器樂事奉嘉年華

好高興可以參加哩個嘉年華，除左可以體驗教會敬拜活動，又可以欣賞到不同種類嘅器樂表演 (包組管樂，手鈴，弦樂，中樂，風琴，豎琴，管弦樂團)，我仲認識到一啲從未接觸過嘅樂器添。可謂一舉三得，真係好enjoy 同埋好滿足呀!!

今次係我第一次接觸手鈐呢種樂器。開頭我以為手鈴同三角鈴差唔多，原來唔係!! 手鈴個樣似聖誕鐘，唔同size 發出唔同音，一個scale 起碼要八個手鈴，所以要一team人演奏架。 我覺得手鈴嘅音色比較清脆，我會聯想起雀烏唱歌嘅聲音。你咪睇佢好似好簡單咁搖搖吓，原來每個人要負責好幾個手鈴，其實係好講求合作性嘅樂器。

<----因為以為唔俾影相，所以無帶相機，只能用手機影完再zoom in咋，所以啲質素好差。但不妨放大張相望望，攞個大槪印象嘛。

風琴演奏又係另一歎為觀止嘅表演 (演奏家並唔係坐定定咁彈奏，而係要手腳並用。雙手handle 三排keyboard，雙腳就顧地上o個一排keyboard 地下o個排keyboard都唔少野架喎 (見右下角小圖)，雙手彈keyboard嘅時候，真係好快，我覺得打字都打唔到咁快，何況係跟住琴譜彈呢? 風琴手速度之快，真係難以想像!! 你唸吓，上面彈得快之餘，仲要用腳彈埋地上排keyboard喎，真係勁!!! 唔講唔知，原來學風琴嘅basic requirement 要具備八級鋼琴資格或以上架 ，所以係超難架!!!

(我覺得風琴音色有電子味道，每一粒音都好重，好莊嚴咁，一聽就聯想到教堂)

豎琴嘅外型一向都好幽雅。 原來一坐豎琴有47條弦線，同埋有好幾個腳踏來調較flat或者sharp... 我覺得豎琴嘅音色好soft，好幽美，好古典，總之就好好聽啦。

另外，今次仲有機會聽吓中提琴嘅音色添，我覺得小提琴嘅音色較尖，較響亮。而中提琴嘅音色比較沉，無小提琴咁響亮，同埋無咁特出。 我還是比較喜歡小提琴呢!!!

Janet & her violin

攝影師久唔久都會問吓我影唔影相嘅，因為佢成日提議去酒店影之餘呢，又ｓｕｇｇｅｓｔ人地要著得ｓｅｘｙ啲喎，嘩！！！要咁樣，我點同你影喎．． 所以我次次話哩種唔係我嘅ｓｔｙｌｅ，次次都叫佢幫其他想咁樣影嘅人影。

再過無耐，攝影師又ｓｕｇｇｅｓｔ　同我個小提琴影相，今次當然無問題啦．．　約好日子去影相，之前又打風，又落雨．．．　好彩到影相之前一日，天氣開始好轉，但天文台嘅預測係有驟雨．．．　　有驟雨喎．．　　咁我個寶貝小提琴咪會濕水ｌｏｒ．．　唔可以架喎！！！　所以我都好擔心會落雨。　　到影相當日早上，睡夢中都聽到驟雨聲，而且都落得好大添呀．．　點知瞓醒佢就出陽光喇，真係好呀！！

嘩，唔落雨係好，不過太陽伯伯都係熱力迫人．．　　我同攝影師都一路影相，一路出汗．．　　真係熱得要命呀．．　　所以好快大家就冇乜心機影相ｌｕ．．．　加上攝影師仲有下一場要趕去影呢．．．　所以今次好快就影完相ｌｕ．．　

　

等左差唔多成個月，終於收番啲相喇... 不過今次影嘅時間短，又因為太熱冇心機影，所以我覺得OK嘅相就唔多喇... 不過都有一，兩相心水嘅，好過冇啦~

http://www.facebook.com/album.php?aid=118340&id=643747049&l=13418c80bf

　

紫色誘惑

今日意外地見到部Hello kitty 扭蛋機，好幾年前我都有"潛"過架，估唔到佢今年又出過。
所以我毫無豫疑就拎出張二十蚊去"潛"番兩個。 第一個潛出嚟嘅，無論款式同顏色都同我幾年前o果個好似架，潛完之後有唸過不如算數，好彩最後都係潛埋咋.... 第二個潛出嚟嘅個款好唔同架，仲要係紫色添，好靚呀!!!

