痛

新鞋靚就幾靚，不過好睇唔好著，著到雙腳好痛，個harbour city都未行到一半，就巳經著到好痛，好唔舒服... 頓時醒覺舒適嘅鞋係好重要，因為對鞋唔好著，整到對腳好痛，每行一步就會痛一下，跟住行路又要就住就住，都幾影響心情。有時行行下，真係有唸過買過對鞋嚟著o架，不過驚買過對，結果都係一樣，咁就仲傷...

唉，其實對新鞋其實買左都幾耐 (我唸都有起碼半年...)，啱啱早前先拎出嚟著，著過兩次，兩次都令到我好唔舒服 U＿U，我知道扔左佢好浪費，但其係唔想再著佢喇，我唔想又搞到對腳又一笪笪紅卜卜呀...

祝福

上次即將臨盆嘅同事W，睇完醫生返到office，走到秘書姐姐個位，就忍唔住喊左出嚟，因為醫生話個BB無大到，叫同事W多小心一點... 眼見個肚一日一日咁大，明明過多兩日就可以放產假，醫生突然話個BB有問題，同事W嘅擔心係不難理解嘅... 結果BB畀預期早左出世，出世時不足四磅。 但大家都覺得BB早出世係叻仔，因為佢留係嗎咪個肚到都唔吸收，早一點出世，對佢都有好處。

今日秘書睇完醫生返office，我隨口問問她沒事吧? 秘書姐姐竟然話要下星期先話我聽，聽到後我覺得好shock唔知點好，只知道一定有啲事吧... 無幾耐，我見到秘書姐姐抺眼淚，我明白佢一定係為自己個報告巳擔心，但我真係唔係好識 handle.. 我怕我越問佢越令佢擔心，我怕佢對住我喊而我又畀唔到好實質嘅安慰佢... 我只知道佢要時間冷靜一下，但我都好擔心佢，見到佢咁唔開心，我都唔知點算好... 秘書姐姐好好人架，真係唔希望佢有事!!