還是放棄了...

買nokia 5800 嘅念頭...

早兩三日真係好想好想買o架，不過而家冇咁想lu... 一嚟因為係介紹我買嘅Senior G 又改口風，叫我唔好買住，二嚟係我自己上綱睇多左其他用家嘅comments，發現部機嘅缺點唔少，所以都係放棄換機住喇，都係用番sony ericsson，每晚乖乖地充電吧...

有相睇喇~

今次美國之旅令我有好多意外嘅體驗... 一向井底之蛙嘅我，滿心以為美國貴為大國，乜野都會好先進... 但係過到去，發覺佢地並唔係想像中咁好，覺得好多野香港仲好佢好多...


係佢地所謂"國際"機場辦完入境手續，沿指示走出機場竟然就係大馬路，一間店舖都冇..... 酒店又冇安排shuttle 接送，惟有等自費嘅shuttle 啦，但係呢，又要等成個鐘先有車... 個shuttle 要成20美元一位，我覺得好貴囉。 去到酒店都零晨十二點幾，酒店所有嘅都關門大吉，連room service都冇呀.... 又冇食物機或水機喎，幾咁可憐...

佢地地方咁大，但竟然convenience store 並唔係好common，特登搵都未必搵到... 反而見得最多嘅係burger 舖或者starbucks，行兩三步就見到，但係好早就off o架。啲酒店好舊，冇乜facilities又唔包早餐，都要收過千蚊一晚，仲要乜都要俾tax 同係小費.. 點都好，都叫做去國美國同墨西哥見識見識過吧。

不過今次美國之旅倒有意外嘅得著....就係買到一個我係香港想買但又買唔到嘅頸鍊... 事緣係我某次剪髮時係雜誌見到呢條香薰頸鍊，巳經好想買，但去左好幾間專門店都唔見有得買，點知竟然去到美國見到佢喎，所以立即買左佢..

LA 之旅:
http://www.facebook.com/album.php?aid=92588&id=643747049&l=46fb7c2209

Las Vegas 之旅:
http://www.facebook.com/album.php?aid=92669&id=643747049&l=4ae2b3ca81

Mexico 之旅:
http://www.facebook.com/album.php?aid=92671&id=643747049&l=0542493b76

一張櫈的介紹

對於一張櫈，朋友V好快就舉出多樣化嘅聯想，一個好簡單嘅物件，都可以引出好多不同嘅介紹.. 內容大致包括..

1. 不同部份所用嘅物料
2. 顏色 (跟四周物品是否協調)
3. 外觀 (有轆，有扶手)
4. 設計 (有椅背，扶手柄嘅形狀)
5. 舒適度
6. 使用者
7. 用嘅時間
8. 擺放嘅地方
9. ...... 朋友V舉例左太多喇，未能盡錄

係介紹中途，令我唸番起考A-Level 中國語文科嘅Oral 口試... 其實當年我考試當日狀態大勇，都可以講出不同方向嘅Points ，小組討論時，又有好多發揮，又份lead 個discussion，所以Oral 攞A架... 但唔知點解，現實生活嘅我又唔見我可以唸到好多話題同人講，總係俾人好靜 ，同埋好悶嘅感覺....

心思思....

想換機...

噚晚同Senior G 食飯，Senior G 又介紹我佢部新手機 (Nokia 5800)，今次我都心郁郁，好想換機添...

而家我用緊Sony Ericsson，貪佢靚，米白色，細細部又夠薄身嘛。不過呢，佢舊電池真係唔係好得，我冇乜來電或打出，舊電都係用到一日咋，日日都要充電，好唔方便。

我本人其實鍾意HTC Diamond 好耐，不過comment 一般，價錢又唔平，所以死左心，再冇打算出Diamond 機。 眼見哩部Nokia 機，雖然係厚身啲，但係佢一啲都唔重手喎... 個 config 又類似iphone 同 Diamond，水貨價錢都ok 嘅，兩千零蚊，所以我都心動，有啲想買左佢... 但係呢... 今個月我去旅行巳經用左好多錢喇，返嚟香港後，我又買左個新銀包... 個購買慾成日都咁强真係唔係好得呀!!!

Home sweet Home

兩星期美國，墨西哥之旅完咗喇，終於返到香港，終於返到屋企喇.... 返到屋企嘅感覺真係好好... 好好... 一嚟天氣唔再乾燥，二嚟有齊我要嘅日用品同藥膏..... 仲有我嘅家人，仲有好抵打嘅姪仔... 一返到屋企我就忍唔住要做抽水姑姐，成日錫錫佢個面豬仔 >3<

雖然今個trip 唔係想像中咁好玩，但都有啲唔捨得個假期，因為放完假，代表要返工... 其實我都幾鍾意返工，不過呢，放完兩個星期假，一返到公司就有兩大疊野放係我檯頭。 一開個Lotus Notes，好耐冇見過嘅紅海又出現喇... scroll 極都未完，清極都仲有... 真係用左一日嘅時間去清嗰幾百封emails。

Daily work 要做唔再講，又要catch up 番之前嘅work 同reports... 嗰兩大疊野，我都仲未有時間去睇.. 三月嘅monthly/ quarter reports 我都未做，但四月又快要完，又有monthly 野要做.. 一唸起有咁多outstanding野要交，個心就想快啲趕起佢地啦。但係開一個task，開得個小小頭，又有第二，第三個ad hoc task 交俾我。 今個月開始仲要睇埋Singapore 嘅staff dealing，不過好彩Singapore 唔係好多staff，workload 應該唔大。

雖然返左香港差唔多一個星期，但我呢仲好以去緊旅行咁，日日六點鐘就會醒，仲晚晚發夢係mexico，所有野都係用peso 標價，所以要計吓啲野係等如幾多美金... 真係奇奇怪怪的....

funny quote for share

I just note a funny quote from a friend's MSN..
"@HK - common sense is not common"

it is funny and quite true, agree?

臨急臨忙

保險agent星期五先出得切份旅遊保單俾我，好彩佢問一問我買左乜乜美國海關鎖未... 返到屋企先發現我個篋係舊model，個built-in 密碼鎖未係TSA approved... 真係有啲頭痛，個篋冇拉鍊，唔可以就咁買個 TSA Lock 鎖住佢... Amanda 成日返美國，佢話US customer 真係個爆開你個鎖喎，佢就suggest 我一係搏一搏，一係就唔好鎖個篋喎。

唔鎖個篋點得o架? 好唔secured啫... 但係要鎖個篋，又要take個risk，會俾美國海闗爆開個篋喎。 今日同屋企人去開街，經過買篋嘅地方，就臨急臨忙買左佢。一心唸住可以鎖實個篋，返到屋企發現佢唔係想像中咁secure.. 不過總好過鎖都唔鎖啦。

滿足

由於我今年嘅生日會離開香港，家人及好友都巳經開始為我慶祝生日。 今日仲收到朋友V 嘅email 預祝生日，真係好開心!! 雖然近排工作有少少問題，唔係咁順利，但係一唸到我身邊嘅朋友為我嘅祝福，頓時覺得好溫馨，同埋好滿足 =)