潛完個靚靚Kitty 電話蠅，好滿足之餘，開始肚餓。唸左一陣都唔知食乜好，所以就求其去左麥當當。點知入到去買野食時，又見到有可口可樂玻璃杯換喎... 之前一早售罄，因為反應太過熱烈，所以再次推出，但係好似唔到地舖換唔同顏色。 哈!! 我今日去o果間麥當當有得換紫色呀... 所以我又換埋佢... 不過未有現貨，要九月先有得攞。 Yeah.. 之前唔知有得換，到我想換時都賣晒，今次無端端發現有得換，仲要係我鍾意嘅顏色，真係超開心!!!

上次學完小提琴，心情勁差!! 事後我去左買鞋!! 其實我都想買Open toes 嘅鞋好一陣子，只係我之前忍住唔去睇，唔去買。但當日心情唔好，失去自制嘅能力，一落堂，就入左鞋舖。 一見到心儀嘅 open toes 鞋，又要係心儀嘅顏色，仲要on sale... 所以買左佢lu... 雖然當日買完鞋並無減少我好down 嘅mood，但而家望住對鞋，覺得佢越睇越好靚，我越嚟越鍾意佢，而家見到對鞋反而會令我開心。

Yoga

最近Pure yoga 常常致電邀請我哩啲停玩左一排yoga嘅舊會員番去試新堂。好明顯又係拋磚引玉嘅推銷手法。但係貪心嘅我，見自己都好耐無做過運動，而其實自己都鍾意做yoga (只係之前嫌佢貴而唔再renew 個membership)，所以當佢邀請我上free 嘅workshop 時，我好快就應承上lu...



今日下晏上左個 hot yoga workshop，workshop 同平時上開嘅堂好唔同，除左個duration 會長啲，導師上堂前係會教書，講下理論先。雖然都有兩年多無做過yoga，今日上番，感覺仍然良好。其實我都有啲想做番yoga，不過佢地真係太貴喇... 以前我每個月俾太約七百蚊，可以在指定嘅centre任上yoga班。但係如果而家join番，每個月就要俾差唔多千一，另外仲要俾多一千蚊入會費。真係好鬼貴呀。

今次我好叻女，好堅決，無俾佢地遊說入會。我好直接話俾sales姐姐聽我係因為覺得佢地太貴而唔renew我個memebership。開頭sales姐姐都仲好有禮貌咁sales 佢地有好好嘅裝修，環境有幾舒適，設備有幾完善，又有唔同location可以揀。 但我當我一再强調，我只有一個理由唔renew，就係價錢問題。Sales 姐姐竟然變臉，反問: 「點解你會覺得佢地貴?? 你無理由會覺得我地貴喎.. 你都知我地嘅裝修，location 同老師都好多choice，你係到上yoga 其實係好抵，你嘅commitment越長，價錢會仲抵.......」 我覺得sales姐姐真係無解架，係貴就係貴架啦，我唔會因為你裝修靚，多老師, 多location而覺得你平架喎...

點都好啦，都賺左堂高溫yoga。 做完哩個yoga，出左好多汗，感覺好似健康左... 不過因為之前我係零運動量，一做就學人做高溫嘅yoga，會持別攰，啲手手腳腳同埋背脊一定會痛番一，兩日... >~<

Medications

噚晚太放縱自己情緒，任自己喊左好耐 ，今朝瞓醒，雙眼都腫晒.... 朋友V話我雙眼都腫得好明顯，有如係額頭上鑿住「我哭了」咁樣... 真係失禮...

