好多痕??

上星期診所護士姐姐打電話提醒我要返去覆診， 我就口快快話過兩日返去。

事隔兩日，lunch time 去左覆診...

D: 點呀，你都食左兩星期藥，有冇見唔舒服?
J: 冇呀
D: 係咪好乾呀? 你個咀嘴唇好亁喎..
J: 係呀，食左藥，個人好亁呀
D: 咁你記住要飲番多啲水喇..
D: 好，今日要抽血喎，你記唔記得?
J: Er....... 係喎，我唔記得今日要抽血添。 (啱啱先醒起上次佢真係話過覆診時要抽血)
D: 你個樣好似未準備好喎... 駛唔駛下次先再抽過?
J: 咁又唔駛，我OK o架
D: 真係冇問題?! 咁就而家抽喇喎...
D: 咁你放鬆啲，只係有少少痛

J: (束起衫袖，準備畀醫生抽血)
D: 嘩，好多痕呀
J: 好多痕??
D: 唔係，手多痕呀!!
J: (一遍迷惘....) 吓??? 我隻手好多痕????
D: (笑左一笑) 我話，你廋得很呀!!!
J: 哦.. 係呀，我好廋呀...

我唸醫生都差點畀我激壞喇... 都唔知點解會咁，聽咁多次都聽唔到醫生講乜。惟有賴因為醫生戴左口罩，一定係咁....