Yeah~ Over 100

今日同朋友R班friends一齊睇「葉問」，套戲大綱就一般，主要係講吓詠春有幾勁呀，講吓中國人點樣不屈不朽... 不過全套戲都唔算悶，間中都會有笑位，其他時間都甄子丹嘅show time。

哈!無唸過大家睇完戲會去碌齡喎。無啦啦有得碌齡喎，梗係開心啦。最開心嘅係我終於可以over 100 分呀!! 116分對於我嚟講巳經好好，好好，好好呀!!!!! 嘩，我真係好開心呀!!!

聖誕禮物

今日收到積奇蓮送俾我嘅聖誕禮物，係Hello Kitty 迷你音樂盒，好靚呀，首歌係 "La Vie En Rose" 幾好聽架，我好鍾意呀，積奇蓮多謝晒你呀!!

Mobile壞左!!!!!

唉... 我用緊個mobile無啦啦壞左呀!!! 其實我都仲好滿意佢個performance 架，都仲未有意慾換新mobile...

唔知係咪因為平時我少熄機，噚晚學人熄機就出事喇... 部機竟然熄完之後開唔番!!! 其實之前都試過熄完機要press 幾次個power掣先開得番，不過見佢始終都開到機，所以就無埋佢... 今次就無咁好彩lu，press 左幾十次都係無反應。

開唔到機，本來唸住拎去維修ge，但維修部係今日唔開，要等多一日先知有無得整。心急嘅我唸起哩個model我都曾經想買過.. 所以就同自己搵咗個藉口，同自己講話如果今日行街見到哩個model就買新機，見唔到就等多一日去維修啦... 個口話就係咁話，但實則呢，搵唔到哩個舊model又有點失落喎.. 所以我都行左好多間舖頭，由街頭行到街尾。正當我打算收手之際，行到街尾last一間電器舖，又真係俾我見到哩個舊model喎，所以我唸左一陣就買左佢喇~

雖然係買左新電話，佢都算係我鍾意嘅... 不過無啦啦要破財，同埋以前我有好多contact 都係save 係個mobile，而唔係save 係張SIM card 度架，今次部機咁壞法，搞到我唔見左好多contact no.. 所以都唔係咁開心呀!

Shopping again~

哩頭又話經濟不景，要慳啲洗，但果頭又去學人買野喇....

自從有左個放耳環哩個新擺設之後，我就心思思想填滿佢... 加上我個小提琴又斷左線，買番條線後，我又唔識換，所以我就用心情不佳為藉口，放縱左自己一次，一個人走左去行街，睇衫，睇鞋，睇飾物... 雖然我好罕有咁無買衫，但我一買就買左三對耳環喇，我真係唔信自己唔係購物狂囉。

Cookies

公司成日都邀請同事做善事... 久唔久就有同事走去你張檯叫你捐錢呀，買奬券呀，義賣公仔呀等等等等... 剛剛個星期五，公司就為青年協會義賣Cookies，最低消費為$30..

新頸巾

哩條頸巾，其實我巳經睇中左一排架喇，今日終於到手喇，真係好喇...

佢除左粉紅色，仲有紫色架，兩隻色我都最意。但我最初最初係睇中紫色先架，不過試上身之後，就鍾意粉紅色多啲。

適逄天氣轉涼，一定大派用場呀!!!

The Niagara Chandelier...

今晚係海港城見到架哩個咁靚嘅吊燈... 由好多隻蝴蝶組成，好大盞架... 但係佢都好貴呀... 大size要HKD 874,220，細size 都要HKD 437,110。 真係貴到飛起，係有錢人嘅玩意...


有興趣可以放大第二張相嚟睇佢嘅description...

進度一般....

係所有進度都只係一般，頓時覺得自己好沒用...

1. 碌齡
碌嚟碌去都係徘徊係大約65 至80分左右，話就話係因為我小去碌，同埋之前冇碌開啫，其實我有記住Senior G嘅提示，但係呢，就硬係做唔到... 對上幾次都碌成咁，唔知有冇機會衝破100大關呢?

2. 打高球
學多左兩個月，我覺得我嘅進度同一年前相比，並唔係有好大嘅分別。係進步係一定有，但我expect學左都有一段時間啦，應該可以打好少少，至少唔係仲係到學緊發球囉... 而家發球係尚可以，但係打極都唔夠高，唔夠遠囉... 之前都仲係雄心壯志咁想覺得可以學好啲，但係而家我開始懷疑自己能力唔得添..

3. 小提琴
都學左四個月喇，仍然係有好大問題... 拉弓唔平均，轉線唔夠清晰，三，四手指嘅音準有偏差.... 最重要嘅係我唔熟樂理，同埋缺乏節奏感.. 你知啦，樂譜梗係有唔同節拍架啦，唔知點解，要拉半拍時，我又會拉左一拍出嚟，要拉拍半，我又會拉左兩拍出嚟，拉六拍呢，我又分弓唔均，搞到拉唔足六拍喎... 都真係好難搞。 不過慶幸嘅係，雖然拉得唔好，但我都仲好有興趣去學....

樣樣野都進度唔理想添，我可以點算呢???

心情沉重

哩排真係無乜心機去update個blog，事關受到經濟不景氣嘅影响，公司都要震一震，所以公司氣氛唔係太好，大家都好擔心，眼見某某同事嘅離開，心情又沉一沉。雖然公司一早都係town hall 同大家講過今年個market 唔係太好，但係真係無唸過會差成咁囉。

先係cancel左個annual dinner，然後就傳裁員，跟住就係有同事走... 加上呢排check野又有少少阻滯，頻頻發生問題... 係咁緊張嘅時候出嘅咁嘅事，真係唔係幾安落... 雖然知道暫時都仲係安全，但真係每當知道有同事要走，無論同哩個同事熟唔熟，都會唔幾開心囉，希望可以快啲地震完啦!

最討厭嘅係有個朋友B，好日都唔會同人msn，早幾日見人online，佢竟然乜都唔講，一嚟就問人仲有無工開喎... 真係俾佢激死呀，係咁嘅時勢咁樣問人，好以撩交打咁!!

Janice - 新CD

等咗好耐，衛蘭終於出新碟喇~~ 自從有mp3 download之後，我都絕少掏銀包買碟lu。不過我覺得Janice 唱歌好好聽，而cd相又影得佢好靚，好純，所以我都係決定買佢返屋企。

隻新cd 都冇叫我失望，大部份嘅歌都好聽(我個人認為)!