身為我嘅朋友，counselor, 同埋psychologist，朋友V知我因為噚晚嘅事，再加上受到工作上嘅瑣碎事所困擾，表示會為我"配藥"... 我一心唸住藥方係多啲consultation time .. 點知原來除左consultation之外，仲有食得嘅藥.. 俗語話苦口良藥，但係我嘅良藥一啲都唔苦之餘，仲要係超好味。 唔到你唔信，食左自己喜歡食嘅甜品之後，心情真係好好多架 (當然要多得朋友們嘅安慰同關心啦!!!)

我而家個人鬆晒，再冇唔開心喇... 好感謝大家開解同關心。我會好好堅持架喇，但我唔會再俾太大壓力俾自己架喇!!!

Moody

今晚心情好down...

我從來都知道你付出多少不等如你可以收獲多少嘅道理，但我總以為兩者之間係屬於一個正比例。

近日都算得上係頻頻練琴，因為學左啲新scale，幾首歌仔，同埋一首study... 哩首study 拉左好幾堂喇，因為老師想鍛鍊我拉弓嘅速度，所以要我用唔同嘅弓法去拉首study.. 平日就練下scale ，歌仔同埋study，今個星期日，就專攻首study，練到手指頭又痛又痺添。 我嘅朋友擔心我push自己push 得過份，反而會減低我對violin嘅passion... 當時我仲好有信心唔發生係我身上，因為我好清楚自己有幾鍾意拉小提琴，好肯定自己唔係三分鐘熱度。

因為其中有首歌仔老師只係係上一堂臨尾拉左一次俾我聽咋，嚴格嚟講佢未教晒我架，係我靠自己練習，我都知節拍係我嘅弱項，但係我覺得我都拉得ok 似樣o架喇... 但係呢，一係老師面前拉就會緊張起嚟，平時自己練習時都係嘛嘛地，緊張親就拉得更差。

老師一句"唔係好得喎..." 今晚聽起嚟，特別難入耳.. 唸起自己學左都有十個月多，但仍然有好多不足之處... （拍子又唔啱，音準又未係次次都啱晒，按弦嘅手勢又有待改進，手掌唔夠鬆，握琴太緊，手指擺位硬係怪怪的，分弓又唔夠均勻.. ) 　我拉拉下琴喊左出嚟囉... 搞到老師一時間唔知點好...

我未致於放棄，但心灰係有一點點... 所以好down，返到屋企唸吓唸吓，啲眼淚不其言湧晒出嚟.. 忽然覺得自己缺乏力量，冇以前咁堅强添... 是我太累嗎?


**********************************************************************************************

喊左一大場，個人真係鬆左啲... 惟有再努力啲下苦功吧!!

愛. 比舞

今日同Doris 睇左場dancing performance。個peformance 叫《愛.比舞 》 (英文叫 B-Boyz & Ballerina) ，由一隊來自南韓嘅Gorilla Crew表演。

故事情節比較老土，主要描述一位醉心芭蕾舞嘅少女巧遇上霹靂小子，被他好有勁力嘅舞姿吸引。少女開始試著感受街舞，郤遇到一群有錢嘅hip hop 小子調戲，在場嘅霹靂小子們和hip hop 小子們衝突起來，漸漸變成一場場比舞.. 比舞嘅演出都幾精采，估唔到激烈嘅街頭舞竟然可以同優雅嘅芭蕾舞融合。

個performance 係中場同完場期間，隊crew都好識搞氣氛，所以觀眾們都好投入，反應都好熱烈。故事完結後，隊crew都有請觀眾上台跳舞，之後佢地又施渾身解數，再嚟一場場熱舞同高難度動作，所以個個都拍爛手掌。

其實我答應同Doris 睇哩場show時，我唔知道係街頭舞為主.. 入場見到場刊見知.. 本人最不喜歡hip hop songs，但原來睇街舞我係接受到嘅... 仲有好彩個performance 係有hip hop dance + break dance + 芭蕾舞架。除外芭蕾舞外，其他舞都好重節拍，女子們就勁扭腰，男子們好多倒頭自轉，單手倒立... 全場表演都好有氣氛，反應都幾熱烈，亦有唔少搞笑位，所以，我同Doris 都好enjoy今個performance 。

超感動嘅 House Warming

今日同Amanda 地去左Daphne 新居吃吃喝喝.... 平時見慣主人家爽朗嘅一面，又估唔到佢可以咁賢良淑德架喎....


