新歌仔

臨出發之前，趕工錄左佢先...  今次首歌仔都幾輕快，老師都幾滿意咁..  不過因為趕住錄，又有啲緊張，今次拉得唔係好好，有少少甩漏嘅...  音聲依然有待改進，但老師都覺得我拉得唔錯架 (以我有限嘅資質...) 

我知道我會好掛住我個小提琴架...  返嚟我會拉番夠本..  因為我將會miss左兩次練習，所以要追番樂團嘅進度添...  >~<

  

小手作

嗚嗚嗚...  行完山返到屋企發現陪伴左我四年嘅生日Kitty唔見左呀!!!   唔知係邊度整唔見左佢呀...    

今日俾我見到哩隻羊仔平平地，就買佢番屋企，做下手作仔啦...  不過要自己畫過紙樣，畫完再慢慢剪，剪完再密密縫，真係過足手癮...   唉... 唔見左隻kitty，唯有整番隻小綿羊補數啦...