉，友人好似將我帶回我嘅過去，我個心都好唔舒服，我冇諗過我嘅朋友都會有咁嘅經歷，我好明白佢嘅感受，知道有幾難受，但係我真係唔知點樣安慰佢，覺得自己好無用...

紅炸彈日

早幾日係公司留下個lobby 撞見一個好耐冇見嘅大學同學T，原來大家兜兜轉轉又係同一間公司撞到... 同學T 話搵日約食lunch，以為佢隨口講下嘅我，就口爽爽地答應左。

返回office 坐位不久，就接到同學T 嘅電話confirm 話下幾時同埋同學A一齊lunch。 唉，讀U時明明同佢唔係好熟啫，加上大家都有好多年冇見喇，點解佢咁積極約食lunch 呢? 原來只係飯局一場... 開頭都好地地傾下大家近況，但冇幾耐，同學A 就開始有意冇意提及同學T 個婚禮。又係度數數將會有同學G，同學M & G ，同學 N，同學K&D(potential) 都會係3rd quater 結婚。數完又數，不停話差唔多個個都結婚... 跟住最終都係想話畀我知佢地分別幾時結婚，叫我等收佢地個炸彈喎。

P.S
今日返到屋企check email，又收到另一 pair 大學同學嘅e-invitaion ( to be accruate, e- red bomb!!!)

A lesson

任性，我行我素，自我中心

l

V

缺乏溝通，一意故行，妄顧其人感受

l

V

激嬲他人，影響他人心情，導致什麼解釋也聽不入耳

l

V

開始暴躁，語氣變重 ，誤會加深，有損感情

結論:

凡事都要三思而行，多從別人角度去想，有事就要拎出嚟傾，仲要好好控制下自己的情緒同語氣，因為覆水難收，說話講左就好難收翻，一時意氣的說話，好可能摥左別人嘅心，留下暗影就唔好啦。因為一旦個心多左條剌就好難移除，就算拔左剌，個心點都個多左個傷口，點努力補，都會留下個洞...

My favourite 2

你睇你睇，Hello kitty 個 golf look 幾得意!!! 雖然好無聊，但係一睇到就好鍾意，爭扎過唔買，但最後都係忍唔住買左佢...

佢一共有六個golf site，同埋六款Hello kitty o架，真係有唸過買晒佢返屋企，不過，我嘅理智好快就巳經override 左我哩個貪心嘅念頭。 (一唸起屋企冇位攞佢地，個貪婪之心好快就幻滅 U_U )

遊船河

對上一次遊船河，原來巳經相隔三年多喇... 時間真係過得好快，不過今次遊船河比起上一次，就比較人丁單薄。 (只係僅僅meet 到 minimum ，而且仲要加左好多A grade 新面孔，新到其實係我未見過佢地，而佢地又唔知我係邊個，只知到我係AA Legacy

可能係小左同grade 出席嘅關係，總係覺得是次船河比以前遜色。即使有份搶灘，到沙灘後好快就巳經想上番去隻船到.. 可惜嘅係，我地個搞手Clement竟然唔理我地，叫我地想法子通佑船家。(真可惡!!!! >~<) 我地幾個女仔惟有好無奈咁企係個岸邊向啲船揮手，不過揮極都冇人睇到我地。 Penny嘗試多次打電話畀留係船上嘅 Angela，只可惜冇人接聽... 我地白白乾晒左好一陣子，家明同Clement總於出手，划吹氣船番去搵船家嚟接番我地走... 真係要好好多謝家明!!! 除左多謝家明，當然仲要多謝搞手Clement 啦，不然，我地又會少左哩個gathering 嘅機會。 另外仲要多謝Fian，因為佢晨早起身幫我地預備左好多美味嘅食物 (卥水雞翼，抄烏冬，三文治，箥籮腸子同寿司)，等我地可以係隻船上好好享用。

過期豆乾

台灣同事上次 訪港了解下各部門嘅Operations時，熱情嘅同事專程帶左啲台灣豆乾畀我地香港嘅同事。 台灣同事千叮萬囑我地，如果唔係即時食用，就一定要將佢地放入雪櫃。

因為佢地係就啱其他office 嘅同事嚟香港進行offsite review，嗰幾日真係好忙，所以大家將啲包裝華麗嘅豆乾放左入雪櫃之後就唔左件事。直至個offisite review 完畢之後，再過多一個禮拜，大家先醒起啲豆乾，我同同事I分別攞左一包番屋企。

媽咪: 哩度印左啲數字話係有效日期喎，但係好似過左期喎...
J : 係咩...
(一睇，有效日期: 960605... 96年????? 唔係呀嘛?!!! 自我安慰一番，睇最後嗰4位數字啦.. 但係0605 喎... 05年6月?? 06年5月?? 但係點睇都係過左期喎... 仲要係過得好離譜添播)
媽咪: 嘩!!你啲咩同事嚟架，買啲過晒期嘅野畀人架?!
J: 無計啦，都過晒期，唔好要囉..
媽咪: 梗係啦.. (隨即放入垃圾筒)

第二日返到公司見到同事W和同事M手拎住豆乾，立即告誡同事們啲豆乾過晒期
J: 啲豆乾過期架，個有效日期係成96年架
I: 哦，唔係，哩個係台灣年份，要加番11年... 96+11 咪係07，即係今年到期
J:原來係咁!!!! 咁都無咁驚，不過0605喎.. 都係過左期
W: (立即睇睇包豆乾個有效日期) 我包係960609... 啱啱過左期兩日
M: 咁我嗰包呢?
I: 嘩! 你包係最早呀，960603呀
M: 係咪出產日期嚟咋??
W: 一定唔係，阿台灣同事係6月4號嚟到香港嘅，個出產日期又點可能係0609呢?
I: 可能啲豆乾要即買即食，唔可放好耐..　
J: 唔怪之同事咁緊張叮囑我地要放入雪櫃啦...
W: 哈，你嗰包係0603.... 咁其實佢一deliver 畀你當日，就巳經過左期喇...
M: 咁大獲? 好彩發現得早...
W: 其實如平時我地一定唔會留意有無過期，咁啱Janet問起個年份，我地先睇下咋..
M: 年份?? 哦，你唔知到係台灣年份.. 嘩，你見到咪驚?
J: 係呀，96年到期喎.. 過期過左成十幾年喎，驚都好正常啫...
M: 咁又係... 都好，如果唔係咁問大家都可能食左啲過期食物lu...　