原來佢都好重視我地今日去佢嘅新居，特登為我地下廚不特止... 不幸嘅係遇正大廈由早上會滯水，主人家為左煲羅宋湯俾我地，零晨四點就起身煲湯喇... 真係非常感動，好impressive呀!!!! 個羅宋湯充滿愛心之餘，真係好好味架!!! 除左愛心湯水，我地仲有一大兜美味嘅"鮮蝦雜果螺絲意粉沙律"... 真係好好味... 我以前唔係咁鐘意食螺絲意粉沙律，但主人家整得真係好好味.. 尤其係啲蝦，主人家有花心思去調味，真係好入味架，絕對唔係急涷蝦咁淡茂茂。 另外仲有愛心去骨雞翼，話明係愛心，又係主人家親自去骨，真係好有心思... 所以大為都食得好開心，不停飲飲食食同埋傾偈。


最後傾到十一點幾，明明話離開架喇，但落到街，主人家又想食埋糖水喎，所以，我地都係食埋糖水先走.... 冇法子啦，四個女仔，一聚埋就雞啄唔斷... 真係行到邊，傾到邊，開開心心過一天 =D

日蝕

今日係中國百年難得一遇嘅日全蝕，香港雖然只係日徧蝕，但今日我有幸今見到日徧蝕嘅過程。

因為逄星期三晚上都要學小提琴，早上為免帶住個琴同人逼地鐵，我都會比平時早四十五分鐘出門搭巴士。今日都唔例外，所以八點右左就返到公司lu.... 返到公司無耐，老細就開始行到我身隔離個窗口望望，話想睇下日蝕... 佢話見到，我開頭都唔信，又跟住佢睇埋一份。不過當時好多雲飄過... 但又好彩有雲幫我地過濾啲陽光，我地可以直接目睹日徧蝕嘅開始.. 之後所有雲都走晒，我地嘗試直望個太陽，但係日光真係太刺眼喇，我地無法再觀嘗日蝕。

過左一陣，多得律師同事，佢地個floor有同事有專睇日蝕嘅濾光膠片，佢有事要搵我老細傾，所以帶埋張膠片上嚟益我地.. 我department 輪住嚟睇，真係好清楚架!! 真係好新閒報導嘅一樣架!! 我隔離個窗口就變左一個境點，其他department 嘅同事都紛紛排隊觀看嘅個天文現象。 我等大家睇完，我都有再睇多兩次... 我見到個月亮點郁架!! 今次親眼睇到日蝕，真係好興奮呀!!!


***********************************************************************************************
以下相片係朋友V嘅朋友特登去杭州影到嘅日全蝕... 好靚之餘，真係好"堅"呀!!!

好味~

細細個，圓碌碌，見到就好想食... 個芝士蛋糕係爸爸，媽咪噚晚買番屋企俾我今日做早餐架... 噚晚見到，我就巳經想食喇...

今朝一開，嘩... 真係好正呀，質地好鬆軟，個芝士味唔係好濃，真係好好味!!!!! 雖然佢好似好細個，但係都好夠食架喇... 因為我都係眼闊肚窄，食剩1/4... =p 但係今朝食完佢，真係有好滿足嘅感覺架!!

一個人

今日又瞓到好晏先起身... 噚晚明明打緊風，今日到我起身嘅時候，巳經乜野風球都無晒lu.... 食完晏就開始練琴，練完琴都巳經六點鐘，見今晚屋企冇人，冇飯食，咪出吓街攞... 去到黃埔嘅時候大約七點鐘，個天都仲係光架，行左一陣吉之島，食埋麥當當，行番去車站都巳經八點半lu... 啱啱走左班車，等下巴土，跟住巴土兜下紅碪，再兜下土瓜灣....，兜成個鐘終於返到屋企.....就係咁無無聊聊自己過左星期日lu...

