我做佐姑姐喇~~

我個姪仔係大口仔嚟架.. 出世都巳經成個禮拜喇.. 最鍾意係瞓覺同埋伸舌頭，一日有廿多個鍾頭做睡寶寶...

對於姑姐嘅任何打騷擾 ("R"腳板，撩面豬仔，掃心口)都置之不理，只會一味瞓，一味瞓，連食奶奶都係係沉睡之中進行架，真係好勁!!! 大口BB，你係咪真係咁眼瞓先???

絕招

近日check bloogberg 機時，mailing 同事E常常都會企係我隔離撩我講野... 其實我對股價真係唔在行同埋無興趣，不過佢鍾意講，咪由得佢講下囉... 但我有一日係佢到學到一招絕招 (不過同股市無關架)。

有日，佢如常企我隔離同我講野，不過佢一開口，佢個 mobile 就響... 無幾耐就聽到佢回答:
E:「哦! 好呀，我而家攞緊綜援，你睇下可以借到幾多畀我吖?」

當然，那邊廂好快就收佢線啦...

J: 「嘩! 哩招好得喎... 等我都試吓先!!!」
E: 「你細路女，唔可以咁架，你又唔係我咁巳經一把年紀...」
E: 「不過，每次我咁講完，佢地都會話:『等我同上頭滙報先』同埋立即cut線」

你地話吖，佢哩招係咪好絕，好值得一學喎!!!!

Facebook

哩排學人addicted to facebook，真係每晚返到屋企都要上一上去先安落。開頭玩facebook，係因為有舊同事Dwan invite，跟住朋友Doris推界，話入面有好多funny applications 玩，幾得意。

一心以為佢同Friendster 差唔多嘅我，registered facebook 之後，朋友Doris亦立即send 左幾個applications 畀我玩，玩落又覺得佢advance 過 Friendster 好多，又funny好多... 最重要係佢多啲users..

先先都係add 左幾個水記舊同事，後來唸住碰下運氣search 下啲失去contact 好耐嘅中學同學，又真係畀我搵到佢地喎... 其中有個中學同學J ，當時都算係老死，佢後來移左民，大家都有寄信聯絡嘅。不過隨著email 普及化，大家轉用email 同埋icq... 不過久而久之，大家contact 嘅 freqency 越來越少... 跟住連icq 同email 都唔work (no reply from icq nor email delivery error) 今次我係 Facebook contact 到佢，真係非常高興。

仲有... 我學人係facebook 養寵物，試過學人bet，一次過輸晒啲mummy... 好慘呀!! 搞到我要周圍pet 人地嘅寵物去earn mummy.... =p

好瞓得

噚日終於頂唔住，lunch 之前去左睇西醫，醫生話我都係過濾性傷風。lunch 之後食過藥，個人就開始"耦耦地"同埋好眼瞓，做緊野都好想瞓，睇乜都唔入腦，眼皮越來越重，精神就不自主，開始陷入釣魚狀態.. 我不停起身去洗手間，入pantry酙水，都幫助不大，一坐低個人就好想瞓... 好不容易捱到放工。

今早爸爸叫我起身返工，我真係仲好攰同埋無力，真係唔想返工釣魚，所以決定sick leave... 結果，一訓就訓到兩點先再醒過... 全日嘅活動幾乎只有瞓覺同食藥兩樣。 簡直就係食飽藥就瞓，瞓飽就再食藥.... 未試過咁瞓得，瞓左咁多個鐘都可以一"咪"埋眼又可以昏睡幾個鐘，真係好勁!!

終於明白點解醫生問我啲藥食左會眼瞓有冇問題，我答好嘅時候，醫生嘅眼神咁奇怪啦.. 原來係會咁鬼眼瞓，下次都係唔好口爽爽話好lu!!!