Photofunia

見到人地Facebook 嘅profile 相係vogue 嘅封面。經朋友send 條link，我都唔蝕底整番張相....

俾我見到哩張newpaper喎... 你地話驟眼睇係咪好似上報紙先? 真係滿足到我嘅虛榮心呀.... hehee.. 大家有興趣可以去玩玩。

http://www.photofunia.com/

Visa Approved!!!

Yeah, 今日搞好左個美國簽証喇... 不過今日我大頭蝦，出左門，返到公司留下先發現自己唔記得帶個Passport呀.... 真係弊!!!

我個interview約左10點咁嘛... 但當我醒起我唔記得帶passport時，巳經係快要9點喇.... 我唯有打返公司請假，再飛快返屋企... 返到屋企都9點半喇.... 見到的士，即刻問問司機半個鐘去唔去到花園道... 司機話盡量啦.. 我就用9秒9時間上樓攞passport，再落樓下上的士。

多謝司機大老，10點04 分將我送到美國領事館。好彩仲有好多人排緊隊交form，我仲趕得切可以排隊。左等右等，做完interview，approve左我個visa，都差唔多12點... 不過可能早上真係太趕喇，雖然lunch hour巳到，但係我真係冇胃口囉。但點都好，總叫做搞好個visa 先，下一步就係book 機票，plan 行程，同埋book hotel..

我都想係真...

哈哈.. 竟然前前後後有三個人話我哩張相似李嘉欣!!! 唔好"乙水" 我開心喇... 李嘉欣係大美人喎，我都想似佢... 好可惜個事實係我一啲都唔似佢囉...

VISA

R 終於confirm 左去公司個Gold Trip，可以免費去Mexico.. 因為要係美國轉機，就決定去埋美國玩番吓... 所以要出番個US Visa先得。

哩幾日正在努力準備當中，上綱check check details，問HR出信呀，影証件相呀，去銀行交錢呀，填form..... 不過淨係填佢份online application form 都搞左我好左，又要人地upload 証件相，人地只係去左相舖影左hard copy，冇soft copy喎，點算好呢??? 唔upload 相，佢又唔俾你去下一頁... 惟有用相機對住張hard copy 影囉.. upload完，佢又話我張相唔合規格，要我再補交，不過好在佢今次俾我去下一頁submit 我個online application form。

交左form，又去埋銀行交錢，而家等埋HR出封Visa 信，一有信我就可以去領事館約時間做interview，真係希望可以順順利利，快快脆脆出到個簽証啦..

搞完簽証，就可以去book 飛票同plan 行程... 雖然搞visa有啲煩，但係我好開心.. 因為之前未知有呢個trip，我都巳經預左係復活節放consecutive leaves。原本仲惆悵緊放block leave 做乜好，而家有得出trip，仲要係good fit good fit。 個心情真係嘅興奮又緊張，我咁大個女都未試過衝出亞洲，今次終於有望喇~

牛牛公仔

往年人人都會收到公司座檯月曆，同埋生肖毛公仔。 今年經濟唔好，公司嘅cost cut 得就cut... 大家仲好啖定咁以為點都會有座檯月曆，點知等到12月31號都無人派。

08年每人都派左隻生肖公仔，秘書話往年只係派畀有開公司基金戶口嘅人，但係今年就咩人都冇派，真係唔掂。有同事隱唔住去問點解今年有戶口都冇公仔收，原來今年要填張問卷先可以有公仔... hehe，我都即刻跟埋同事去填問卷，先至有哩隻公仔咋。