Tott's

個頭盤係一口荷葉飯，我地再叫左個三文魚當snack.. 主菜叫左龍蝦同羊架，最後叫埋個朱古力cake做甜品....全部都好味道，加上環境好，真係好滿足呀... 最開心嘅係知道朋友嘅一個好消息，非常之戳佢開心呀!!!

不過我今次都係蠢左，有同啲食物影相，但我竟然冇為身外嘅景色影相添... 難得今晚個境好清 (雖然之後掛八號風球.... 講開都算好彩，食完飯一返到屋企，先開始掛八號風球)

*************************************************************************************

間餐廳叫 TTOT'S，我仲以為佢係Top of the Town... 原來係Talk of the Town =P

White Cherry

唔講我真係唔知道有白車厘子... 真係要多謝朋友V share 左哩啲白車厘子俾我帶返屋企。 可以一嘗White cherries，一番到屋企就同家人一人一粒試食，覺得佢比平時紅色o果啲車厘子淡，但係佢地勝在超爽脆。

等到大家食過晚飯，嘆夠電視，我地再一齊食啲車厘子。呀，今次食落又唔係咁淡味喎，食落覺得佢都好甜o架喎.. 又多汁，又爽脆，真係好好食架.. 真係要多謝朋友V share 咁正嘅水果俾我試...

雖然個名就叫White cherry，個並唔係白雪雪，佢係黃黃地，帶少少紅色，好似糖果咁.... 好可惜，由於我太心急試食，食晒先醒起冇同佢地影相添.... =

P.S.
我仲以為佢地係來自日本添，原來佢地係來自美國架... 今日朋友V都有叫秘書姐姐試吓哩佢地，所以我借左兩粒嚟影相。不過哩兩粒都係紅色佔多數，其實有啲車厘子係黃色佔多數架，好特別架!!!

***********************************************************************************************

今日代朋友V將車厘子交俾積奇蓮，見佢啲車厘子淺色嘅多，似"白"車厘子啲，所以又借左嚟影相... 嘻嘻...

痛到痺

今日返工唔小心被大櫃筒夾親手指，好痛... 今次夾得好應，左手除左大拇指，其他四隻手指無一幸免... 真係痛到痺一陣。 但我估唔到，我痛之餘，個腦只係擔心拉唔到小提琴喎... 之後唸番起，先發覺原來自己真係咁鍾意拉小提琴。

南丫島半日遊

之前公司Staff club 出左memo搞哩個暢遊南丫島索罟灣+食海鮮團，見好似好好玩咁，咪Send emails 問Amanda有冇興趣，同埋叫佢問埋阿Wing同Daphne.. 佢地個個都話有興趣，所以就報左名，又好好彩被抽中，好開心咁話晒俾佢地聽有得去啦... 點知臨Weekend嚟打風，一度擔心因為天氣惡劣而被取消行程... 雖然搞手話有八成機會去得成，但係都擔心落大雨嘛...

但係今早一起床竟然係好好天喎，真係意料之外.. 心情大靚啦之餘，我心唸I'm blessed... 由我出門口，到集合我嘅朋友，上船去到索罟灣，個天氣都係好好，雖然未至於陽光普照，多雲得嚟有風，反而好舒服。

我地首先去到"漁民文化村"，主辨單位叫大家自動分成三組作小組參觀。每大約三十人跟一個漁村負責人參觀。我地首先認識下雞泡魚，海胆，海星，魔鬼魚等動物

之後再睇其他海魚，途中忽然落起大雨，不過我地跑雨步就到有Shelter嘅地方避雨兼休息。雨落得大，嚟得快，亦停得快。雨一停，漁村負責人又帶大家到其他地方參觀。我地參觀同了解左一啲關於漁泯捕魚嘅工具同方法，之後我地又參觀過水上人居住嘅漁船，最後仲有機會試吓「無鈎釣魚」方法。不過啲魚太大條喇，我地無人夠力釣上嚟

