超大的菠籮油

今日二哥同佢女友帶左我同媽咪去左太子一個餐廳 (金華冰廳)。雖然間餐廳唔係好大，環境又一般，但係佢真係人頭湧湧。啲伙計行嚟行去，周身唔得閒。

小小舖位，人流極高，而且好嘈。真係好嘈，好嘈... 因為你落 order後，啲伙計係企係你隔離，用足宗氣向廚房同水吧喧讀你落o既 order...

嘈就係嘈左啲，不過個菠籮油真係大件夾抵食o既.. 你睇下，佢仲大件過麥當當啲漢堡包好多呀，我灘大隻手板，都唔夠佢大架!! 咁大個包都係五蚊，唔怪得會有咁多人嚟食啦!




伙計有趣對話-
伙計甲: 小姐幾多位?
客人甲: 四位
伙計甲: 四位，得! 我畀個卡位你地，你地埋嚟先，你睇，果個 卡位就得架喇，你再畀多30秒就得。 (隨即走埋佢卡位一邊收清理桌面)
客人甲: 得，立即數30秒，1,2,3,......
伙計乙: 唉，30秒係誇張左... 你畀多一分鐘佢地啦，佢地飲埋杯野就得架喇。

伙計甲: 幾多位?
客人乙: 兩位
伙計甲: 兩位，得! 埋嚟埋嚟。一睇就知佢地就嚟走啦，你地就企係哩度等先。

客人丙: 我個蛋撻仲未到呀
伙計甲: 哦，係呀，啲蛋撻賣晒，仲未出爐呀... 你再等下啦，一新鮮出爐，我地就會逐個逐個派畀你地，你地唔使緊張，我保證永不落空。