今次都瘀有瘀著，救左大家，免得大家食左過期野.. 哩件事再一次教大家要緊記睇清楚個有效日期喇!!!

My iPod shuffle

之前仲同Senior G 講起想iPod nano但又嫌佢出咁耐都唔跌價，所以買唔落手。 點知今日朋友R 好勁咁，唔知點様係公司咁training 答問題，獲贈一部iPod shuffle，仲進貢左畀我添。 適逄我部mp3機對earphone 又壞左，而我又未去買番之際，有呢部iPod shuffle，真係唔遲唔早，時間啱啱好，實在太好喇!!!

由於我剛剛 format過我部電腦 (連microsoft office 都未裝番... 因為我未sure 部機係未穩定) ，個hard disc 什麼files 都冇，何來有mp3 可以攞落部 iPod 呢??

一向心急而又無soure 去download mp3嘅我，就急不及待走去download 個itune，然後於去搬番晒N年前買落嘅CDs 出黎，將自己鍾意聽嘅歌抄落去個iPod shuffle 到啦... 嘩!! 原來都起碼有成六，七年冇買CD喇~ 不過手上最新嘅CD 就係人地送嘅 Janice，哈! 我都好outdate lu，惟有自製一隻雜綿懷舊album 聽住先啦，遲啲再向朋友們update 吧。

的士司機

今日要帶三位分別來自台灣同埋上海嘅同事去旺角office 做offsite review。 我之前未去過旺角office，老細以為我唔知點去新世紀，就教我撘地鐵到旺角站後沿住行人天橋行十五分鐘就得。 我開頭都有疑惑過，點解公司咁孤寒唔搭的士呢... 出門時，台灣同事話佢對腳好痛，不便行太遠路，問我搭的士去有無問題，我當然話冇問題啦。同佢地落到樓下，問佢地係中環搭的士，定還是旺角先搭，佢地就話:「當然是到旺角才坐吧，因為現在打的，交通很忙，很塞車的。」 (哦~ 唔怪得之老細冇叫我搭的士啦)

就係咁，我帶住三個同事坐地鐵，台灣同事很好學，見到乜都會問一大餐 (唔知係咪因為同佢係 head of compliance 有關) ，我亦唔怕羞跟佢地講普通話，同事讚我啲普通話挺標準 。(哈.. 因為我以前有學過嘛，仲考埋國家語委會的試添)

一出旺角朗豪出口，就有的士等客。一上車，同事們又大大聲聲，不停的講普通話。的士司機都好有禮貌地用普通話問:「請問你們要去那?」 我用廣東話答: 「唔該去新世紀廣場」(其實我有點唔好意思的，因為兩個地方相距唔遠，一般人係應該唔會揀搭的士架) 所以我特別留意的士司機嘅反應，呀! 點知佢又冇乜野喎.... 到新世紀時，個的士標都係跳左兩下，盛為$17.6。 我已經準備好一張20蚊畀司機架喇，但係台灣同事唔畀我付錢，係都要搶回我張20蚊，要上海同事付錢... 點知上海同事一打開個銀包，就拎左張千元大鈔畀司機，我真係眼都突晒.. 心諗..今次仲唔畀人罵??? 哈，個的士司機又欣然接受，二話不說就找左1張500蚊，4張100蚊，同埋$82蚊畀我同事。 雖然我唔知事後佢有冇咒罵我地，但我點都要高度讚揚哩位司機嘅操守，真係好好，好好呀!!!

好貴嘅睡床

今晚行過尖沙咀海運，見到一張好有型嘅小朋友睡床，做到成艘船咁... 真係好勁，我唸如果我細過係哩張床嘅主人，一定會好開心。

個 design 好就好喇，不過哩張床要成 $13,xxx，都幾貴喎... 小朋友嘅睡床咋喎，駛唔駛咁貴先??? 俗語都有話小朋友快高長大啦，好快就大，即係好快就會唔啱訓架喇喎.. 設計係有心思，但值唔值得花咁多錢去買佢，真係見仁見智。

好Cool 嗎?

可能我唔出聲時個樣真係好衰啦，成日令人誤會我係度發脾氣。Form 5 班主任係我記念冊都話我平時很少說話，佢覺得我好cool。媽咪都有這感覺，話我成日唔出聲，好cool... 舊老細又話我做野時太過尊注，好cool，好以嬲左成村人咁喎... (唉，做野太認真都會畀人話... 哩個係乜野世界嚟架?!) Senior G 提議我將自己個咀畫大啲，一於畫到成個麥當奴叔叔咁，咁個個見到你都會開心，再唔會覺得你嬲爆爆啦..

我唔係talkative 嘅人，好多時侯真係唸唔到乜野講嘛... 我唔出聲唔代表我唔想去溝通架番... 我唔講野，你都可以講下啫，你地一出聲，我一定會應你架喎.. 我同自己講過好多次，要記得常常微笑，等人唔會發得你好cool，不過要成日keep住個微笑，真係好難囉，唔通我真係要畫返個麥當奴咀??? 灰到痺 U_U