了解完南丫島漁民嘅文化之後，我地再搭船去食我地豐富嘅海鮮午餐。今個lunch 真係好豐富o架，有白灼蝦，上湯焗龍蝦，清蒸鮑魚，粉絲蒸元貝，大海班，椒鹽焗鮮魷，水煮蜆，咕嚕肉，清炒時菜，炒飯，干燒伊麵，同埋水果盤。全部都好冶味，個個都食到好滿足。

其實我地食lunch 時又落好大雨，但又係係我地食完晒就停雨喇。我又再想起上次去滘西洲一樣咁天公造美.. 上次都係睇完同事打波，出番去西頁碼頭先落雨。 今次雖然中間活動時都有落雨，但係大家都可係有瓦遮頭嘅地方避雨，同埋參觀，都算係唔錯喇。 我深深覺得 I'm blessed =)

其他相放左嘅以下嘅link:

http://www.facebook.com/album.php?aid=105072&id=643747049&l=09c42640b4

是次活動完畢之後，我地再入東涌，去Amanda 屋企參觀同埋傾偈。傾到晚飯時間到都仲未完，不過我同佢地住得太遠，所以都唔可以太夜走，所以未傾完都要去食晚飯先。 是次晚飯都好豐富呀，而且都好好味添呀.. 今日可算係盡興而歸!!!

超開心...

終於約到老師陪我去買手工琴喇... 老師明明同我講話因為佢之後要教琴，所以只能帶我上舖頭後逗留一陣，佢就會走，等佢師兄招呼我....

我心唸得我自己一個，我唔識揀o架播... 所以都係叫埋Doris陪我去揀囉。點知去到老師話佢師兄有事走左，所以佢都係陪我揀埋琴先走。 實在太好喇，有老師幫我試琴，一定有保証嘛。

店員問完老師個budget之後，最初只係拎左兩部琴俾我地試。老師一開始就試左呢部琴，一拉就巳經話佢好好，我覺得啲高音比我本身部機械琴尖，係尖得嚟好聽。 老師再試第二部，我覺得第二部啲聲響啲，不過就硬啲。跟住老師再拉番第一部琴，好明顯啲聲係悅耳啲，圓滑啲，比第二部琴柔軟，冇咁生硬，所以巳經知道揀邊個。 其間店員消失左好一陣子，仲以為佢稍作回避啦.. 原來佢去幫我地搵多一部琴俾我地試。 不過呢部琴係新砌好，啲聲唔係好開，明顯比之前兩部遜色。 我自己三部琴都有試吓，店員都覺得我拉第一部琴拉得順啲。 問番價錢，都有啲over budget... 我初初預三，四千咋，而家要成五千幾呀... 不過老師同Doris 都係係值得嘅，難得我又揀得到鍾意嘅琴，所以都唔駛點考慮。 不過之前都有唸過買埋個好啲嘅case，但係原來一個好少少嘅case又要差不多三千蚊，咁而家個琴over 左budget，所以最後只係買左部琴，個case要遲啲先再算喇。

一番到屋企立即show部琴俾媽咪睇，又試拉"一閃一閃小星星"，姪仔聽到好開心呀，對睇發晒光嘅望住我拉... 見到佢個得意樣，真係份外開心。

Senior G 嘅大日子

可以同好耐冇見嘅舊同事一敍，真係好開心...
惟一美中不足嘅係.. 個攝影師好對賓客好差囉... 一去到走近新郎哥，佢就問:「你地入過鏡頭未?未入過就可以去影相」 (記住，係未入過鏡先可以影相!!!)

開頭緊係唔齊人架啦，各自同新人影完相，終於等齊一班舊同事 (因為人太多，大家被分派到3個table坐)，想影group photo時，我地去左其中一圍到影啦，影完第二圍嘅舊同事又話要一齊影多張，咪shift去第二圍到啦，點知嘅攝影師大大聲問我地:「你地係咪坐呢臺o架? 唔係就借過...」
到中場一對新人再走到我地o果圍影合照，阿攝影師見到我地坐係度: 「又係你地呀?」 (佢都真係冇解嘅，點解唔可以同自己嘅朋友影相o架? 有乜理由限人只可以影一張相架? 一班人影左四張相都唔係好過份啫... 真係唔明佢做乜咁多限制，破壞晒好地地嘅氣氛。

算啦，最重要嘅係Senior G 終於成家立室喇，祝佢同太太永遠都咁甜蜜，咁開心啦。呀，我覺得份小禮物好靚呀!!

得啖笑

今晚上堂，老師竟然話:「我要保護你呀!!」

因為之前老師提及附近有人扔腐蝕性液體，問我嚟上堂時係咪好擔心，所以一心以為老師想教我行邊條路可以安全啲，可以避過人地嘅高空擲物啦。點知唔係喎... 原來老師嘅意思係..要係佢教會Band友面前保護我。事緣係佢地常常係我背後提及我。有的係我上堂前問老師:「你個靚女學生今有上唔上堂?」有的就等我落堂後問老師:「我今日淨係見到佢個背影咋」，「我見到佢側面」等....


今日落堂出門口時，我都行得幾遠架喇，但都聽到佢地同我老師講笑: 「唉哎，我又見唔到佢呀.... 你落堂同我講聲嘛... 快啲叫你住學生啦，我好想吓佢咩樣呀...」 佢地講得好大聲，好好笑，令我好有返番去中學時代嘅感覺。

大懵

今日放工時落雨，一心以為自己有帶雨傘啦... 出到地鐵站口先發現冇帶到，因為噚日出街將把雨放左係第二個袋到.... 惟有急步行去小巴站啦。 但係條路實在太多人，開住雨傘的又唔讓路，又行得慢，所以濕都在所難免，惟一慶幸嘅係唔駛等小巴，可以立即上車!!!

P.S.
都唔知點解啲人要咁衰，係要係人來人往嘅地方扔腐蝕性液體嘅，嚴重地影響他人架喎，真係好冇公德心架... 媽咪叫我少啲去旺角喎，但係我要係嗰到學琴架喎，仲要係好近之前幾次意外嘅地方添噃... 其實自己都有啲擔心架!!!

決堤

近期嘅購買慾非常強，有好多野想買，樣樣都唔平

我想買部小提琴，想出Iphone，想買過部DC。 早前按奈左好一陣子，同自己講要慳錢，淨係買小提琴就算。 但係呢，二哥出Iphone，又推介我出喎，所以我又進入心思思期。至於我部DC，每每在室內拍照都影得好差嘅質數，實在唔係好接受到，所以我又好想買過一部.... 睇嚟今次排洪，事在必行

當我draft緊呢個blog時，朋友P話得閒陪我去睇DC，所以我呢個blog都未寫完，就出左街睇DC... 最後，經朋友P嘅陪同及推介之下，我都係買左部Panasonic FX580 lu... 買完返屋企check 下嘅用家comments，都唔錯喎...
http://www.dcfever.com/cameras/readreviews.php?id=1082

P.S.
唉，我地去左幾間連所店睇DC，但而家嘅Sales 唔係好掂咁，淨係問你想睇邊部，然後拎部機放係檯面就算數，唔係介紹下嘅function。好以豐澤個sales咁，問佢兩部機又乜唔同，佢竟然答我:「一部係panasonic，一部係canon」 真係唔該晒... 明明係我叫你扲部panasonic fx580同canon ixus 110 比我睇，我梗係知道兩部係唔同品牌啦... 惟有再問佢地function 有咩唔同呀? 佢就話:「一部係1000 pixel，一部係12oo pixel...」跟住問佢部Canon Powershot IS200，佢就話係得一個棕黑色，但我話上網明明見到有紫紅色，佢一口咬定係我部pc 嘅色差喎.... 見佢都唔係好helpful，最後問埋價錢就走lu...

再去中原啦，企左係DC counter 前面好一陣子先有人問我地想睇乜機，同樣地問佢攞部Pansonic FX580，佢又係拎部機放係檯面就算數，一啲都冇介紹過部機... 問佢有乜function，佢話:「有唔同場景，有手動模式」雖然短，都算啦，碼等我知道原來部機有手動模式。都係問埋價錢就走lu..

跟住去埋百老滙，sales 哥哥叫阿輝，十分professional，我地睇左好幾部機，佢每部機都有brief 下佢地嘅selling points，又示範不同模式俾我地睇，又有解釋同示範25mm 同28mm 廣角鏡嘅分別。最幫到手嘅係當我問Canon Powershot IS200 係咪得個棕黑色時，佢好叻咁答我: 「香港係得呢一個色，但係你上網可能見到有個紫紫紅紅嘅，不過係外國先有，而家香港仲未有。」 嘩! 真係好buy 佢嘅，完全解答到我地嘅問題，所以雖然中原係平啲，但我都係幫百老滙買。

釣墨魚 (有相喇~)

我今次好叻呀... 我釣到七條墨魚呀 (不過第一條係有船家嘅幫手嘅)，但就算唔計嗰條，我自己都釣到六條墨魚呀!!!　好開心呀!!! 對上一次釣墨魚，我嘅收獲係兩條墨魚加兩條雞泡魚。今次好好彩，全部都係墨魚。


不過今次去海釣墨魚，仲以為係舊同事偏心，淨係搵PWC 嘅manager 玩，唔叫我地AA 嘅人玩.... (因為呢，我都係因為Penny被邀請，所以先叫埋我同Fian去咋，都幾short notice o架)。大家淨係知道自己圍內個三，四個friend 會去，但就唔知其他係乜人，大家一心唸住去到會見到一嘅唔識但面熟嘅lower grade 舊同事啦，點知唔係喎... 全部都未見過架... 因為佢地全部都係friends of friends...

唉，不過唔識唔緊要，上到船，出到海就各自各小組一堆釣墨魚.... 雖然同佢地好疏離，但有Penny，Fian，Clement 一齊玩都好好喎... 最開心嘅係，大家都有收獲嘛!!!

日本手信

三年前去東京買左哩個牌子嘅雨傘，我鍾意佢夠細把，又輕身，好方便攜帶。最重要係，佢只係300日元咋。 可惜當年我唔識多買幾把作手信。

去年同柏柏去東京旅行時，巳經好多地方都有得買哩種雨傘，不過大部份都要700 至1500 日元喇!! 當時我又覺得唔抵買而冇買到。

哈，今次Senior G 又去日本旅行，問我有冇野要佢幫我買，開頭我話冇o架，不過突然唸起我把雨傘都用左三年，都殘殘地喇，咪叫Senior G 幫我睇下仲有冇得買囉。


P.S.
今日上完seminar時，Senior G 話佢為佢帶呢個手信比我，弄髒了佢個袋 (因為個紅色蝴蝶結良脫色)。真係唔好意思喇.... =p

Consolations

A bend in the road is not the end of the road, unless you fail to make the turn.

Dream what you want to dream;
because you have only one life and one chance to do all the things you want to do.

May you have enough happiness to make you sweet,
enough trials to make you strong, enough sorrow to keep you human, enough hope to make you happy.

Always put yourself in others's shoes.
If you feel that it hurts you, it probably hurts the other person too.

The happiest of people don't necessarily have the best of everything;
they just make the most of everything that comes along their way.

Happiness lies for those who cry, those who hurt,
those who have searched, and those who tried,
for only they can appreciate teh importance of people who have touched their lives.

Love begins with a smile, grows with a kiss and ends with a tear.
The brightest future will always be based on a forgotten past,
you can't go on well in life until you let go of your past failures and heartaches.

When you were born, you were crying and everyone around you was smiling.
Live your life so that when you die, you're the one who is smiling and everyone around you is crying.